我老公的家人對節日並不太重視，多數不會大事慶祝，所以所謂慶祝母親節也只是我們送上小禮物，連晚飯奶奶也說不用。上星期跟老爺補祝生日吃晚飯，他也不許我們付款！
外國老爺奶奶跟中國老人家的想法很不一樣，我多次向他們講解晚輩必須孝順老人家，尤其是成年的晚輩，更應盡量幫助照顧長輩。但他們就是不接受，要成功請他們吃一頓飯很艱難，上一次成功是因為我找到中國人農曆年團年的藉口，並說一定由晚輩付款，他們怕不尊重我的文化，才乖乖讓老公埋單！
今週末還第一次洗自己的車子！上幾次都是老公早上趁我睡覺時已洗好，今次我想學正確的洗車程序，待將來他不在家我仍可自己完成。
另外老公想衣櫃更好用，故買了些衣櫃整理系統(closet organizer類似下圖)回家，過去兩天不停在睡房鑽牆鑽櫃。週日晚我以為已弄好，原來他仍未滿意，下週末繼續！還有要更換天花風扇燈，我想下星期會跟這週末一樣忙碌。
I like the closet organizer! Very nice! Ya, my loyeah, lailai sometimes won't let us pay ... or after we pay for one meal, they'll pay for something else... they're more "relaxed" about this now!
回覆刪除[版主回覆05/13/2009 02:02:00]我哋同老爺奶奶去食快餐，十幾廿蚊都同我哋爭餐飽，爭唔贏仲會唔高興，幫佢哋babysit隻貓又要俾錢我哋(奶奶話就算帶貓貓去寵物酒店都要俾錢！).....有時都覺得又激氣又攪笑。
嘩~~個 衣櫃好正,最啱我呢類愛整齊嘅人..
回覆刪除外國人家庭觀念同我地中國人好唔同,淨係稱呼都差好遠, 我地又叔父,伯父,姨媽姑姐...佢地就係Uncle,Auntie...甚至叫名都可以,是嗎???
[版主回覆05/13/2009 02:07:00]我同老公都愛整齊，我啲衣櫃同櫃桐全部都好整齊，所有鞋都有鞋盒排好哂架！但係因為我嚟咗用咗老公好多衣櫃位，所以佢想喺佢嗰邊整多啲格格同掛衫位。
我叫老爺奶奶都係叫名，因為佢哋明白我未必想叫佢哋Dad & Mom。不過大部份時候我都淨係講"Hi"，因為我自己又覺得叫名有啲唔自然同唔尊重。
我老爺奶奶同你老爺奶奶又唔同喎，佢哋好enjoy我哋請佢哋食嘢、送嘢比佢哋，不過，佢哋都會請番我哋食嘢。
回覆刪除[版主回覆05/13/2009 06:51:00]生日、父親、母親節佢哋都鍾意收禮物，但係舊年佢哋連聖誕都唔好買禮物俾佢哋(我哋當然無理佢啦)....... 佢哋好驚我哋洗錢，尤其依家經濟唔好，佢哋仲擔心。
同埋佢哋慣咗一家出去食飯一定由佢哋俾錢，依家我加入咗，我又比我老公更堅持，先至間唔中請到一次半次。
I love reorganizing closet!!!! It feels really good afterwards
回覆刪除btw....I have been driving for 5 years now, but I have not once washed my car on my own I'm super lazy!!!
hehe...外國人又真係好鬼唔同...一係AA制, 一係就長輩比錢...佢地覺得要晚輩比錢係好差架...真係唔明白, 享兒女福唔係一件樂事咩? 不過香港而家新一輩的家長, 思想都係想兒女第時可以照顧到自己, 而唔係照顧到父母...都唔同以前喇...
回覆刪除[版主回覆05/14/2009 08:27:00]外國人都一啲啲，通常年紀大，或者想法舊派嘅...都唔會AA制。我香港好多外國人朋友都唔AA制架。
外國父母好多都覺得，子女無論幾大，都係自己照顧到自己，開開心心，咁佢哋就滿足，好少會期望子女照顧番自己，仲成日諗死後要留番啲錢俾仔女。就好似香港後生嘅父母咁囉。
我同親老爺奶奶出去食飯, 多數係我地俾, 因為唔想佢地破費! 唔同地方有唔同文化!! 總之, 大家開心就得~
回覆刪除[版主回覆05/18/2009 07:20:00]文化真係唔同，我猛同佢哋講佢哋半退休，唔應該要出錢，佢哋唔理我架，尤其我奶奶，俾唔到錢真係會唔開心，仲會怪老爺無用爭唔贏，我哋唔想攪到好唔高興，都要被迫放棄。