大家的聖誕假期過得愉快吧！
我的聖誕也很平安愉快。
只是Boxing Day那天，開始作傷風了，現在頭重重、鼻塞塞，渾身發軟！
但我想寫的是，我深感「小病是福」。
可能我自己時常一個人在家，即使週末也多數只見到老公，在這自我隔離的環境生活了兩年多，我很少生病。(兩年多以來第二次傷風，還有一次生了眼挑針，僅此而已。)
託福我身體一向都沒有什麼大毛病，但在香港時仍是每個冬天一兩次傷風感冒，最慘是傷風前一定喉嚨發炎，若不服用消炎藥就會劇痛難擋，有時候傷風好了，喉嚨敏感持續又會咳嗽良久，總之就是令人煩厭。
另外自18歲開始，我就開始有偏頭痛，每年都被折磨，影響生活也影響工作。沒有患上偏頭痛的人，是很難想像那種令人停頓生活、停頓身體移動的困擾。
來美之後，我沒試過喉嚨發炎或敏感，更神奇的是偏頭痛沒再發作！你說我是多感恩！
所以，今次傷風，雖然都是生病，但我卻暗地裡覺得好運，小病真的是福，而且難得老公假期在家可稍為照顧。(雖然他仍是用了昨天洗車，今天拆了車頭燈研究射程幅度！)
希望大家2010年都身體健康！
God bless you.
回覆刪除[版主回覆12/29/2009 05:06:00]好番好多喇，多謝！
Take care arh!
回覆刪除[版主回覆12/29/2009 05:07:00]好番好多喇，多謝！
保重呀 瞓多d 會好得快d !
回覆刪除[版主回覆12/29/2009 05:08:00]我一日到黑都瞓架喇！ 不過今日已經無乜嘢，好番好多喇。
可能你個邊空氣好 , 我有個朋友係香港時 , 好敏感 , 鼻子成日又腫又紅 , 去咗加拿大後無哂事 , 成個靚仔哂 …. 一返香港又嚟過 …
回覆刪除我都覺得真係小病是福 , 耐唔耐都要同細菌打吓交至有抗體 ..
take care!!
[版主回覆12/29/2009 05:10:00]空氣好，同埋我覺得最重見係人與人距離大增，尤其我大部份時間都係一個人，乜菌都傳染唔到啦。
今次都幾少事，兩日就無事喇，所以都好好彩！
我都係嚟咗呢度都好少賴野(touch wood!)﹐一返去HK就即賴﹗ 可能呢度人無咁密集喇﹐所以賴野嘅機會都無咁高。我都有偏頭痛呀﹐完全明白你講嘅嗰種變態痛法﹗一痛就幾粒鐘﹐唔食藥嘅話直情想撼頭埋牆呀﹗ 你家下好返未呀﹖你嗰度落雪喎﹐你honey重洗車﹖
回覆刪除[版主回覆12/29/2009 05:17:00]我暫時都仲好好彩，返香港幾次都無事(touch wood)，不過我每次搭機前一定飲杯airborne，最驚就係喺飛機困獸鬥中招。我老公都第一時間打咗H1N1，佢個個星期飛，高危呀！
佢車迷之名實至名歸架，佢春夏秋冬都勤力洗車架！攝氏零度都洗架。只要唔係落緊雨，佢啲週末指定活動多數包括洗車/攪車！
祝妳快啲好番哂。 如果鼻塞瞓唔到就搽啲薄荷膏喺腳板底著住襪瞓就會通架喇。
回覆刪除[版主回覆12/29/2009 05:18:00]好番好多喇，今日無鼻塞。我呢邊無薄荷膏賣，下次返香港買番樽先。
hope you get well soon~!!!!
回覆刪除[版主回覆12/29/2009 05:19:00]好番好多喇，多謝哂！
妳可以用Vicks Vapor Rub。
回覆刪除[版主回覆12/29/2009 10:17:00]下次試吓先！
我同你一樣, 由boxing day病到依架, 今日仲開始咳tim ah.
回覆刪除Kyle就由24號開始肚屙同每日嘔一次, 今日好番小小冇再嘔, 不過仲係唔想食嘢.
醫生唔肯開藥, 話由得佢屙清爲止wor, 最少一個星期到10日.
希望大家都早日康復, 身體健康.
[版主回覆12/29/2009 10:20:00]唔開藥都無乜所謂，肚屙都係要屙哂先會好，不過最緊要係佢啲屙嘔排泄物一定要清理得好，因為嗰啲嘢勁多菌，千祈唔好再傳染落去！
我無咳，所以飲咗幾日熱檸樂加薑，依家好番好多喇！
少病是福, 重有老公喺身邊照顧, so sweet~
回覆刪除[版主回覆12/30/2009 03:21:00]佢無乜照顧我架！今日星期二就拆哂啲車胎出嚟洗，連續洗咗三日喇！
(Empty)
回覆刪除[版主回覆01/02/2010 05:56:00]多謝哂，祝你2010年工作順利，情場得意！
ceci:
回覆刪除真係橋？點解妳同男主人啲症狀一樣既、落樓梯障礙同埋有偏頭痛潻！
咁樣妳仲有冇同男主人一樣患咗荷包乾硬化呢個症呀......
[版主回覆01/02/2010 05:56:00]咁得人驚？唔好話俾男主人聽添呀，咪佢以為有個失散亞妹！
荷包乾硬化症以前喺香港就無，依定無做嘢兩年就有喇！真失敗！
(Empty)
回覆刪除[版主回覆01/02/2010 05:53:00]多謝哂！我祝你同阿寶繼續恩恩愛愛，一家人個個身體健康！
回覆刪除新年快楽！祝2010年永遠無病無痛！
[版主回覆01/03/2010 03:06:00]你都係，一家上下個個身體健康，笑口常開！
新年快樂 我同意小病是福！病完會特別覺得身體健康重要，會更加注意健康 我成日都有小毛病，呢排唔知係咪太凍，成日都頭痛
回覆刪除