4/8/2009

最愛是誰


誰人是我一生中最愛

答案可是絕對……

有問過自己這個問題嗎？你的答案絕對嗎？

對伴侶不忠不是男性專利，我常認為女性較愛糊思亂想，發白日夢，較容易在「思想上」不忠。

自到達約會年紀，在人生旅途上，遇到過多個心儀的男子，有些曾有緣成為伴侶，當然亦因為各種原因未能開花結果(可能是相遇的時間不對，大家的成熟程度，對生命要求的優次不同等因素)。

幸好大部份時候都在了解及和平的情況下分手，有些亦成為多年的知心友。可以說，我對他們的「愛」，或他們對我的「愛」，沒有減退多少，只是轉換了形式。

有時候我覺得，到最後誰能成為終身伴侶，真的很講天時地利。假若時機適合，可能當年我已嫁給A君或B君或C君了。因為不跟他們成為伴侶，可能跟「愛」扯不上直接關係，只是時間或環境不配合吧。

所以若你問我最愛是誰，我相信我的答案未必絕對。

你的答案又如何？


(特別聲明：我的婚姻狀況沒出現問題，只是最近發夢聽到「最愛是誰」這首歌，而引至這白日夢網誌！)
發佈者： 於
標籤：

9 則留言:

  1. kami4/8/09 08:34

    終身伴侶真係要好match 天時地利人和! 我至愛都係我的挑皮老公! 以前過去的已過去, 我同ex 都可以keep住朋友關係架! 感情就係咁煩架啦! 不過以前自己攞嚟煩, 依家唔洗煩lu
    [版主回覆08/05/2009 12:58:00]乜你哋咁架，個個都最愛老公，攪到我好似好衰咁！
     
    我真係覺得我同我老公做成夫婦，係咁啱得咁橋，唔係特別因為我愛佢多過我愛以前嘅男友們好多。可能我以前啲男友們都係「好佬」，都值得我去愛啦。

    回覆刪除
  2. jo-horn4/8/09 10:04

    我以前成日暗戀人架，阿媽話未中學畢業唔可以拍拖，所以淨係暗戀人咋，啲對象全部都係温文爾雅嘅高材生，尤其係戴眼鏡嘅。 但係初戀就真係鬼掩眼，完全唔掂，白白浪費咗五年半，中間有幾個好嘢又冇理到。 不過好彩依家個老公就係我理想對象，一齊六年幾七年恩愛有增無減，呵呵！對我嚟講佢係最好嘅，又係最啱我嘅，我覺得自己真係執到架，嫁到個最愛。哈哈！
    [版主回覆08/05/2009 13:07:00]你又係咁，最愛老公，攪到我好似狐狸精咁！
     
    我中學讀女校，無乜玩暗戀。大學就開始拍拖喇，十幾年都約會/拍咗好多個。有一兩個好似你講鬼掩眼，失哂手，完全唔掂，但其他嘅都好好心地，好好質素架。有兩個仲同我約定如果第二時老咗都係單身，就不如結婚有個伴終老。
     
    我依家個best friend都係舊男友嚟架，多次喺我生活不如意嘅時候出手相助。所以有時緣分真係好難講。

    回覆刪除
  3. 艾菲妹4/8/09 13:44

    HEHE...我相信姻緣天注定, 因為我認識阿寶真係好巧合, 好似好多方面整定咁...一拍即合...到現在大家都好珍惜, 希望長長久久...
    [版主回覆08/05/2009 13:09:00]「珍惜」真係好重要。有時口知道，但實際行動就懶懶行，人都係有惰性，我都曾經唔珍惜過一個重要嘅人。

    回覆刪除
  4. Southerngal5/8/09 00:26

    I'm "friend" with my ex"s" 8-p Brian and I doesn't have those sparkling, explosive love, but we've been together almost 9 years and compatability is more important... because I've seen so many people who passionately "love" each other, and yet, they're not compatible at all, end up hurting the love feeling between them and actually hurt each other even more.
    [版主回覆08/05/2009 13:11:00]我同老公都無特別火花喎，不過真係互相尊重。
     
    我都認同「愛」唔等如一切，有好多時最愛嘅，亦都係對你唔好嘅。有時愛一個人好難解釋，可以好唔理性。

    回覆刪除
  5. Ivy5/8/09 02:05

    我梗係最愛 Shiro ~ ~ ~ PA啦
    [版主回覆08/05/2009 13:12:00]你哋個個攪到我好似壞女人咁，激死！

    回覆刪除
  6. jo-horn5/8/09 23:24

    咁又唔好咁講，妳啲前度質素好啫。我拍過兩次拖咋，第一個拍咗五年半，第二個就係我老公喇。前度勁差，完全同我老公冇得比，咁我最愛梗係我老公啦！
    [版主回覆08/06/2009 02:43:00]我幾鍾意拍拖，甚至只係約會嘅階段，無乜壓力，又唔駛投入咁多，而且時機又唔啱，所以拍咗十幾年拖囉。都有好處嘅，真係有機會遇到唔同嘅人，同埋愈拍得多，愈唔會為少事煩惱。

    回覆刪除
  7. Ms. SL6/8/09 06:01

    其實真的很講天時地利 有些人拍拖十多年分手收場 有些相識一個月已經步入教堂
    [版主回覆08/26/2009 07:00:00]Aiya，不來一直未覆你，我平時唔會漏架！
     
    你講得好啱，因為我計來計去，嫁俾我依家個老公嘅機會率其實唔係好高，又long distance，又拍拖唔耐，但係咁就嫁咗。喺香港拍拖十幾年反而無個結成婚！！

    回覆刪除
  8. 亞四10/8/09 03:49

    每個人喺唔同嘅階段，都會有唔同嘅最愛，細個嗰時會好衝動好盲目咁去愛一個人，但人大咗反而嚮往細水長流舒適簡單嘅愛，呢一刻我最愛嘅絕對係白頭佬
    [版主回覆08/10/2009 06:37:00]你哋個個都最愛老公，目標好明確呀！我就答得咁清楚喇！

    回覆刪除
  9. 山蕃熊貓屋11/8/09 05:40

    最愛是誰? 愛自己~ 
    [版主回覆08/12/2009 03:33:00]我又無諗過最愛自己喎！

    回覆刪除

訂閱： 發佈留言 (Atom)