上週末到最後也沒有去Ikea，一來實在太攰，二來太多東西未開箱也不知道最後需要買多少家具。週六晚還偷閒看了Inception呢！
搬家的支出真的倒水一樣。不計搬運公司的支出，就只是買這買那已經很恐怖。
上週末去了廚廁用品商舖一次，出來就少了幾百，去Walmart買些雜物，又唔見一二百。昨晚下班後只是買睡房兩隻窗的防光窗簾（舊的已很舊而且我覺得遮光能力不足），又一百五。幸好全屋十幾隻窗一早已裝了百頁簾，不然一定破產！
新居比舊居大一倍，還未計算將要買的傢俬電器呢！老爺奶奶贊助的洗衣乾衣機已是二千幾，真的想到已心寒。
我有點懷念舊居，那種很有掌握、很安全的感覺要很長時間才能建立，尤其大部份晚上我都是一個人獨自面對二千幾呎的空間，真的要一段時間才能適應。而且我才剛熟練了舊居驅車上班下班的路線，都是我喜歡那種少車行駛又直通的小路，現在又要再重新認識另一條更複雜更繁忙的路線，討厭！
間屋咁大，不如養埋隻寵物，屋企有其他 heartbeat 都冇咁空洞咁架。
回覆刪除[版主回覆07/29/2010 09:30:00]係都要等攪掂間屋先慢慢諗，但係咁多新傢俬，日頭屋企又無人，驚啲貓狗會咬爛整爛。
我前幾晚先同男主人講起, 咁大間屋...一星期有幾晚都一個人, 係樓上唔知樓下咩事??鎖哂門未??...男主人仲串我, 話無試過咁大間屋梗唔知啦!! 你地係外國慣哂啦!! 屋細你地就唔慣啦!!
回覆刪除其實真係養隻狗會唔會好d??
[版主回覆07/29/2010 09:36:00]我哋揀屋都係主人套房喺地下(依家興)，方便唔駛成日上上落落，樓上係客房書房同偏廳，我基本上無乜上去架。 鎖門窗我就慣哂，係唔慣所有嘢方向唔同咗，又要行得遠咗，真係痾夜尿都會行錯方向。而且新屋主人房門口好近大門，同以前相反，感覺上安全感減低咗。 狗我都好鍾意，但係日頭屋企無人，狗仔會好慘架。 你問我，我就覺得以前千鬆呎好住啲，冷氣都慳好多，唯一唔好係儲物地方唔夠多同無車房囉。
make the TV room cosy and you can enjoy there.
回覆刪除I usually set a budget for renovation/furniture.
[版主回覆07/29/2010 09:38:00]請真依家又無乜嘢缺，只係有啲想買過新嘅，所以我估都係續啲慢慢買。
好快就慣, 最緊要夜晚记得鎖门。
回覆刪除[版主回覆07/29/2010 09:40:00]鎖門我一定記得，因為以前十幾年都係我自己住。但係新環境，半夜三更啲聲都唔同，真係要慢慢習慣。
你都係返工時間唔係屋企, 係驚隻狗狗無聊搵D嘢咬吓同倒亂就煩D啦!!
回覆刪除[版主回覆07/30/2010 02:45:00]狗同貓唔同，貓自己一個唔會覺得悶，日頭成日瞓覺，但狗好需要有伴，而且我想從小狗開始養，小狗無人培會好唔開心架，而且小狗需要多啲心機訓練先至聽話，所以我又擔心佢攪破壞，又擔心佢唔開心囉。
I agree with having a pet.. especially you can potty trained doggie (cat will be easy) and have that in certain area at the beginning. ya, moving to a bigger house costs much more... somehow need to buy more to "fill" the space. Brian thought about moving to a bigger house, I told him that means we have to clean more space! lol...Can your loyeah/lailai come and play with your pet when you're at work if you're getting one?
回覆刪除[版主回覆07/30/2010 02:56:00]我唔想俾咁大責任老爺奶奶呀！而且佢哋雖然半退休，但成日出街同每隔一兩個月都會去旅行，仲忙過我呀。
不如整返幾盞夜晚長開既燈啦
回覆刪除[版主回覆07/30/2010 02:59:00]我唔怕黑，而且要好黑至瞓到覺，最唔慣係啲位置唔同哂，又要重新記低啲嘢放喺邊。
慢慢黎啦, 唔好比自己咁大壓力呀! 你家陣要返工, 都未完全搵返以往自己看書的時間, take baby steps 呀!
回覆刪除[版主回覆08/01/2010 02:05:00]真係好耐無睇書喇！面目可憎呀！ 唔慢都唔得，有時放工已經好攰，乜都唔想做。
好快便適應呢...不用擔心...我其實唔鍾意太大的屋, 會無安全感...反而屋細, 我可以黐實劉阿寶呢...hehe
回覆刪除[版主回覆08/02/2010 09:48:00]我哋依家都係住樓下，樓上完全無用，亦都無需要用，不過依家有車房我老公就開心好多。
上屋搬下屋，唔見一籮穀呀 希望你可以盡快適應新居啦
回覆刪除[版主回覆08/02/2010 09:46:00]每日都唔見一籮穀，又唔知已經幾多籮穀！淨係見到啲單都已經流汗。
慢慢就會慣~ 不過地方大, 之後打掃要花加多時間, 你唔使做運動了, 打掃都夠運動量。
回覆刪除[版主回覆08/05/2010 09:36:00]依家仲未執完，所以都唔理清潔住喇！ 日日都好攰，週末又要周圍去買嘢，仲未recover到！