上一篇網誌說百物騰貴，但難得一到香港，心裡的購物蟲蟲仍然會蠢蠢欲動，買了些少，已滿足了。今天閑在家就無聊貨品一覽。
先來鞋，忍手買了四對，包括一到步兩天後即買短水靴，很輕身款又不老套，而且不貴，在之後打風的日子還可即時著！
我每次回港必到金鐘廊Maud Frizon Paris買平底鞋，因為款OK得來價錢不貴，最重要是舒服。
最後一雙是純粹貪個款少又得意，因為我極少穿波鞋，Alexandar
McQueen跟Puma合作的波鞋一對，可能買完都係得個睇字！
在Massimo Dutti買了兩件，包括唯一一條裙，見它的雕花手工好，不過穿著時要很小心，一但鉤爛就要作癈，另一件絲質上衣雖然要乾洗，但我對靚印花(print)情有獨中。
最後一雙是純粹貪個款少又得意，因為我極少穿波鞋，Alexandar
McQueen跟Puma合作的波鞋一對，可能買完都係得個睇字！
在Massimo Dutti買了兩件，包括唯一一條裙，見它的雕花手工好，不過穿著時要很小心，一但鉤爛就要作癈，另一件絲質上衣雖然要乾洗，但我對靚印花(print)情有獨中。
我之前在壹週刊見到上海籍牌子Devil
Nut的便服，已有興趣，趁住得近重慶大廈就去逛逛，買了兩件。（我年紀大，但很喜歡公仔衫，哈哈！）
Nut的便服，已有興趣，趁住得近重慶大廈就去逛逛，買了兩件。（我年紀大，但很喜歡公仔衫，哈哈！）
以下一件我都嚇親自己，我雖然喜歡公仔衫，但穿衣的款式很「不少女」，但行過祟光時見到靚姐姐售貨員穿上這件Liz Lisa粹花上衣覺得很好看，最重要是手工非常仔細（我影得很差，但上衣的蝴蝶與衫身的喱士都好靚，如果我襯牛仔褲應該不太過份。)
可愛完都要型，難得D-Mop及Izzue減價減得早（可能款式不適合自由行吧），入了三兩件，第三件也是乾洗貨，但條領同前襟實在太靚，那層次感著上身後也看得到。
最後當然要到Uniqlo買基本貨，三條超平褲跟幾對Muji襪。
另買了一件T-shirt，一張在車房用的型矮凳及Ipad套給老公，還有些給自己的護膚品及其他雜貨。
財散人安樂！YEAH！
財散人安樂！YEAH！
嘩﹐你條友仔吖﹗幫助促進香港經濟喎﹗ 好Q靚呀D衫﹐可惜要好似你咁窈窕先著到﹐我著應該係會撐爛件衫﹗ 時差有排你玩呀﹐抖下喇老細﹗ p.s.嘩﹐象牙色嗰條靚裙要襯Blaze唔覺嗰陣先著得喎﹐如果唔係......尤其你賴低佢喺度咁耐食自己......一陣報仇﹐條裙就bye bye喇﹗
回覆刪除[版主回覆06/28/2011 20:12:00]你唔講，我都唔知洗咗幾多錢，琴日攞啲單出嚟睇吓，大件事，買咁少都皮幾嘢，收卡數就頭痕喇！(好在機票唔駛錢咋！) 喂，你真人無上靚咁大件嘛！不過我今次覺得香港啲衫愈來愈闊同長喎，可能要遷就啲自由行，不過香港啲女仔都闊袍大袖咁，應該乜嘢身型都有衫買得到。 你都係得個講字啦，返到香港你都係唔得閑買嘢啦！不如咁啦，你開始俾comission我，我幫你買衫啦！
我都好想返香港shopping...... 快D 買多D 野啦！
回覆刪除[版主回覆06/28/2011 20:13:00]咁快啲計劃吓啦，不過香港依家好少減價喇，要有心理準備。
返到香港, 如果忍得手唔買嘢, 好似唔多正常喎!! 你買D衫好鬼啱我心水呀!! 個日同我食飯係咪好似着咗其中一件呀??
