或許年紀大，或許怕熱怕多人，或許懶......
我回港至今沒有多購物！
香港的時裝店已開始賣秋冬衣服，灰灰黑黑的，我一向不太熱衷。
更重要的是，我知道買了，多數只會著一兩次，甚至不會著。
只是想到過去一年，在美國日常穿的衣服，來來去去都是那些，靚裙也沒穿幾次。
出外吃飯，老公也會先看看我想穿什麼才換衣服，因為他說我常穿得太認真，怕失禮不平衡。其實也不是很認真，只是像以前在香港上班的款式吧！
我不太喜歡穿波鞋、T恤更不喜歡！
手袋也是，在美國我只是把其中兩個拿來用，其他的原封不動，全部放在大行李箱內。
以前在香港，買了多年，衫褲鞋襪已多至若我是三胞胎也著不完。所以將衣物鞋子運到美國，經執拾後，已把一些不經常著的捐了/送了，白白浪費了運輸費。
今次回港，反而想多買一些家居用品(當然是小型的)，例如無印良品之類的，好讓回美後增添一點「家」的感覺。
購物狂可能終於退休了！
其他姐妹，繼續努力！
食美味嘢緊要D呀
回覆刪除[版主回覆09/14/2008 17:08:00]係呀，我今次主要都係食，不停食，肚腩已經大咗好多，但係唔緊要，我唔會俾佢停，最多返到美國先做運動。
係里邊，簡簡單單著就得，尤其我唔係住city，好隨便，以前買落d衫都唔會著。
回覆刪除[版主回覆09/14/2008 17:10:00]係啦！所以今次返嚟，我都專登帶幾件靚啲嘅衫返香港著，鞋都係。
我5月返來香港時都係買好多家居用品, 因為香港始終平靚正...haha~
回覆刪除[版主回覆09/14/2008 17:11:00]平美國都有，但係唔靚嘅，我鍾意啲簡單線條嘅，而質地又要好嘅。
以前喺 hk 喜歡買衫買鞋扮靚 ~要見人嘛 , 移民後早幾年莫講話見人 ~ 鬼影都無隻! 因為無做嘢成日喺屋企 , 家務湊狗湊老公變成生活重點 , 生活無聊枯燥亦無朋友 ,久而久之牛記笠記舒服就萛 , 搬嚟灣區識多咗狗友 , 又識到blog友扮靚又有番心機 , 女為悅己者容吖嘛 ! 每次番 hk 好享受購物樂趣 , US唔係無靚嘢 只係 hk 選擇更多 .
回覆刪除[版主回覆09/14/2008 17:15:00]香港shopping好處係平貴都有，而且質素都唔差，買貴嘢又唔駛打稅，平過美國。
我依家雖然都見唔到乜人，但週末我都仍然鍾意著靚啲，就算去超市我都唔會樣樣衰衰咁。但係始終同香港仲差啲。
我一向都冇乜點買衫, 我啲衫平均衫齡有十年以上. 我寧願用啲錢嚟買啲好嘢食.
回覆刪除[版主回覆09/14/2008 17:17:00]我今次都係食，但係啲朋友好好，個個都請食飯，唔俾我俾錢！
可能身型無乜點變，我都有好多著咗好多年嘅舊衫。
香港買嘅衫喺美國未必有機會著，所以都係少買為妙
回覆刪除[版主回覆09/18/2008 14:42:00]係啦！靚少少嘅衫都收埋哂喇，啲連身裙仲無離開過掛衫袋，但係要我日日T-恤牛仔褲，我又唔開心。
我同你既諗法一模一樣
回覆刪除未過來前, 係香港我超鍾意行街, 十次八次都會有收獲~
過來米國後, 改為一兩個星期行一次, 每一次都空手而回, 可能因為款式同價錢唔o岩, 加上, 我返工著來著去都係得個幾件, 冇咁既需要~
我會將慳番既錢, 買家具或者食一餐好既, 會仲開心~~
[版主回覆09/18/2008 14:43:00]我都用哂啲錢食！不停食，未試過覺得「唔飽」！哈哈！