原本剛寫完200篇網誌！
趁新一年，新10年代，改了版面圖片，換個新形象。
記得千禧年的來臨嗎？眨眼間又十年了。
科技提升、互聯網/資訊普及，生活好像方便了許多；但同時恐怖主義抬頭，致命沙士禽流感肆虐，人與人之間的距離拉近，但隔膜加深。
我其實幾慶幸自己年紀大，因為我很喜歡80年代的日子，我亦很懷念手寫信件及沒有手提電話的年代(約會朋友時間地點很清楚，遲到的情況亦很少有)。生活是很簡單，沒有現在方面，但感覺良好。
70年代還是很落後缺乏，90年代又開始迷失糜爛，80年代的情懷，很懷念啊！
你呢，你喜歡許冠傑/羅文/甄妮年代，譚詠麟/張國榮/梅艷芳/達明一派/Beyond年代，抑或是四大天皇/鄭秀雯年代？
我鍾意 張國榮 / 梅艷芳 年代架 !! 粒粒巨星 , 好有星味 ….
回覆刪除而家嘅歌手 , 唱得好嘅但無風采 , 亦大多唱得不好 , 走音好似係例行公事 !!
[版主回覆01/07/2010 13:04:00]係呀，真係好懷念，我第一次去睇演唱會就係睇譚詠麟，仲要係第一次開日場！一唱「幸運星」個天花亮起哂燈燈好感動好興奮！
Yes, I miss the 80s too. I think we are the same "lin doy".
回覆刪除[版主回覆01/08/2010 08:19:00]係都唔出奇，我就嚟四張喇！
我兩個歌手偶像都是姓張的,第一個是張國榮,純因為他靚仔過譚校長。
回覆刪除第二個偶像是張學友,四大天皇中,他的樣子最得意(即唔係行靚仔風格 ),加上他唱歌好聽。
[版主回覆01/08/2010 08:22:00]其實我無邊個係偶像，但鍾意譚詠麟啲歌多啲，亦都好鍾意樂隊時代(太極、達明、Beyond、風雲....)。
我係張國榮派嘅。 不過我又鍾意科技發達少少嘅而家。雖然係有好多唔好嘅野(好似你話齋嘅恐怖主意﹑細菌嗰D)﹐不過其實乜野年代都有呢D野﹐只係我哋嗰陣細個無聽所以唔知啫。而家有hybrid 車﹑recycle paper都幾好吖﹐又有MSN可以比遠方嘅我哋同屋企人上下網見下面﹐禧婆婆間唔中都係咁樣「望禧止渴」架咋﹗ 我覺得係人自己嘅思想唔同咗先會有人做D對世界四周圍有傷害嘅事﹐係咪應該由教育開始做起呢﹖
回覆刪除[版主回覆01/08/2010 08:35:00]我發覺年輕啲嘅鍾意Leslie多啲，老餅就傾向譚校長多啲，其實我都係鍾意愛情陷阱或之前嘅Alan，之後啲歌都無咁好聽。
可以話同教育有關，直接啲講同缺乏道德教育有關，學校唔准教、家庭亦開始唔重視.... 攪攪吓，就攪成咁囉。
我覺得好多現代問題，都係由全球化開始，西方(美國)科技現代化提升咗生活質素，但佢哋嘅文化價值觀生活習慣亦向全球入侵，但其實唔係每個國家種種文化都歡迎佢哋.... 攪攪吓就有多啲恐怖主義...... 至於惡細菌，我覺得類似原因。
我鍾意 60年代 任白 70年 鄧麗君 甄妮 羅文都好喜歡 重有喜歡大陸嘅 古箏獨奏家 王中山 .
回覆刪除[版主回覆01/10/2010 12:38:00]70年代我鍾意徐小鳳，因為老豆鍾意。60年代未出世呀！
ceci:
回覆刪除男主人以前既偶像係Dolly Parton、依家係瑤瑤，妳知唔知佢係也水呀..
[版主回覆01/10/2010 12:41:00]你因住俾Ta姐鬧你呀！
小學就鍾意張國榮，中學就勁鍾意劉德華，但係自從佢答錯一條數學題之後我就冇鍾意佢喇。我係貪靚仔，但係一定要俾我覺得佢好叻先得。
回覆刪除[版主回覆01/10/2010 12:45:00]我對四大天皇無乜特別感覺，淨係會聽吓學友早期嘅歌。不過我都鍾意睇Leslie同郭富城跳舞。
我鍾意劉華年代...而家世界變喇...多咗班八十後的年青人, 真係唔認老都唔得...再過10年, 都唔知會係點...往事, 只能回味...
回覆刪除[版主回覆01/10/2010 12:48:00]我依定都仲係聽緊8-90年代嘅歌，最近仲成日上youtube睇返以前啲歌手嘅演唱會同電視訪問.....真係超懷念呀！
60年代我都未出世不過唔知點解鍾意睇粵語殘片
回覆刪除喜歡許冠傑
回覆刪除
回覆刪除嘩哈哈哈哈哈....！笑死我！今年年初一好似同時係情人節喎，男主人，會唔會 連埋情人節卡一齊發呀！
Ceci:
兩張肉照？咁樣連男主人自己見到都頂唔順喇....
雖然我係 80 後嘅人，但係都鐘意許冠傑／譚詠麟同 Beyond 架！而家喺度，老公開車都係聽佢地啲 CD，不過幾時聽都仍然覺得好好聽～
回覆刪除但係我係生長於四大天王年代嘅，仍然係 Sammi 嘅小粉絲！亦都 Eason，第一次睇演唱會都係睇佢，幸福摩天輪呀！依兩年香港嗰啲冇乜邊個識喇我，我記得嘅只有 GEM？！Out 喇，哈哈～
[版主回覆01/20/2010 09:11:00]我仲停留喺80年代呀！所以依家嗰啲完全唔識喇！
我係四大天皇年代架 好懷念八十年代充滿人情味同希望嘅歲月，雖然嗰時我好細個，但記得左鄰右舍嘅關係好好，連賣菜阿嬸都友善啲，現今科技發達，生活進步咗，人同人嘅距離反而遠咗
回覆刪除[版主回覆02/03/2010 10:51:00]我都真係鍾意細個時嘅生活環境，雖然以前無錢又無乜嘢玩，但係開心好多！