居美以來，最令我思念的，
不是親人，
不是朋友，
是各式各樣美味之食物。
在食方面，我是典型中國人，即是
食大過天！
飲茶是我其中一樣至愛。
因為小學讀下午班，母親又不喜歡煮飯(我亦遺傳了)，從小已有飲茶嘆點心的習慣。每天早上10~11時，我跟弟弟可選擇到茶餐廳叫早餐A或早餐B，或者是跟母親到茶樓飲茶嘆報紙。
曾聽母親說過的吃點心注意事項：
不要吃煎炸類，因多數有不新鮮材料；
不要吃包類，因為一早吃飽了就不能吃其他點心；
最好吃蒸點，因為可以食出新鮮材料的味道。
好學唔學，至今我飲茶仍留著這幾種習慣。
飲茶，是會上癮的。
而我的毒癮很深。
你有試過一個人飲茶嗎？
我有，而且都幾享受，可以坐好耐。
叫多少點心隨意，最享受一邊喝濃普洱，一邊嘆報紙，不受人騷擾，不用等頭版、娛樂版、副刊… …
飲茶不像吃魚蛋河、燒味飯，
飲茶包含著懶洋洋的生活態度。
居美半年，最令我興奮的事件之一… …
到芝加哥唐人街萬壽宮飲茶。
沒有報紙，但有普洱茶、腸粉、鳳爪、仲有牛柏葉，好開心！
幾時再可以去飲茶？頂頂癮？
雖然我呢邊好易食到中餐，又有茶飲，但仍然好掛住香港d 燒味同河粉，呢邊食到既味道好唔同。質感都差咁截! 話時話，唔係普洱咩? 定有三點水都岩架??(呢個我唔肯定，我見到普洱多) 仲有呢... 係牛柏葉呀
回覆刪除[版主回覆06/07/2008 01:34:00]燒味、魚蛋、車仔面、港色奶茶......仲有好多好多..... 唸起想喊....
潽洱應該係有三點水架(我唸....)，牛柏葉我唸左好耐.....(柏/栢, 頁/葉/業).... 依家改翻嘞！
寫中文blog真係好難呀！
你住芝加哥架? 我到時過黎拉你一齊去飲杯茶呀!
回覆刪除[版主回覆06/07/2008 01:17:00]愛米麗，如果我住芝加哥，我實個個星期去飲茶，唔駛等半年先飲到啦！我住個州乜都無架。
知道有得去芝加哥，有機會飲茶同食中菜時，我真係感動到想喊。
以前星期日, 我好懶..訓到好晏, 要Daddy搵埋位, 我先懶洋洋落去樓下飲茶!!
回覆刪除我又無你咁嚴重, 食乜都得(唔會特別太恨食中餐)...不過我都好掛住雞蛋仔/咖哩魚旦/牛雜/炸大腸/凍檸茶etc...
[版主回覆06/08/2008 11:38:00]對於食，我真係幾傳統，但係我好少食飯，一年都無幾次，我好鍾意食粉同 面，不過依家都好少食 lu....
係普洱喎! http://humanum.arts.cuhk.edu.hk/Lexis/lexi-can/
回覆刪除我未試過一個人飲茶, 我諗我會唔慣啦! 你好叻!
[版主回覆06/09/2008 10:22:00]有報紙睇，好容易一個人食飯。我習慣哂嘞！
妳下次去芝加哥去試吓瑞華啦, 啲嘢好食啲o架. 妳住邊個州o架? 我住Minnesota都有幾間餐館有茶飲喎.
回覆刪除[版主回覆06/09/2008 10:25:00]我住係南方，而且係小城市，除左中國外賣餐館外，乜都無。
瑞華英文係乜？
New Shui Wah 312-225-8811 2162A S. Archer Ave., Chicago, IL 60616 佢喺Chinatown Square入面, Joey斜對面。
回覆刪除Sorry, 唔係Joey,係Joy Yee.
回覆刪除我試過自己飲茶 .. 不過係西茶
回覆刪除[版主回覆06/23/2008 01:12:00]西茶個 feel 唔一樣 wor！一個人一張檯，一壺茶一份報紙......好過癮呀！