眨眼到六月中了，今年過得真快。
Yahoo!好像完全沒有想過解決Y! Blog在大部份時間沒法瀏覽的問題，應該是伺服器負荷過多，或許Yahoo!不想再投入資源在沒有收入的環節上吧。
也不是完全看不到的，每日香港用戶睡覺時，即香港時間凌晨1時至晨早8時，瀏覽Y! Blog和上載圖片基本上是沒有問題的。
我也有一段日子沒有寫網誌了，主要原因除了懶惰，也因為上星期老公一直留在家，並在星期三進行一個小手術。手術雖然不複雜，但也要差不多兩小時及全身麻醉。第一次見到他軟弱站不穩的狀況，有點詫異，因為他基本上是一個身體及性格也很強的人啊。
其實在手術後要駕駛半小時載他回家，才是我當日最緊張的一環！
手術很順利，他正在康復中，當然今天亦已回亞特蘭大上班了！其實他上星期四已在家工作了差不多十小時，當時還要定時用止痛藥，我覺得他有少許自虐狂。
希望今個星期，他能自動自覺在正常時間(晚上9時前)回酒店休息！
可能是時候致電當嫦娥了！
我做完全身麻醉之後嘔到嘔水呀，妳老公淨係企唔穩已經好勁架喇。
回覆刪除[版主回覆06/17/2009 05:54:00]佢OK喎，係最初醒時有小小好似未瞓醒咁，同埋起身嗰吓真係企唔穩。
不過佢第二次全身麻醉喇，佢話幾年前第一次起身之後自己覺得無事，所以唔聽話，即刻食固體食物，終於攪到胃痛咗成日。今次乖啲，飲chicken noodle soup。
Same here, I can only visit yahoo blog in the US afternoon time! Very frustrating!
回覆刪除[版主回覆06/18/2009 03:36:00]你要返工喎！唔好俾人發現呀！
原來香港人瞓覺你地先得到yahoo blog...我諗yahoo唔會放棄blog掛...
回覆刪除祝你老公健健康康, 身邊人有病, 自己都好辛苦架!
[版主回覆06/18/2009 03:39:00]係呀，尤其我老公成日扮強壯，唔肯好好休養，星期日仲走去洗車！激死！呢兩日又同我講下星期要做番運動，真係想佢乖乖調養好個傷口都好難！
平時幾硬正嘅人，到身體有D毛病都會變得weak,最緊要身邊有個strong嘅伴侶,你老公有福啦
回覆刪除[版主回覆06/18/2009 03:42:00]講到強，我雖然唔差，但真係唔及佢！我依家最驚佢唔好好休息。
hehe, 大家都懶了....~
回覆刪除[版主回覆06/18/2009 10:21:00]加上成日都睇唔到blog，想寫又唔得，想睇又唔得，想回應又無反應..... blog界更加靜。
有時男人係咁架, 阿寶都係, 病都當無事(但又耐不耐躲懶請sick leave)...呢排叫佢乖乖地去睇醫生, 成日咳...結果我半夜會比佢咳醒佢都唔知...好無奈...
回覆刪除[版主回覆06/19/2009 02:33:00]係男人都唔鍾意睇醫生架！我老公仲病都返工，今次做手術都係請咗一日假咋！
有D人要有工作至有衝勁架!!一無嘢做就同身唔舒服,你整D有營養嘅嘢比佢補充體力啦!!
回覆刪除[版主回覆06/19/2009 02:30:00]佢唔信食療架，不過佢平時都食得幾健康，所以食我又唔太擔心。
佢仲話今個星期六去打golf，真係俾佢激死，傷口爆咗我唔會理佢架！
你老公好番未 ! 最近個個都鬧Y! blog , 因為睇唔到blog friend d 相, 有時巡blog連嗰頁都開唔到or慢到嘔, 攪到冇心機等轉去 facebook, how are you
回覆刪除[版主回覆06/21/2009 00:52:00]佢話傷口仲有啲扯住，依家等緊傷口埋囉！只係希望佢好好休息，唔好周圍攪嚟攪去！
我無玩pet society，所以facebook都係睇吓朋友仔啲updates同相。平時日頭我無嘢做，仲可以趁香港人瞓哂覺時睇blog。
我最近OK啦，都係悶囉。不過天氣熱番，天又藍，心情都仲OK嘅......
如果你搬埋過嚟咪好囉又多個friend 幾時過嚟CA行吓你老公喜歡CA嗎?
回覆刪除[版主回覆06/21/2009 07:00:00]搬去CA?我都想，但一來生活指數太高，樓價起碼高兩、三倍，二來我老公父母都喺呢邊，佢又係獨仔，所以多數唔會搬得去邊！睇嚟我都係做個鄉下婆！
我10月可能會去溫哥華探我家姐，但多數唔會落SF喇。
我都試過之全身麻醉1個鐘倒, 醒後好餓要去oliver garden食野先返屋企!(唔聽醫生講要返屋企休息) 祝你老公早日康復
回覆刪除[版主回覆06/22/2009 08:38:00]佢無乜嘢，康復中，不過今朝俾我勁鬧佢去打golf，我好驚佢傷口爆。不過佢係硬頸王，點鬧都無用！