今年回港空閒的時間很少，行街購物的時間亦減少。其實近一兩年在美國找到合適的網上舖，我已沒有特別需要要回港購物，而且很多買落的衫褲鞋也未開封，所以今次亦是隨緣。
在Zara買了兩件褸加一件lace上衣，每次到Zara我一定先到童裝部，因為它的大碼合身而款式又適合成人。今次兩件Tweet褸，成人加細碼那件$699，童裝大碼那件$299！！
跟Ta姐吃飯後她帶了我去利時商場，我在第一間舖第一件見到的衫就買下，幸好又夜又攰，買完這一件口水肩衫即走免「出事」。
到又一城找朋友時路過Playlord，其實我已經有成十年無光顧Playlord，但見它黃金週減價就看看，看中了兩件上衣；而且我以前上班年代的西裝套裙都已全不合身，於是趁減價買定一套旁身。
我現在上班穿牛記都可以，但夏天穿牛仔褲太熱，在Uniquo看到這新出的四個骨褲，又薄身又舒服，才$199一條我就掃了五條。
不知道原來G2000已貴了許多，見到這件上衣前面的心心好可愛不看價錢就買，原來成五百元！
在尖沙咀住有好處是周圍都是獨立時裝舖，以下這些都是路過出入時的收獲。
今年只買了一對鞋，因為太多鞋著不完，這對斷碼個蝴蝶又靚，只是$160，超抵！
蝴蝶類還有這件便服，又買了兩件珠仔/鈎花的假領口，用來襯較女性化的T恤或上衣應該不錯。
最後一晚路過漢口道見到一間賣韓國衫的舖頭，很喜歡這件不對稱袖身裙子的湖水藍/綠色，又無聊地買了個可能不會用的手袋(因為我極少用手袋!)。
今年都是買平嘢，亦沒買很多，但也一樣買得好開心！
嘩...我好耐都無去尖沙咀行街, 原來咁多正嘢, 等我有工返就去喪拼(無工開要慳家, 內心會好過D)...我兩年前買既西褲已經著唔到(好好好緊), uniquo既四腳骨褲真係唔錯喎...
回覆刪除[版主回覆05/30/2012 02:28:58]如果size啱, 快啲去買幾條, 因為無拉鍊又無褲頭褸, 好舒服又方便, 我都後悔有一兩隻色唔買多條, 洗舊咗可以有替換.
我都係無返工時唔會買衫, 老公都係咁話, 始終唔慣用其他人錢買"非必需品".
平貴都好, 最緊要係買到心頭好. Uniquo係每次返香港必定起碼去一次既地方
回覆刪除[版主回覆05/30/2012 02:29:42]係呀, 最滿意係Uniquo嗰幾條褲, 早知買double!
you seldom use handbags. So, what do you use? We have very cool summers in France, so i have no chance to wear sleeveless tops. You are lucky!
回覆刪除[版主回覆05/30/2012 02:34:45]我哋夏天有香港咁熱架, 所以著背心都得.
返工出入我有個手袋, 但都主要係袋個ipad同銀包. 平時週末我同老公一齊出街我兩手fling fling架, 因為我真係好唔鍾意帶嘢出街. 我平時化好妝出街但唔會補妝, 有所老公唔駛揸車唔駛用錢銀包都唔駛帶. 我手提電話只有佢打俾我所以都唔駛帶. 如果真係自己出街我多數只手揸銀包車匙.
原來去咗香港， 我慢半拍， 依家先知。 買咗好多嘢呀！原來CECI你係高貴型， 啲衫好靚！等我追返之前啲 posts 先。
回覆刪除[版主回覆05/30/2012 02:40:21]唔係高貴型! 仲差好遠, 都係啲平嘢. 不過我鍾意著得女性化. 我性格男仔頭都夠爽, 但係打扮比較女人. T-shirt波鞋我極少著. 你睇翻我"購物逛"啲post會發現我來來去去都係買嗰啲款.
好鍾意嗰兩件假領口 襯簡單嘅衫一定好靚
回覆刪除四個骨褲好靚呀 但我咁C肥 著得唔好睇呢
[版主回覆05/30/2012 10:06:22]我都未諗到嗰兩個領點著，如果諗唔到就俾咗兩個繼女。
講真嗰幾條四個骨褲真係唔易著，因為我條小腿已經好幼都仲覺得窄！
對蝴蝶鞋好抵呀!!!!!!
回覆刪除一口氣掃五條褲, 利害﹗
我想我日後移民後，回港探親也會如此..... ^^
[版主回覆05/30/2012 21:51:12]我買衫容易, 但買褲又唔駛改就好難, 前幾年知道Uniquo有啲款細碼啱我, 就每年返去都會睇吓, 我要返工一次買5條都ok. 而且5條都唔過一千蚊, 好抵!! 依家諗翻白色同黑白格仔都應該買double呀.
對蝴蝶鞋個底仲淋好舒服架, 不過得一對仲要係35碼算我好彩.
好多收穫呀! 我成日返襯香港就買野, 但搬屋時發現有好多雜物同衫. 我諗我都要買少D野啦! Playlord d上衣唔錯喎. 好鍾意o個兩個假領口, 但我頸短, 有得睇無得著!
回覆刪除[版主回覆06/01/2012 23:33:23]我買嘢好集中, 只係買衫同鞋, 其他家居離物一概不買. 以前都會買書, 依家改咗download.
我係有好多衫架, 都唔夠位擺喇, 不過我又鍾意每季都有新衫著, 所以繼續買囉.
而家香港買野已經無以前咁抵, 所以索性係美國買無咁嬲
回覆刪除[版主回覆06/12/2012 11:05:31]我去到邊買到邊，平又買貴又買，可能我要買嘅size容易無貨，所以有時啱身我就唔理抵唔抵。