回覆刪除[版主回覆06/28/2011 20:18:00]嗰日食韓燒，緊係唔著新衫啦！我睇番Cathy張相，係美國衫嚟架，不過係另一件有print嘅絲質衫。 啲衫鞋真係貴，無乜減價，十件八件都皮幾嘢，不過難得一次半次，如果個款普普通通，或者喺香港買到，我都唔會買呀。
見到喜歡的東西,一定要買,買,買。
回覆刪除[版主回覆06/28/2011 20:19:00]以前我都會咁樣，依家少咗喇。
咁有無買到狗仔用品先
回覆刪除[版主回覆06/28/2011 20:19:00]兩件咋，好多都無size，不過我無入九龍灣就真。
收鑊豐富喎...我舊年買咗件碎花上衣(有D似你嗰件), 諗住襯牛仔褲, 點知...我個樣同件碎花衫唔襯囉...唉...
回覆刪除我都幾鍾意你嗰對波鞋, 要去睇下先...hehe
[版主回覆06/28/2011 20:23:00]你嚇我？ 我希望件碎花OK啦，不過碎花同圓點我基本上唔會著，但係件衫全件都係喱士嚟架，真係好靚，六百幾算OK喇。 對puma我喺IFC間Puma買架，仲有紅色同新貨灰銀色，但新貨要成二千蚊，我對千鬆啲，依家諗返買嚟又唔會著真係勁浪費呀！
ceci:
回覆刪除大件事(替補机制）、點解唔過埋7.1先走，Ta姐唔陪男主人遊行呀！
[版主回覆06/29/2011 20:02:00]男主人，唔駛怕，我以前七一年年都係自己一個去行。我通常都係睇住電視，見遊行隊伍行得咁上下就出發(但我住上環好近)，我會搭地鐵到金鐘，然後淨係行金鐘到中環。 遊行數字對我嚟講唔重要，所以我唔會去維園出發，我遊行只係自己心意，同埋感受吓香港人仍有嘅堅持同理智。如果你唔係經常去遊行又唔想等足一日，可以考慮參考我呢個方法，前後都係一個鐘頭到。 男主人，我支持你呀，去行一陣，去感受吓啦。
wow, you bought quite a lot war ! So far I only bought one t-shirt !
回覆刪除[版主回覆06/29/2011 20:03:00]你哋有小朋友嘅父母，就算有時間都係陪哂小朋友，或者買嘢俾小朋友，自己永遠排最後。我估你到走時都未必買到好多俾自己呢！
好多戰利品喎 番HK徐咗食好嘢 購物點小得 淨係你E堆衫喺美國已經靚絕
回覆刪除[版主回覆06/30/2011 07:04:00]真係呀，返到香港發現有幾件都無乜機會著，平時返工我都好casual。
ceci:
回覆刪除男主人都試過行最多人果次、真係豬咁蠢入咗維園等出發，等咗幾個鍾先行，真係吹賑....
[版主回覆06/30/2011 07:05:00]唔駛維園出發啦，中途加入一樣咁好架。
話就話唔買唔買，但收獲都唔錯喎 件 Liz Lisa 好靚呀！碎花衫好難遇到啱心水，見到合眼緣合價錢嘅就唔好放過
回覆刪除[版主回覆07/01/2011 08:07:00]希望著咗上身唔會太娘啦！
買咗唔著咪嘥料 咪理啦 照著可也
回覆刪除[版主回覆07/01/2011 08:08:00]我有時返工著得好啲，啲同事都問我係唔係有party去！哈哈！
我鍾意件可愛型花花衫~!!!
回覆刪除[版主回覆07/09/2011 10:05:00]你係可愛麻媽仔嘛！ 如果鍾意返香港時可以去祟光睇吓，成間舖都係花花衫。