萬聖節一過，所有商店已開始催谷聖誕消費，真的停一陣都不可以。
而我又要開始一年一度「諗爆腦」活動，張羅老公家人的聖誕禮物。
去年有提過奶奶是比較麻煩的一個（詳情見此），要有心思又不可以太貴。
幸而今年有了Blaze，這個乖「孫女」深得奶奶寵愛，她也很喜歡嫲嫲，平時散步都會自自動動向奶奶家的大門方向走，有時候會坐在大門邊等嫲嫲開門跟她打招呼，真的比兩個人類孫女更自覺！
就因為有Blaze，奶奶其中一份禮物就有著落，而我亦順便做多一份給自己。
就因為有Blaze，奶奶其中一份禮物就有著落，而我亦順便做多一份給自己。
大家不要見笑，外國人沒有「送鐘」的忌諱，而且這兩個鐘好可愛呢！
訂製時也心大心細，因為怕製作成品質素欠佳，檢貨後鬆了一口氣，個鐘除了比想像中大一點之外，相片的打印質素不錯，相信奶奶會喜歡。
最攪笑是引Blaze跟兩個鐘合照，她見到兩個鐘面有點怕，雖然是平面，但因狗狗的面跟自己一樣大，她一定以為是其他狗狗，所以怎樣哄都不願意走近，最後動用小食，我又要坐在鐘面前引她一會，她才慢慢走近，這兩張相很難得。
最攪笑是引Blaze跟兩個鐘合照，她見到兩個鐘面有點怕，雖然是平面，但因狗狗的面跟自己一樣大，她一定以為是其他狗狗，所以怎樣哄都不願意走近，最後動用小食，我又要坐在鐘面前引她一會，她才慢慢走近，這兩張相很難得。
完成禮物行動第一件，未來個半月要繼續努力。
(收貨時發現其中一個鐘的背面裂了，我寄電郵給客顧服務要求退換，怎料他們不用我寄回去之餘亦懶得問我是那一個鐘有問題，就重新每款再做一個給我，現在我無端端多了兩個鐘！)
E份禮物好有心思 我相信你奶奶會喜歡.
回覆刪除[版主回覆11/09/2011 11:21:20]希望啦，不過佢真係好鍾意Blaze架，有時叫佢幫我哋dog-sit一兩日佢好開心架。
好靚架鍾
回覆刪除[版主回覆11/09/2011 11:21:45]係呀，質素比我想像中好。
個鐘好靚, 物輕情義重, 相信你奶奶實會好鍾意呢...
回覆刪除[版主回覆11/09/2011 11:22:20]希望啦，唔知佢會掛喺邊度呢？
哈..係咪驚多2隻狗狗係屋企會無咁得寵呀!
回覆刪除[版主回覆11/09/2011 11:23:40]我估佢只係驚行近「其他」狗狗，唔知其實係自己。
如果我有呢份禮物, 我都唔介意,仲好鍾意添呀!! 你呢個新抱又幾有心思喎!!
回覆刪除[版主回覆11/09/2011 11:26:18]佢好難諗架，普通嘢又唔鍾意，太貴又唔鍾意。奶奶對我哋個個都好好，應該孝順佢架。
美國人有度好 對動物夠愛心 可能外國人生活較簡單 好重視家庭 狗亦視作為家庭一份子, HK就唔同 大部份HK人都忙多應酬 居住環境重重因素 就萛養狗有幾多個盡到做主人責任 ? 經常見Walk狗＋居其九都係工人 . . .
回覆刪除[版主回覆11/10/2011 11:00:36]香港人多數都係玩狗就有份，清潔照顧餵食啲同玩無關係嘅就叫家傭做，其實平時照顧清理寵物都係感情培養一部份，啲貓貓狗狗都知道架。
所以隻狗咪聽家傭話多過主人囉 除非個工人唔錫動物 純碎打工心態 如果唔係照顧竉物比照顱人容易得多.
回覆刪除[版主回覆11/11/2011 10:02:08]都係嘅。
lol, now you can give lailai one clock and your loyeah one clock, one at your office and one at your home! You're a super great daughter-in-law! Or give that to grandma! Are you going down to Florida to visit grandma?
回覆刪除[版主回覆11/15/2011 00:44:48]老爺無奶奶咁鍾意寵物，送俾佢可能佢無乜反應。雖然依家有四個鐘，我諗我會維持送一個俾奶奶，有時少先至覺得珍貴，多得滯就無咁矜貴。大時節我哋都要同老爺奶奶同啲女慶祝，你問我我就緊係覺得應該全世界去哂Florida同九十幾歲嫲嫲一齊慶祝，但係奶奶同啲孫都唔會有興趣，所以都係無得揀要留低。
哈哈，我都收過幾次鐘！
回覆刪除[版主回覆11/15/2011 00:46:26]我就唔覺係問題喇，因為我一啲都唔迷信。