昨晚的夢中聽到這首歌，而且不停重複又重複。
每次我寫新詩 (新詩)費盡勞力心思 (心思)形容詞用盡也不似 (總不似)難形容是癡心 (癡心)難形容是真愛 (真愛)令我猶疑 寫了又試
心中的影子 小小的天使
你那笑臉迷住了我心智 (IQ成熟時)應怎麼開始 開始第一次
每次遙望你苦未已
遙遙沉點注視 (注視)每日期望孜孜 (孜孜)時時期望建立是友誼
情懷澎湃不止 (不止)情懷原是真摯 (真摯)但怎可以使你會意
如果你懂得這首歌，甚至看過這電視劇，
哈哈！對不起，你跟我一樣，已到達「老餅」階段。
淨係得字冇音樂好難知邊套電視劇喎, 咩劇名咩曲名邊個唱 ? 我想同老餅相認呀 ..
回覆刪除[版主回覆12/14/2008 06:17:00]我估你會知添！
俾啲貼士你啦，首歌蔡楓華唱，個劇有蔡楓華、鍾保羅、鄧藹霖、莊靜而等等做主角。
我點都唔識呢隻歌呀
回覆刪除[版主回覆12/14/2008 06:19:00]Ta姐，你唔駛唔認喇！呢個遊戲我預咗無你份玩嘅！
你當年有無整鄧靄霖個髮型呀？
你咪亞視 ~ 有印像喇有印像喇 ~ 佢哋幾個扮學生嘛 咁套劇叫咩名啫 ...
回覆刪除[版主回覆12/15/2008 03:02:00]係呀！佢哋扮預科生呀，想像得到嗎？
海棠，再努力啲諗諗，叫埋占士幫手......我估Meme可能知。
俾多次機會你，我下星期開估。(留意歌詞！)
HEHE...真係唔識呢首歌哦...
回覆刪除加油呀...要繼續努力寫多D blog哦...
[版主回覆12/15/2008 03:00:00]你咁細個，一定唔識啦！我諗住俾我哋啲老餅玩。
套劇1981年播，我估你未出細呀。
咦?!甜甜廿四味 唉, 蔡楓華同鄧藹霖係我偶像船長哥哥同香蕉姐姐...
回覆刪除[版主回覆12/15/2008 02:58:00]唔係甜甜廿四味.......反而我無睇過甜甜廿四味....嗰首主題曲盧業媚唱.......套劇無蔡楓華架。
下星期開估。
無喎!!整個洛琳(汪明荃家變造型)...
回覆刪除哈哈~~我咪即係自認老餅囉
[版主回覆12/15/2008 03:05:00]洛琳頭要去髮型屋電喎！
你真失策，家變仲早我呢套劇四年前播，唔認老餅都唔得！
蔡楓華既歌我只係識"絕對空虛" 莊靜而係咩個 你以前好鍾意睇呢套劇架?
回覆刪除[版主回覆12/15/2008 12:34:00]絕對空虛好後期喇！證明你好後生！
莊靜而都幾cute架，眼仔大大，兔仔牙，女主角嚟架。
HEHE...1981年...當時艾菲1歲...
回覆刪除[版主回覆12/15/2008 12:34:00]我仲以為你未出世添！
我都唔想認係老餅架﹐但係我知個答案....
回覆刪除IQ成熟時
[版主回覆12/15/2008 12:35:00]終於有答案！青蛙好嘢。
老餅同心態有關多啲，同年齡無乜關係嘅！
個時讀緊書，邊有錢成日電髮....
回覆刪除我自已鬈架，每次都攪好耐．可想而知我幾貪靚哩 !!
[版主回覆12/16/2008 05:14:00]嘩，如果自己鬈，真係要攪好耐喎，俾我一定唔會！
有難度噃
回覆刪除[版主回覆12/16/2008 05:13:00]你年紀輕呀，多數都無睇過。
點解我好似未聽過甘既？
回覆刪除[版主回覆12/19/2008 07:05:00]你咁後生，多數未聽過，套劇1981年播，27年前架！