姨姨知道你喜歡車，寫下這篇給你看。
星期六早上，叔叔跟一班擁有同款跑車的車友去遊車河，一去5小時！
姨姨沒有跟著一起去，因為他們的跑車出名「掟灣」能力強，為了好好享受這玩意，他們選擇了一段多急灣的路程，如果姨姨跟著去，一定會暈車浪，及不停大叫「好驚！好驚！」(「好驚」是少數叔叔懂得的廣東話，因為平時姨姨坐他開的車時，已不時大叫「好驚」！)
口水禧，你喜歡車，大個仔一定要學揸棍波啊，因為像叔叔這樣的車，沒有自動波，也沒有風油駄，更甚是沒有倒後鏡，要人車合一才能發揮車的最佳性能。
姨姨知道你很喜歡你的老婆，而叔叔也很愛顧他的這個老婆(不是姨姨，是跑車)！叔叔從不讓外人為老婆洗澡、也不讓別人為老婆換偈油，連姨姨關車門大力一點，叔叔也會不高興。你是否都是這樣呵護老婆的？
這篇網誌是給你的，當然要有你最喜歡的照片！
嘻嘻，寫公開信呀？ 我都試過，不過是寫比市長。
回覆刪除好彩呢排costco助聽器做緊特價﹐我聽朝就比佢睇相﹐如果我因為咁樣失咗聰﹐呀EE﹐助聽器張單係咪寄比你定叔叔收先﹖ 叔叔從不讓外人為老婆洗澡 呢個梗係唔比外人做架喇﹐無論係車車老婆又好﹐EE老婆都好﹐係咪﹖
回覆刪除我啱啱都俾kyle睇, 佢猛叫我zoom in部車車, 好鬼興奮, 我成個mon都係佢D手指毛.
回覆刪除[版主回覆12/15/2009 09:21:00]加咗相呀！最尾嗰張夏天影嘅，等Kyle唔駛叫你zoom in！
咁靚嘅車 , 我都好鍾意呀 !! 姨姨
回覆刪除俾我冒死都要坐呀 !!
[版主回覆12/16/2009 05:14:00]Ta姐，俾你坐過就唔會成日想坐！個seat位好低，好貼地，好似坐地下咁，做乘客嗰個好容易暈車浪架。而且我唔鍾意坐車啲人眼望望，又追車影相，好危險。
我都係噉話, 咁型嘅車冒C我都坐啊!
回覆刪除見到相我D毛管都起嗮, 如果真實俾我見到, 興奮過見我偶像啊!
最衰Kyle瞓咗, 要聼日先俾到佢睇, 到時我要問佢鍾意邊種色.
[版主回覆12/16/2009 05:22:00]仲有好多隻色架，鮮紅、黃、黑免都好多人揀，我老公就鍾意白，佢買咗架車兩年幾，依家都仲好鍾意呢架車，算係少有，唯一唔鍾意就係架車太張揚，試過有警察揸架警車跟我哋返屋企，我哋仲以為犯咗乜事，原來佢想等我哋停車然後佢可以落車慢慢睇架車，真係俾佢嚇地。
不過NY唔適合有呢架車，因為氣溫太低對個引擎唔好，所以北面啲車主冬天全部收架車入車房，係我哋南方先可以揸足全年。
我助聽器就唔洗買住﹐不過你個荷包就~~~~~ <object width="580" height="360"><param name="movie" value="http://www.youtube.com/v/8HMCwStvVio&hl=en_US&fs=1&color1=0xe1600f&color2=0xfebd01&border=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/8HMCwStvVio&hl=en_US&fs=1&color1=0xe1600f&color2=0xfebd01&border=1" type="application/x-shockwave-flash" allowscriptaccess="always" allowfullscreen="true" width="580" height="360"></embed></object>
回覆刪除[版主回覆12/16/2009 05:11:00]姨姨同叔叔個個星期都有買lottery，如果中頭獎，姨姨買一架俾你又點話！
唉﹐眼大睇過龍﹐比錯條link你添~~~ http://www.youtube.com/watch?v=8HMCwStvVio
回覆刪除[版主回覆12/16/2009 05:10:00]wahahaha!! 最頂癮係句"Thank you"！笑死姨姨！
姨姨唔係唔想買車車俾你，但係姨姨無錢錢買。姨姨同媽媽一樣都係失業大軍一員，而且叔叔依家供呢個車車老婆，已經供到無哂錢喇，姨姨連零用錢都無呢！
口水禧你大個仔要努力讀書，搵多啲錢，一次過買哂「五個」車車，好無？
成排跑車好壯觀呀 對於我黎講，呢啲咁刺激嘅玩意，只宜遠觀，不宜親身體驗
回覆刪除[版主回覆12/16/2009 10:58:00]唔「片」車正正經經揸就話啫，我老公返嚟之後話後路直係好多暗灣，仲又上又落，我一定嚇傻！
睇完d相, 我只有這個反應...「嘩...!」。 我都好驚坐片/快車...真係唔懂得享受嗰種快感...
回覆刪除[版主回覆12/17/2009 07:47:00]我又憎跟車太貼，尤其係highway想迫走啲阻住快線嘅車，真係好討厭。
...「嘩...!」。
回覆刪除[版主回覆12/17/2009 07:50:00]世伯，架車唔係好貴，中價車嚟架，仲平過波子，不過個樣懶型咁，所以好似好特別咁。仲有架車唔易控制，所以唔係好多人敢買，所以少見啲。
The car looks really familiar!
回覆刪除[版主回覆12/17/2009 07:51:00]係呀！
姨姨:
回覆刪除幾時先貼男主人鍾意果啲鬼妹相呀？
[版主回覆12/22/2009 07:48:00]男主人，呢邊啲鬼妹好大件，同香港啲靚模好唔同架，無謂嚇親你！