前一排老公執屋，搵出一啲陳年照片。佢中學畢業後唔聽亞媽話去讀大學，十幾歲人就去從軍，你見佢個樣，成個小朋友咁就學人揸住啲機關槍去打仗。
美國軍佬多數都係讀完中學就入伍，十幾歲男仔血氣方剛又遠離屋企，你可以想像得幾種情況，一係不停滾女嫖妓，一係廿歲未夠搵個女仔結婚生仔，當然仲有第三種係結咗婚都繼續嫖。我老公就係第二種情況，真係腦囟都未生埋廿歲唔夠就走去結婚生仔，人仔細細自己想點想要乜都唔知，最後當然又快快離婚收場啦，難怪我奶奶咁擔心又激氣。
睇過幾張老公與兩個女小時候的照片，覺得好攪笑，因為佢自己個樣本身好baby face，攬住兩個女完全唔似係個爸爸，依家兩個女都廿幾歲，佢都唔係太似係爸爸架（好多時啲人以為我老爺係兩個繼女嘅爸爸）。早生都好，起碼兩個女大哂，佢都仲有精神氣力去玩去搵興趣。
睇落我老公真係幾鬼fit，依家當然無咁多肌肉啦，頭髮又少咗好多，但係磅數腰圍居然一模一樣，琴晚仲示範著翻以前條軍褲仲有鬆，勁！
好利害, 而家重著得返以前條褲?...真係fit!
回覆刪除我呢排成日出街食飯, 無得煮(廚櫃未安好), 加上無做運動, 條腰粗咗好多, 預計下星期開始重拾運動, 希望快D修身...
[版主回覆10/26/2011 07:52:40]佢好奄尖架，前兩年試過有幾個月腰圍多過32吋，啲褲唔啱著，其實磅數無乜加，但佢即刻好唔高興，係直情會發自己脾氣嗰隻，跟住去勁跑步，直接去翻32吋先安樂。相對地我無佢咁要求高，我已經接受自己唔再24腰喇，之前啲靚褲同裙完全著唔到喇。
對自己要求高都係好事嚟既, 阿寶近來都發福不少, 之後執好屋又要開始運動運動...流汗係最舒服既!
回覆刪除[版主回覆10/27/2011 07:57:31]依家我哋兩個都無運動，但係我好miss做運動嘅感覺，最近我哋先搵到間比較好嘅gym，等老公得閑啲就會join架喇。