放工回家，跟Blaze打了招呼，放下手袋準備坐下時，突然驚訝彈起，因為看見以下場面！
第一宗罪：亂咬東西
這是Blaze第一次亂咬東西，平時隨便在地上亂放東西牠都不會咬，這次還要咬爛爸爸的信件，雖然大部份是廣告，但大繼女的車的稅單亦被咬去一邊，實在過份。
第二宗罪：自己跳上梳化
這宗罪更嚴重，我們一直不想牠上落梳化，因為跳上跳落對牠的長腰或短腳都不好，很客易整傷。最衰我之前試過讓牠坐過幾次梳化，但都一定是我抱上抱落，坐完一陣子再落地牠也不會亂來。但就是因為自己心軟一兩次，令牠以為可以自把自為隨便跳上跳落，我也不知道牠之前試過幾多次，如果不是那堆罪證，我也不知牠日間偷偷跳上來。
我指著梳化上的罪證罵了牠一頓，犯了大罪，當然不是罵一罵就算。
今晚除了食晚飯和去便便的時間外，牠都要坐監。
可喜的是，牠已完全融入我們的家，有安全感了，但同時亦代表牠曳曳的年代正式開始！
Hahaaa
回覆刪除[版主回覆12/20/2011 11:32:32]我就笑唔落喇！
個樣好可憐呀!
回覆刪除[版主回覆12/20/2011 11:33:15]你唔好俾佢個樣呃咗，佢成日都係咁樣架！
i saw another blog builds a bridge (made of wood/card board) for the little dog to walk from the floor to the sofa. It is not a bad idea, if you cannot make sure your dog does not jump onto the sofa during day time.
回覆刪除[版主回覆12/20/2011 11:36:32]其實有好多呢啲梯級賣架，要買都容易。我自己就無所謂，因為最終其實都Blaze都係想坐近我哋啫，不過我老公好反對，因為Blaze全年不停脫毛，我老公有潔癖，唔鍾意坐喺梳化會整到條褲都係毛，所以佢話唔俾Blaze上梳化。
佢個樣真係好可憐!
回覆刪除不過都要忍心罰佢呀!!
我家三寶係屋企做左衰野後都會比我困係露台1-2hrs架!!
[版主回覆12/20/2011 11:40:02]唔駛擔心我會唔忍心，我好tough架，佢之後再試我趕佢出花園捱冷，我哋呢度夠凍，再捱多幾次睇吓佢仲敢唔敢。
其實寵物獨自在家, 難免會百厭, 我們也是靠ip cam, 還有枱上的'罪証', 才知肥吉跳到上枱面...
回覆刪除經過今次, 可以知道佢既行徑, 都係一件好事...起碼你們要習慣收好信件, 不要放在sofa(可能係信件吸引佢跳上去)...也可以趁佢重未整親, 教佢守規律...
[版主回覆12/21/2011 09:22:56]唔係啲信吸引佢，平時我好多文件書信都隨地放架，我估佢跳咗上去之後，又唔捨得隨便跳落地，但成日流流長又覺得悶，所以先咬啲信，不過都係我估啫。自從嗰次之後，佢好上咗癮咁，就算我行開入房或入廚房，佢都趁得三兩秒跳上床，次次俾我趕佢都唔明，我依家翻底梳化個靠背，成張梳化高哂佢上唔到。
扮可憐係佢地强項來架, 冬冬都跳sofa, 但佢吾咬野,跳親一次罰又鬧都無用,我都激死.
回覆刪除[烏冬回覆12/21/2011 22:16:36]佢係可以上sofa之前佢吾敢跳架,學識左一次之後就改吾到了><
[版主回覆12/21/2011 09:25:39]我Blaze平時得一個樣，就係個家嫂可憐無奈樣，所以佢扮可憐我唔會理佢架。乜冬冬都唔俾上梳化？我見佢平時成日坐梳化影相嘅。
咬爛信件，好嚴重喎，要敎啦。
回覆刪除[版主回覆01/06/2012 00:44:14]其實都唔係好大件事啫, 佢唔識分, 佢只係咬紙, 試過一次之後都無喇.