2004年某天起床上班，腳離床踏地即踩到一腳水！大件事！原來廁所水箱頂控制停水的裝置壞了，水一直由頂的周邊靜靜浸出，全屋除了厨房都水浸。業主決定更換地板，要我撤離五天！
正惆悵如何安身，突然想到來個五天遊。因為心情欠佳，不想花任何心思，決定到曼谷來個豪華遊。所指豪華，即是選間好酒店，然後足不出戶，食、住、玩、Spa全在酒店進行。
我選了The Oriental Bangkok及Banyan Tree Bangkok。
前者曾多年獲選全球最佳酒店，不是因為它的酒店設施(其實設施有點舊)，而是它一絲不苟的一流服務。
登記入房不在大堂，你踏出車，報上姓名，前檯員工就會拿著房匙與你直接上房間，確實你對房間滿意才即時在房間登記。
除了一般的生果及果汁，更送上駐場經理的邀請卡，請住客當日黃昏參加歡迎宴，有飲有食之餘，更介紹各主要員工及可與其他住客閑聊。
另一特別之處，是神秘管房服務。曼谷文華東方有一奇技，就是無論住客何時離開房間，離開多久，回房後都會發現房間被執拾過，用過的毛巾被更換，一切物品擺放好。曾有傳言指管房部會在你入房後把一根牙籤斜放在門邊，如牙籤倒下即代表住客離房，可入內進行整理。
我沒有看見牙籤，但神秘服務是真的！每次回房都像第一次入房一樣整齊，即使只是吃一頓早餐，但又不曾在我在房間時按過一次門鈴，連在走廊也不曾看過管房部員工或手推車的影子！
即使沒入住酒店，我都誠意推薦它的亞洲著名法國餐廳Le Normandie，由於是fine dining，要尊重場合，所以即使我一個人也沒有帶書本解悶。其實三個小時並不難過，就是因為我是很少有的獨行俠，餐廳的法籍經理很善解人意地付出不成比例的時間與我交談，由於三度菜製作需時，更在中檔時間拿出幾種精緻小點讓我試食，離開時又送上一本有關全球高級法國菜的書籍給我留念。說真的，即使沒有被特別照顧，我也覺得花點錢來一次真正fine dining非常值得！
在泳池游泳，員工一見你步入泳池範圍就會雙手捧著毛巾跟著你去選擇座位，放好毛巾後再拿一杯冰水給你。
還有我一生人吃過最好的牛角包、一級的按摩、真正一級的服務。最難得的是他們不會在你身邊太殷勤的樣子，而是靜靜在一旁，見你抬起頭向外望，就會笑著迎向你前來！
其實比起香港或其他地方，曼谷文華東方的收費並不太貴，但服務真的超班！(信我，我住過香港文華的套房及半島有私人管家的套房，服務也不及曼谷文華！)
在曼谷文華東方，你會覺得自己成為一個「大班」。
至於Banyan Tree Bangkok，跟其他Banyan Tree的渡假酒店不一樣，雖然每間房都是套房，但位於市中心，住客又多，服務差很遠(雖然也可接受)。
我選擇它的原因是希望試它著名的Spa，及天台沒遮沒掩的餐廳Vertigo(如果你有畏高可能會害怕)。兩處地方都很值得一去，尤其是Vertigo，到它的網誌看看吧！
那個旅程，我除了更換酒店外，就沒有離開過兩間酒店，整個旅程可能比遊日本貴，但物超所值。
2002年之後，我只跟一班朋友到過曼谷一次，沒有機會再入住文華東方了。但我知道它會記住每一個住客的紀錄及喜好，務求令每一個住客賓至如歸！
我一定要再入住曼谷文華東方！
還有我一生人吃過最好的牛角包、一級的按摩、真正一級的服務。最難得的是他們不會在你身邊太殷勤的樣子，而是靜靜在一旁，見你抬起頭向外望，就會笑著迎向你前來！
其實比起香港或其他地方，曼谷文華東方的收費並不太貴，但服務真的超班！(信我，我住過香港文華的套房及半島有私人管家的套房，服務也不及曼谷文華！)
在曼谷文華東方，你會覺得自己成為一個「大班」。
至於Banyan Tree Bangkok，跟其他Banyan Tree的渡假酒店不一樣，雖然每間房都是套房，但位於市中心，住客又多，服務差很遠(雖然也可接受)。
我選擇它的原因是希望試它著名的Spa，及天台沒遮沒掩的餐廳Vertigo(如果你有畏高可能會害怕)。兩處地方都很值得一去，尤其是Vertigo，到它的網誌看看吧！
那個旅程，我除了更換酒店外，就沒有離開過兩間酒店，整個旅程可能比遊日本貴，但物超所值。
2002年之後，我只跟一班朋友到過曼谷一次，沒有機會再入住文華東方了。但我知道它會記住每一個住客的紀錄及喜好，務求令每一個住客賓至如歸！
我一定要再入住曼谷文華東方！
Banyan Tree Bangkok係好正, 但我之前住個間離市區較遠,次次的士好麻煩!!
回覆刪除但bangkok渡吓假係唔錯嘅選擇,消費唔太貴,食物都啱口味
[版主回覆10/17/2009 06:22:00]Banyan Tree Bangkok得一間咋，我諗我哋講嘅係同一間，不過我無去任何遊客景點或購物區，全程留喺酒店，所以個地區喺邊都無所謂。
咁你有無試個Spa同頂樓人個餐廳呀？
我都想豪呀，但係豪唔起住。 我成日都話一生人一定要坐一次頭等機，住一次總統套房，希望真係有機會啦！或者有日我無端端俾人 upgrade 去頭等喎。哈哈！
回覆刪除[版主回覆10/17/2009 06:26:00]第二度豪唔起，泰國應該豪得起，我咁樣去4-5日喺酒店食足咁多餐又兩個spa去哂都唔係好貴，比起買一個LV或是Chanel手袋仲要平。相對買個手袋，我一定揀去泰國做豪客！起碼咁多年之後我都仲回味緊，乜都抵。
我同挑皮先生拍拖時住過呢間Bangkok Banyan Tree, 仲有上去頂層食dinner, 可惜挑皮先生真係有畏高, 食食下又咁橋有少少雨, 佢即刻話不如搬番落下一層食呀, 真係天都幫佢
回覆刪除[版主回覆10/19/2009 08:07:00]好在我唔係坐側邊，我在高咗嗰part中間，真係正中大堂，個景超正，不過第二晚我喺樓下餐廳食晚飯時，樓上啲人突然走哂落嚟，就係因為落雨囉！
真係好正...一生起碼要豪一次...
回覆刪除[版主回覆10/19/2009 08:08:00]真係要呀，好值得。
So nice... haven't been to Thailand before. Heard about the hotels before and now after reading your blog, it even makes me want to go more.
回覆刪除[版主回覆10/19/2009 08:19:00]曼谷文華我極力推薦，不過我知做咗40幾年嘅General Manager啱啱今年5月退咗休，啲熟客好似唔係咁鍾意個新GM，但我仍會再去一次(或者幾次 )。
至於Banyan Tree，就淨係去Vertigo都OK，不過佢個Spa個景都超正，但係Vertiga or Spa都好，最好book黃昏日落時間(其次夜晚)，咁至嘆到個景。
我無呀!! 成日掛住出去shopping呀!!
回覆刪除[版主回覆10/20/2009 03:12:00]我依家去泰國無shopping喇！