第一個星期的上班生活順利完成了！
所謂順利，是指新牌仔每天安全回家。
工作方面，除了性質瑣碎外，基本上是沒難度的，所以也稱不上會有工作壓力。上手只是每天兼職四小時也能應付得到，我這個雙倍工時更需費點心思打發時間。可惜我的工作位置很當眼，隨意上網有難度！
全男班的工作環境有一特點，就是辦公室非常靜，連影印機運作都顯得份外響亮。
除了全男班外，公司也是聯合國，我們的分部人少少17人，有來自香港、中國大陸、南韓、美國、英國及波多黎各人。這反而是一件好事，因為即使對對方的歷史文化不熟悉，但起碼大家已習慣互相尊重及不盲目批評，要知道這種尊重在美國南方並不常見。
下星期老公放假，可惜剛上班不能請假，惟有降低要求，希望未來四日他管接管送吧。
咁份工萛唔萛悶呀 有冇興趣做落去呢 ?
回覆刪除[版主回覆06/02/2010 11:13:00]都算悶架，有時做無乜難度嘅工作係容易悶啲，不過呢邊啲工都係咁上下，又唔係New York，都無乜所謂啦。
最緊要開開心心上班，平平安安回家！
回覆刪除[版主回覆06/02/2010 11:13:00]係呀，每日個人同架車安全返到屋企都會鬆一口氣。
好呀!! 最緊要工作愉快, 順利, 有無遲到返工先??
回覆刪除你地個邊要唔要準時返工放工??
[版主回覆06/02/2010 11:17:00]暫時都無遲到！ 我以前真係成日都遲架！ 我公司都幾自由，不過我做行政，都唔可以太過份，放工都準時架，不過我習慣咗唔係準時放工嘅，唔會好似啲美國人咁一夠鐘就失蹤咗。我仲晚晚走前都通知聲老細架，有交帶啲好啲嘛。
Ceci:
回覆刪除返工冇壓力真係正、男主人依家好似日日都欠咗個啊頭幾百萬咁！係咁做、仲黑口黑面潻...
[版主回覆06/02/2010 11:19:00]男主人，我以前啲工都好大壓力架，只不過依家自降職級，做啲以前下屬做嘅工，先舒服啲咋。
有柴可夫管接管送, 真開心!
回覆刪除[版主回覆06/02/2010 11:20:00]係呀，今日仲嚟接我食lunch添！
叻啦叻啦!! 好快加人工啦!
回覆刪除[版主回覆06/03/2010 08:24:00]唔叻唔叻，只係我一直都唔鍾意啲人無交帶。以前我都係要啲下屬咁做架，我完全唔介意佢哋準時收工，但走前要同我講聲囉。有時我做無留意時間，有嘢走出房要搵佢哋先知走哂我會唔高興架。
做住先啦, 真係太悶咪騎 搵horse lor! add oil
回覆刪除[版主回覆06/03/2010 08:20:00]當然啦，同事好好人又無難度，過日神一流呀！
有份工消磨時間都好! 有個推動力嘛~
回覆刪除[版主回覆06/04/2010 07:05:00]我都覺得過吓日神幾好，而且班Engineers個個對我都好好，所以都OK架。
平時都係你等老公, 下星期以叫佢等返你喎...hehe..管接管送都好吖...
回覆刪除[版主回覆06/04/2010 07:09:00]係呀，前兩日佢接我返工，接我放工，仲接我食飯，來回六次。今日我終於叫佢唔好接我返放工，淨係同我食lunch，佢出出入入就無咗成日，好似無放過假咁，我自己都覺得有啲過份。