8:00 am 爸爸昨晚回家，星期五在家上班，通常八點就會起床。我好叻叻，知道爸爸在家時，早上的飯飯由他負責，就會跟著他出房。
8:00 am – 8:30 am 出廳食早餐時，爸爸會關上房門減低聲浪，但我只需要一分鐘就食完，好想返入房陪媽媽呀！爸爸，幫我開門好嗎？爸爸不理我，我就這樣坐在房門口等媽媽。
8:30 am – 9:00 am 媽媽開門了，YEAH！我第一時間衝入房坐在床下，看媽媽刷牙洗臉準備上班。爸爸有時候會趁機帶我去便便，有時候就等媽媽帶。
9:15 am – 6:30 pm 媽媽跟我說拜拜後，我就跟爸爸在門口送她離家上班了，慘慘！
爸爸雖然在家上班，但我想話俾媽媽知他常常在車房攪攪陣，就算工作時都不太理我，你看，我用好渴望的眼神引爸爸啊！
他只是有時候來回出入客廳時摸摸我，最近更換到二樓工作，我只聽到他行來行去，又上唔到二樓，好悶，唯有繼續瞓覺。
爸爸在家也有好處，因為媽媽會提醒他放我出後園，我現在大膽好多了，可以自己一個在後園曬太陽或者食點草草，以前我是不敢一隻狗留在後園的。
6:30 pm – 12 am 車房門有聲，媽媽回家了！爸爸在家可以幫我開門，等我出車房接媽媽，等了你一天啊！
晚上餘下的時間跟平時差不多，食晚飯，去便便，坐媽媽旁邊，等吃維他命餅餅及梳毛毛等。但有時候因為爸爸在家，晚上會跟媽媽外出，我又被一隻狗留在家了。
看，媽媽給我冰冰，YEAH!
晚上餘下的時間跟平時差不多，食晚飯，去便便，坐媽媽旁邊，等吃維他命餅餅及梳毛毛等。但有時候因為爸爸在家，晚上會跟媽媽外出，我又被一隻狗留在家了。
看，媽媽給我冰冰，YEAH!
嘻嘻，唔怪得英女皇咁鐘意呢種狗，腳仔短短咁，好得意呀。
回覆刪除[版主回覆08/28/2011 09:47:00]係呀，哥基外型係好惹人可愛架，我隻狗狗仲好乖，好抵錫架。
Blaze好乖女, 總會靜靜的陪主人...
回覆刪除吉爺好多嘢講架, 可以每2分鐘入嚟喵一次, 鬧完佢轉頭又若無其事咁走入嚟...
[版主回覆08/28/2011 09:51:00]Blaze係一隻好喜歡安靜嘅狗狗，電影大聲啲佢都收埋自己個頭落梳化底架。 而且佢本身好少好少吠，首先一定唔吠人，有人入屋，按門鐘都唔吠，聽佢吠過三幾次都係因為其他狗先吠佢或凶佢，佢還擊先吠一兩吓。
外國真係有個好處,每家好多時都有個後園...佢地真係會開心好多架..可以周圍跑跑...
回覆刪除[版主回覆08/28/2011 09:52:00]佢好懶架，去後園唔係跑，淨係曬太陽同食吓草草，曬完太陽就會返入屋架喇。
佢鐘意冰粒我諗係因為有得咬 您哋唔比佢上二樓 ?
回覆刪除[版主回覆08/31/2011 08:57:00]一來有得咬，二來天氣熱，三來佢平時除咗兩餐之外乜零食都無，真係難聽啲講，俾條毛佢佢都高興呀！ 佢唔上得二樓架，幾級樓梯上落佢無問題，但係我屋企上二樓兩條樓梯都有十級，佢身長腳又短，落樓梯好易整傷條腰或者關節。 其實哥基都可以上落樓梯嘅，不過多數就一歲之後先訓練，佢以前屋企無二樓，所以無機會學過行樓梯，我唔想佢四歲女先嚟學喇。
哦 ~ 明白
回覆刪除