今天一早，我的大繼女乘飛機往西班牙當半年交換生。
不要看她足廿三歲，繼女從少到大，生活學業一向有爸爸爺爺嫲嫲打點，不要計比較複雜如報稅交學費等事宜，普通如每年例行檢車、每學期買書、甚至日常收到公文郵件，也要爸爸或祖父母代為處理。
其實以她的依賴個性，這次願意到海外當交換生，我已經覺得很值得鼓勵，因為對她來說真的不容易。
由於她已是四年級學生，那邊的學校把學校宿舍預留給年紀較輕的學生，故她需要自己找房子，學校會給她一個有房出租的名單。
但這安排實在嚇怕了她及她的祖父母，而且現今的美國典型年輕人已習慣了生活日常所需必須隨時手到拿來，平時她外出一個週末已需要收拾一個小行李，你要她把5-6個月所需放在兩個大行李內簡直是天方夜譚。（她還要帶自己用慣的浴液，你說她要多少個行李箱！）
就因為以上種種，嫲嫲自告陪孫女入學，包辦買機票、行程住宿、找房子、登記入學、甚至買行李箱、託運行李等。
她這個情況可能是有少許誇張，但實在不是例外。只是我們身邊都比較少有這樣年紀的親戚，不知道這一代美國年輕人，或一般年輕人的情況吧。
我舉一個例子，與她一起同一學期到同一學校當交換生的學生有5個，所有人必須在下星期一迎新前抵達，直至今天為止，只有她跟另一個學生能順利成行。其他三個呢？
其實想當交換生，是起碼需要一學期前向學校提交申請，收到學校批准信後到華盛頓西班牙領事館申請學生簽證，預留最少6星期，收到學生簽證才可啟程。
到一月初，繼女聽聞其中一個至今連美國護照都未申請，另外兩個未有預留6星期讓西班牙領事館辦簽證，你說奇不奇。大學生樣樣事不懂懶懶行我見怪不怪，最怪是他們的父母好像也全不緊張的模樣。因為他們幾個自聖誕前學期完結，已沒為下學期選科又不用再上學，就是要等西班牙學期開學，如果不能成行，就會整整一個學期留在家沒書讀。
不過，如果你知道現在在美國只有大約一半大學生能在四年之內畢業，就知道現代的大學生有多進取主動。老實說，我的繼女順利成行，也因為我們把所有日子算好，才把所有程序一一做妥。
會以為自己的兒女就一定不會這樣嗎？即使連我自己這樣獨立，我也不能肯定如果我有兒女是怎樣。我只知道我所認識的同事、朋友中，美國人、中國人、香港人，如果有兒女上大學，不論學校在十幾小時機程外或幾小時車程外，幾乎所有父母都會幫兒女開學，搬家購物安排妥當。像我們廿年前自己來的情況絕無僅有，如果你看到有學生沒家長陪開學，其他同學及家長也同情可憐他似的。
其實，除非仍要為最基本的兩餐一宿奔波，否則這就是生少一點兒女，每個小朋友從一出世就有2-6個成年人照顧愛護的自然狀態。我不覺得驚奇，也不覺得有什麼可批評，又不是年輕人的錯，我們的社會自自然然會為新一代調整。
做人父母的，繼續努力吧！
in my era, we felt embarrassed if our parents took us to university. We thought it was not cool. I wonder if young people tody need to take their parents to their first date, first sexual encounter.
回覆刪除[版主回覆02/09/2011 04:17:00]
我之前都有提過依家年輕人會要求自由同權利，只係無咗責任同承擔嗰部份啫。我又唔會怪佢哋喎，亞爸亞媽公公婆婆爺爺嫲嫲爭住照顧佢哋啦，俾我都覺得唔駛學亦唔需要學。呢一代有邊個細路唔係衣來張手，飯來張口吖，個社會自自然然會調節好。正如我哋亞媽年代無菲傭無陪月呢樣嘢，依家都出咗個咁嘅行業啦。
拍拖去玩嗰啲你又唔駛擔心，一定比我哋年代早熟。只係可能買避孕藥要亞爸俾錢咁啫。
依家陪啲細路開學，真係個個都有家庭幫手架，主要都係出錢同出氣力擔擔抬抬，無父母陪嗰啲，其他同房父母通常會帶埋佢哋出去食餐飯先走人，等佢哋唔會覺得孤寧寧一個。我同我老公有時就算唔駛搬嘢，都會專登露一露面，食餐飯或者問佢有乜需要，心靈上支持嘛，就好似佢哋有體育比賽或者其他大日子我哋都會出現一樣。
Bravo to ... your in-laws and you guys making everything possible; and bravo to your daughter-in-law, hope she will enjoy her stay in Spain!
