最近腦閉塞，不知是因為生活苦悶，還是對周圍發生的事感到麻木。
以前聽人說過，社會常發生的荒唐事，要以幽默感面對，否則若樣樣上心，不變成憤世嫉俗的話，就或者早心臟病發了。
牛鬼蛇神經年處心積慮迷惑女富豪，將自己的親生兒命名Wealthee，每天看見他在法庭的作供，老實說，我除了「O嘴」外，真的不懂回應！
我住的州份，最近發生兩件令人髮指的荒謬事。
一個丈夫在Craiglist登廣告，表示妻子享受似被他人強姦而丈夫在旁看的感覺，徵求會扮演強姦犯的男士。
廣告本身不太病態，病態在於妻子並不知道丈夫登出廣告，亦從未表示享受被強暴。即是說，丈夫在妻子不知情，不同意的情況下，邀陌生人強姦她。(這件事已發生！)
另一位在名大學任助理總監的男子，在網上邀請其他成年人到訪，性侵犯自己5歲的繼子！他還吹噓自己也有性侵犯繼子。(被揭發是因為今次洽上的是聯邦密探，但真的不知道之前是否已有同類事件發生。)
一個人，究竟經歷過什麼，變成一隻禽獸？
令我更麻木的事，這些道德倫亡之事，發生的頻率愈來愈高，所犯之事的人性扭曲程度更達筆墨難以形容。
真的可靠抽離及幽默，就可以解去心中的一團悶氣嗎？
我只是經歷了三十多年人生，世態的改變己令我喘不過氣，未來的幾十年如何過？
唉!我都好認同你所講，我以前被灌輸的價值觀，是黑白分明，不會有灰。灰色部分是人長大後，慢慢在社會上領略到的。但現在的新一代，他們的價值觀，真係不敢恭維。好似現在他們討論的援交意見調查，真係不知所謂，D小朋友黑白不分，將黑變灰，灰變白..OMG!
回覆刪除[版主回覆06/30/2009 06:41:00]講真，我對援交/賣淫沒太大意見，參與者都是自願並承擔責任的話，對我來說他們做什麼是他們的事。(例如其他人批評的安樂死、成人亂倫、同性戀等都一樣。)
但找人強姦太太、找人性侵犯小朋友卻是另一回事，因受害人被迫被傷害，而此等傷害的影響都很深遠。
變態社會 .. 我覺得最核突就係E個粉腸睇見佢棚牙就想嘔, 如果嗰女嘅無過億身家你睇佢重會唔會話愛佢吖 牛鬼蛇神經年處心積慮迷惑女富豪 ， 將自己的親生兒命名 Wealthee ， 每天看見他在法庭的作供
回覆刪除[版主回覆06/30/2009 06:46:00]其實佢同喺街邊呃亞婆，話俾錢拜神個保家人平安嗰啲騙棍無分別。之不過街邊騙棍無諗過可以埋小甜甜身啫。
真係唔係講笑，見到佢棚牙就想嘔！
你知嗎 ?? 我而家直情唔睇呢個賤男嘅新聞 , 佢真係唔知個醜字點寫 , 為咗錢 , 乜都可以出賣 , 名女人一世精明 , 竟衰係呢 d 男人手上 ????
回覆刪除[版主回覆06/30/2009 06:48:00]其實我諗小甜甜只係太寂寞，只要任何騙棍埋到身，扮關心扮情聖，都可能得手。
我之前見到嗰單Craigslist新聞，真係好恐怖，最親近嘅人反而係最想傷害佢嘅人。 我成日諗如果可以以其人之道，還治其人之身就好喇。好希望依啲變態佬一係俾人閹，一係俾人百倍奉還。 嗰個陳生真係好核突，我戥佢啲仔女慘，個老豆咁。
回覆刪除[版主回覆06/30/2009 06:54:00]我以前細個都會咁諗，如果殺人唔駛填命，我都會殺咗好多衰人！不過戀童癖就真係好似無得醫或者改善，我覺得要考慮閹咗啲重犯者，或者俾hormones佢哋食到無任何性幻想。
而家每日聽陳某嘅作供我都覺得係極大娛樂 !!
