25/2/2009
新成員？
上星期與契爺契媽見面時，契媽提到家貓Gracie最近常常被其他三隻貓欺負，不停集體在家追趕她，令她連靜靜地休息睡覺也有困難，最近甚至連上廁所也怕怕。
契媽問我是否願意接收Gracie，我當然要跟老公商量。
在老爺奶奶的家貓未去世時，我們也時常在他們旅遊時代為照顧貓兒，但都是一至兩星期的事，正式收養寵物，這還是第一次。老公說因他不常在家，照顧貓兒的責任主要在我身上，由我決定。
我很喜歡貓狗，Gracie也是一隻可愛的家貓，但我一直覺得侍養寵物是很大的承諾，不是因為可以解悶而輕易作出的決定，所以獨居十多年至現在有家室，都未曾作過如此重要的決定。
經一輪思索，我決定先代為照顧一個月，讓雙方習慣習慣，看大家能否融洽共住，我也不想Gracie因為不習慣新環境而變得更害怕或憂鬱。
怎料契媽今天告訴我，跟契爺商量後，契爺不捨得Gracie，說會試試盡量留意保護她，再看看是否真的需要送走她。
我當然沒有問題，大家都只希望她能開開心心！
或者現在未是時候添加新成員！
訂閱：
發佈留言 (Atom)
講得啱呀 ~ 養物係一生承諾唔係玩玩吓 , 如果有機會影張相睇睇 ..
回覆刪除[版主回覆02/26/2009 12:11:00]我平時出街唔帶相機，好少機會影到相架，如果佢嚟我屋企我就影啲啦！
哈哈，其實平時出街我連銀包手袋都唔帶架，因為多數老公都一齊。我鍾意兩手fling fling出街架。
如果你都覺得未係時候, 真係唔好急~ 因為小動物係一生一世!!
回覆刪除[版主回覆02/26/2009 12:15:00]自己主動去收養我可能暫時都唔會，但係接收Gracie我都OK嘅，一來我由佢係小貓時已識得佢，二來我老公見過到幾次都知道佢都幾乖，都唔想見到佢俾其他貓欺負。
你話 ! 出街乜都唔帶 ~ 至小帶电話喇 !?
回覆刪除[版主回覆02/26/2009 12:29:00]電話都唔駛帶架，老公一定喺身邊嘛，佢有電話就得啦！我哋啲鄉下地方又無得周圍行，唔會走失架。
之前養咗好多年嘅愛貓MiMi年老去世，仲係我親自送佢安樂死，到而家諗個心都酸，所以唔會再養貓啦!!頂唔順
回覆刪除[版主回覆02/27/2009 07:09:00]養寵物多數會遇到咁嘅難處，好難避免。
真係好大責任...雖然我驚貓, 但都要負起照顧肥吉的責任, 還好佢乖乖的...我都想養狗, 但還是要以照顧肥吉為先...
回覆刪除[版主回覆02/27/2009 07:16:00]我唔驚貓狗，但唔知點解我成日有「居無定所」嘅感覺，而且以前間唔中都會去咗旅行，甚至一去幾個月，所以一直覺得唔應該養寵物。
而且成日去咗返工，我放工喺屋企時我就有伴，但佢就成日一個留番喺屋企，我覺得有啲自私，所以一直無養囉。
仲諗住有個貓樣俾我睇o下tim. hehehehehehe
回覆刪除希望你有機會可以養gracie, 噉我就有貓睇喇.
[版主回覆02/27/2009 07:18:00]佢OK得意架，灰色加白色，肥肥地，都算乖嘅，係鍾意抓紙皮囉，有時攪到一屋碎紙。
由貓BB開始養可以培養深厚感動，佢哋一舉一動都成為生活趣聞 隨緣喇
回覆刪除[版主回覆03/04/2009 04:38:00]貓狗都係從小養感情會好啲，但係我都有啲怕小貓小狗嘅過度活躍症，要過幾年先會定啲。
我同白頭佬都好想養貓狗，可惜老爺奶奶都唔鍾意養寵物
回覆刪除[版主回覆03/04/2009 04:40:00]可唔可以淨係你同白頭佬嗰層養呀？買個樓梯押隻貓就唔會去到第二層。香港三四百尺樓都養到貓，你嗰層養都得啦！
it's very true... it's huge responsibility... but they can give you so much fun and joy!!!
回覆刪除[版主回覆03/04/2009 04:40:00]我都知，我估我遲早都會養。
我地屋企有三層，一樓係車房同雜物房，二樓係廳同廚房，三樓係睡房，老爺奶奶同我地瞓埋一層，無得 block 架
回覆刪除[版主回覆03/04/2009 08:47:00]噢，我仲以為你同老爺奶奶唔同層，咁就真係難啲喇！