回覆刪除To be honest, I'm worried about this. As much as I love having my parents and Brian's parents around, I think they will spoil Cole (for example Cole's frustrated because his train got "stuck", nai nai immediately rushed to him and got that out... I usually give him instruction and let him try first, or get that out for him, and put it back the same place so that he can learn how to do it by himself). I even worried I may go too soft on him in future. Sometimes it's hard to find a balance.
How are you doing? Any Chinese New Year atmosphere in your area? We went to a Chinese New Year party on campus organized by students... sometimes really wish I can just go back one time with Cole during CNY!
[版主回覆02/09/2011 23:22:00]唔擔心得咁多架喇，我最初接觸兩個女時都覺得奇怪，點解咁大個人仲咁細路女，乜都唔識做。但係識得耐咗，又覺真係唔關佢哋事，佢哋啲朋友仔個個都係咁。而且佢兩個本身心地唔差，讀書又唔駛擔心，呢一兩年都生性咗好多，已經獨立咗好多架喇。唔可以成日用我哋嗰代嘅諗法做法強加佢哋身上。
我自己認為，可能有兄弟姐妹會好少少，因為最起碼注意力都分散啲，同埋有差不多年紀嘅人日日時時對住，爭嘢又好，一齊玩又好，佢哋自己自然會搵到一種相處方法係幾多個大人圍住小朋友都教唔到嘅。
我都想聖誕或者新年返香港，就算要派利是都係咁話啦，因為氣氛真係好唔同。
不過23歲都要家長打點真係有點兒那個....我見美國人好後生就好想搬開住...以為佢地好早就好獨立添!
回覆刪除[版主回覆02/09/2011 23:08:00]搬出去住你又唔駛同佢哋擔心喎，邊個交租至係重要點。都話佢哋都好著重自由同權利啦，所以去玩一定無問題，穿州過省去聽場演唱會差不多每個月都有。
呢一代除非屋企經濟環境有問題，如果唔係即使細生仔會兼職，都係賺錢去玩去買嘢，我繼女都有part-time架，不過日常生活所有開支繼續老豆俾。我又無乜所謂，啲錢佢爸爸賺嘅，洗喺啲仔女身上都好應該。
如果係我23歲的時侯有呢個機會，哇！仲唔發達 ，可以無王管成半年喎 ，點會想有屋企人跟住架
回覆刪除[版主回覆02/10/2011 11:41:00]我諗你誤會咗喇，嫲嫲只係陪佢一個星期，陪佢出發、搵屋、開手提電話、銀行戶口之類，之後嫲嫲就返美國喇。 而且佢喺美國一向都無王管架，外國父母一向都唔會好嚴管仔女架啦，佢一向都已經好自由架喇。
原來外國的孩子都有著這樣的改變...如果要生小朋友, 真係要諗清楚...我都開始沒有信心都教好孩子...
回覆刪除[版主回覆02/10/2011 11:48:00]唔係淨係外國孩子係咁架，依家香港可以有本錢送仔女去外國讀書嘅都會陪仔女去海外開學，我有兩個同事一個仔一個女，兩個都入耶魯大學，即係話起碼讀書好叻，兩個父母今年都請假陪開學，我覺得又無乜所謂，如果個細路想人陪，又可以令父母安心啲，我唔覺得點解要多多批評。 依家一代大部份時間係因為父母自己唔放心，或者過唔到自己內疚感，又或者同其他父母比較有壓力，先會攪到啲小朋友依賴性強咗，真係唔關小朋友事。
我仲以為外國兒女會獨立D??
回覆刪除我記得我以前有位美國同事, 佢對個女好自由, 我意思係每次公司旅行, 佢都由佢自己行開去玩, 唔會好似我地中國人父母咁驚佢唔係自己視線範圍會擔心, 趺親又唔會好緊張......其實個個父母都一樣緊張自己仔女, 睇吓付出會唔會over....只要自己係度一日, 都想照顧到D仔女令自己安心為止....有時都覺得好攰, 不過無計啦!!
我地努力啦!!
[版主回覆02/13/2011 11:42:00]其實全世界嘅兒女都一樣，最主要係全世界嘅父母、祖父母都係咁，小朋友長大變成點，都主要因為父母點照顧佢哋成長啫，港孩、美孩，乜孩都一樣。 依家返而係啲父母唔捨得啲小朋友，唔想佢哋長大、獨立，係啲父母依賴要仔女陪多啲，唔想佢哋有自己生活，想繼續為佢哋做決定，點怪得啲小朋友呢！