回娘家很奇怪，因為自從大學第一年入住宿舍之後，我連暑假也是住宿舍的，畢業之後一直在外租住，所以已有十多年沒有跟父母一起住了。雖然是親人，但也像很見外似的。
其實這個星期很累，因為如果平時我一個人來往港美，第一個星期我一定好好調教時差，我的時差反應一向很嚴重，下午一定會進入半睡眠狀態，而午夜則會3-4時完全甦醒，很討厭！
但過去一星期也是老公在香港的唯一一個星期，雖然他不是第一之到香港，但也一定要陪他出外走走，早出晚歸，不能每天睡午覺。
明天，我期待明天沒有任何活動的日子！
後註：原來回娘家也不一定可以休息。因為昨日是立法會選舉日，爸爸媽媽晚上十時半完成投票之後，一直在收看電視直播有關選舉及投票結果的消息。雖然他們已因為我要睡覺而將戰場轉為睡房的收音機，但最後也忍不住在凌晨四時返回廳中看電視。
現在你們知道我每天一定要看各地新聞的遺傳基因吧！
我覺得無論咩因素長年住外 , 同家人特別係父母點會有見外 ? 我夠住US每年定番HK見到家人只會好開心 , 睇嚟你同家人溝通得唔夠 !?
回覆刪除[版主回覆09/08/2008 13:17:00]溝通唔夠....?可以咁講，但係又唔係唔高興或者有乜心病嗰啲，只係其實我屋企好西化，各仔女甚至亞爸亞媽個個都獨立，只係會大時大節先見到面，所以可以話唔係好熟。或者應該講無一般中國家庭咁熟絡，但係其實我地個個都幾好人架，我都幾鍾意我啲屋企人架，只不過真係唔係好多時間一齊成長/生活。
首先請你唔好介意 ! 我覺得屋企人唔應該用 " 唔係好熟 " 嚟型容 ! 我D鬼佬朋友佢哋都唔同家人住 , 但大時大節見面都好親切 , 我DHK朋友有D喺度10幾年 , 個個都唔同住 有D重唔同州 , 但每次相聚一樣好親切 , 當然每人性格唔同背景唔同 唔可以相題並論嘅 !
回覆刪除[版主回覆09/08/2008 14:36:00]唔係好熟.....怎樣說呢？試舉例吧，我們幾姐妹結婚，都是決定結婚了，家人才第一次見到另一半。我是在姐姐注註冊當日才第一次見到姐夫的。
另外，移民了的姐姐也是辦好了所有手續，離開時才通過我們的。爸爸媽媽在大時大節離開香港去旅行，有時候我們也不會知道。我們各人轉換工作，搬家也很少告訴家人。
一家人這樣好像很奇怪，其實我們真的見到面時，是很OK的，不會不親切，而且都幾開心。但講真，又好似唔係好熟，我所指的唔係好熟，可能係我地由細到大，都係自己攪掂自己，5個仔女唔同的中學/大學，唔同的工作/生活圈子，從小到大都不是一起玩的，所以自自然然就好少分享生活上嘅嘢俾屋企人知。
但不要誤會，我很喜歡我的屋企人，佢地個個心地都好，又勤力負責人，讀書工作都幾叻，只係大家「唔你好熟」。
有時可能習慣了獨立，加上近鄉情怯，所以和家人見面會感覺生外
回覆刪除[版主回覆09/09/2008 20:25:00]其實自從我17-18歲之後，都無試過同屋企人相處超過一日，平時就算做節都係去到酒樓食飯，食完飯各自返屋企。所以今次又朝見到晚，可算係例外。
感覺...親切嗎?? 溫暖嗎??
回覆刪除[版主回覆09/11/2008 21:02:00]都OK嘅，但係佢兩老好攪笑，自己日日一早去咗飲茶，跟住自己出街玩，唔理我，中午餐飯我要自己攪掂！
不過知道佢哋60幾成70歲都行動自如，又活躍，我都好開心。