回覆刪除[版主回覆06/30/2009 07:03:00]我最初以為佢有乜證據咁巴閉，見佢作供先知原來乜都得佢把口亂講，乜老公老婆，風水陣係兩公婆玩意！佢真係當大家白痴咩！如果佢唔係用風水救老公做餌，鬼埋到甜甜身！依家就扮哂自己唔識風水！我覺得最「O嘴」係佢居然認為佢自己嘅供詞make sense，仲講得出口！
如果判佢贏，就真係無天理！不過依家無天理嘅事時有發生，都好難講！
睇到呢D新聞, 真係唔明D人既價值觀點解會錯哂, 究竟係邊個既錯。 同埋令我擔心第時該點樣教小朋友, 好似陳生做既事, 明明自己道德有問題, 都可以講到自己冇錯咁...... 如果有個咁既爸爸, 我真係冇面見人.........
回覆刪除[版主回覆06/30/2009 07:12:00]我諗係大家嘅錯，家長得一兩個仔女容易縱，學校唔敢再教道德倫理，社會風氣敗壞大家又覺得唔關自己事就唔出聲，乜都話先享受嘅生活模式就自然令人不負責任...... 我諗唔係某一方面嘅錯，而係人人都有錯。
我諗呢一代如果要生小朋友，又或者已經有小朋友嘅，多數希望將自己嘅小朋友放喺「另一個世界」，同醜陋現實分割、脫離嘅世界，盡量唔俾佢哋知社會有幾變態，包圍身邊嘅親人朋友都係生活喺「另一個世界」，因為如果唔係咁，實在好難raise kids。
我最擔心嘅係，兩種世界愈來愈分割，遲早出現問題！
你睇吓 ~ 個個都鬧嗰條核突粉腸 , 如果報道係真嘅田田E都比唔小$$佢la , 你有冇咁貪心想吞主席嗰位呀, 你當華戊班人廢咁易比你得手 , 神棍蔥你好肉酸呀
回覆刪除[版主回覆06/30/2009 07:18:00]係啦！原來唔知個醜字點寫可以去到咁嘅地部！佢啲全部都係得把口嘅供詞，如果真係有人信，我都唔識講落去！難為華懋律師仲要認真發問，俾我笑死同激死好耐！
唉！睇到呢啲新聞真係唔知比乜嘢反應好 先講強姦同侵犯兒童呢兩單，每個人嘅性需要都唔同，當發覺自己嘅性需要有異於一般人嘅時候，應該向醫生或心理專家尋求協助，而唔係將自己嘅快樂建築喺別人嘅痛苦身上 至於迷惑女富豪嘅陳生，我只能嘆句佢貪得無厭，多年來佢攞嘅著數已經係天文學家，估唔到今時今日佢能夠咁厚顏無恥想攞人地副身家，作供時不斷提及二人嘅親密關係，女富豪已仙遊無得爭辯，但佢有無諗過佢老婆嘅感受 我唔認為佢有勝數，佢只會令自己身敗名裂，成為萬人恥笑嘅奴才
回覆刪除[版主回覆06/30/2009 10:09:00]大部份人有慾念，無論正唔正常，都唔會有motivation控制佢，因為滿足慾念一定比抑制慾念過癮。而且美國呢種強調pursuit of individual happiness文化對道德倫理教育一啲幫助都無。
有時我懷疑陳某係唔係delusional，因為佢好似生存喺一個其他人唔認識嘅世界入面！我估佢未必身敗名裂.... 因為佢仍然有錢，現今世界，只要有錢，就算做雞做狗，都仲有好多人會服侍佢哋。
OMG
回覆刪除[版主回覆06/30/2009 09:53:00]我最初都係咁反應，我有時諗我未知支持到未來幾十年將會發生嘅變態事。
真係太變態喇...而家個世界D人真係好可怕...
回覆刪除[版主回覆07/02/2009 02:07:00]係呀！最慘就係發生頻率愈來愈高，好似就嚟變成常規咁。