2010年1月2日，對於我住的州份，是重要的日子！
因為由那一天開始，州內所有食肆酒吧都會全面禁煙。
請先別喝倒采，我知道很多州份及大城市已一早全面禁煙。
你們有所不知，北卡與香煙之間，是有一點情意結的。
南、北卡州本來都是農業地區，南卡出產棉花，而北卡就盛產煙草。即使時至今時今日，北卡仍是全美煙草業出產最高州份。
二十年前我做交換生時，即我契爺契媽所住的城市，就叫Winston-Salem，兩大香煙牌子「雲斯頓」及「沙龍」就是以此城市命名。這兩煙牌跟Camel駱駝牌香煙都是R J Reynolds Tobacco Company(RJR)的著名品牌，出產全球。
煙草業對北卡的影響隨處可見，RJR是北卡大僱主，亦曾是本州最高交稅企業。發財要立品，北卡可見到很多RJR捐款建立的學校及社區設施。
香煙、吸煙，一直以來都是本州的標記。我記得在這裡當中學生時，學校是容許學生抽煙的，小息午飯時候，很多同學都會聚在一起抽煙。現在想起來有點不可思議！
當然，自從煙草公司不斷被控告及付出高昂罸款後，北卡(全美)的煙草商已無甚豪利可途。但煙草業在北卡人心目中地位，仍不像其他國家，其他城市那樣不堪。很多年長一代或受僱受惠煙草業的人，仍覺得禁煙是有一點忘恩負義！
所以，你可以想像，1月2日禁煙，對於這地方來說，真的是革命性時刻。
但禁煙又真係好好喎!!而家香港禁煙，食肆地方真係清新好多，以前好怕去茶餐廳，因為怕煙霧迷漫，而家好囉
回覆刪除[版主回覆01/05/2010 04:58:00]我都好唔鍾意食二手煙，最憎攪到頭髮同啲衫都臭哂。但係呢到太多人受惠於煙草業，米飯班主喎，愈禁煙容乜易愈炒得多人架！我契爺屋企以前都係種煙草架，所以佢都唔鍾意禁煙。
其實禁煙有好有唔好, 不過真係革命性時刻...
回覆刪除[版主回覆01/05/2010 05:01:00]我自己就贊成禁煙，因為就算我避得到啲二手煙，啲侍應都無得揀，佢哋都幾慘架。
有時真係唔知點講好！我呢到（汽車工業城）同你個到差不多，都係一種工業控制晒一個地方。以前全部人都係打個三間車廠工，又因為汽車工業，所以呢到唔會有地鐵／巴士（都比汽車工業打壓了不可建造），但的人到依家，都唔會諗呢的公司一講cost cut就係layoff的工人！！更唔會諗點解現在每家嘅basic living cost一定要有車先可以自由出入（仲未計日日上漲嘅油錢），而唔係可以選擇揸車定搭車？我覺得呢的就係極度資本主義嘅結果，所以有時我覺得大陸對經濟開放的有限度控制都唔係唔好架。
回覆刪除[版主回覆01/06/2010 06:23:00]可以話係極度資本主義，其實更直接係極度自私主義。歐洲都行資本主義，但係會同時注重成個社會嘅well being，但係美國鍾意強調個人權利而忽略義務，而且極度推崇及時行樂，攪攪吓就自然變成咁啦。
北卡過去二、三十年已經逐漸轉型，依家好少人從事煙草業喇，因為美國本土出產都唔多，但係因為唔係太耐之前嘅事，煙民又多，我估要過多幾十年先可以去到其他城市嘅反煙程度。
禁煙對非煙民黎講絕對係好事，但係對煙民同煙草業黎講，佢地係被打壓嘅一羣，好似連抽一口煙的自由也被剝削
回覆刪除[版主回覆01/06/2010 06:25:00]除非可以設計到吸煙唔會發出二手煙，如果唔係禁煙呢個趨勢都唔會返轉頭喇。