天氣寒冷，更令我懷念......
蛇羹。(其實凡碗仔翅、魚翅、酸辣湯等啡色又較杰身的湯類我也喜歡。)
臘鴨。(臘味之中，我只吃臘鴨，尤其是臘鴨脾，但多只是兒時與家人同住時吃，自己住又不煮食的我已多年沒吃了。)
煨蕃薯。(很喜歡吃蕃薯。前陣子慶致勃勃第一次煲蕃薯湯水，但然掃興的老公在哀求聲中也只肯嚐一口，最後自己花幾天吃掉一煲，極無癮！)
周記油渣麵。(或許很多讀者都未吃過油渣麵，但我是超級超級「粉絲」！周記在堔水埗，我光顧了十幾年了，不論是住在荃灣、鴨脷洲或上環，我都會每個週末乘車前往堔水埗朝聖！是真的每個週末，一個人、帶男朋友或老公，我相信我是帶得最多外國人到周記搭檯吃油渣麵的顧客！現在每年回港探親，也會專程光顧幾次，可以說我是上了癮的。)
當然還有數之不盡的街頭小食、茶餐廳、炒蝦拆蟹！老公最近聽到我說農曆年多重要，前兩天突然問我想不想回家一趟？但他說不可能陪我一起，我不想大時大節做獨行俠(大家都知道我爸媽一定離港避年)，所以都是留在這裡渴望渴望算了！
油渣麵豬油撈飯我從來冇食過,我老公兒時常吃豬油撈飯,佢話非常好食喎不過而家有佢都唔敢食啦 ..
回覆刪除[版主回覆02/09/2010 11:21:00]油渣麵同豬油煮嘢食有少少唔同，啲豬油渣炸過之後都無哂肥羔，食落好似瘦肉加少少firm嘅豬皮咁，但係就仍然有豬油嘅香味，再加上蔥花同spicy pickles......... 真係一流！而且周記嘅麵底出名好食，唔會淋哂但又入味，所以唔食油渣麵都可以揀其他好似牛肉麵、豬潤麵、魚肉麵、北京餃麵等，真係好好味架！
以前好鐘意食豬腸，現在反為不敢食。
回覆刪除[版主回覆02/09/2010 11:23:00]好多唔健康嘢我都食，但內臟之中我就唔食腸，可能我覺得啲排泄物經過過，感覺唔好啦！
碗仔翅好易整架，得閒自己整嚟食頂頂癮都好喎。 妳快啲考車牌啦，咁妳咪唔駛到週末先有街去囉。
回覆刪除[版主回覆02/09/2010 11:25:00]我都知碗仔翅唔難整，但係整完一煲又係得我一個食我又覺得無癮，上次整完蕃薯糖水我老公淨係食一啖都攪到我唔想再整喇！
除咗牛嘅內臟，其他內臟我都唔食，所以未食過油渣麵 冬天我最掛住嘅係支裝熱維他奶同炒粟子
回覆刪除[版主回覆02/10/2010 05:06:00]油渣麵唔係內臟嚟架，係半肥瘦豬肉，應該係近豬皮嘅部份，所以有一半係瘦肉，一半係豬皮，切細咗一條條之後，先炸香佢同迫出哂啲肥油，再放上啲好好味嘅粗麵上(有啲似上海麵)，真係好好味架，有機會你都要試吓，尤其白頭佬鍾意香口嘢，佢實鍾意！
碗仔翅可以整少一點份量, 食兩餐囉~ 天氣咁凍, 點都要食自己喜愛的食物, 暖吓個胃!
回覆刪除[版主回覆02/10/2010 13:22:00]但整少份量都好麻煩，樣樣買少少，又多功夫....... 所以我一個人時真係唔鍾意煮嘢食。
I'm really annoyed by the snow
回覆刪除Word has been really slowed down, but the SEC deadline is not gonna be pushed back Next 3 weeks is going to be really tough!
And I have been walking so carefully on the slippery icy road :(
[版主回覆02/10/2010 13:20:00]你出入真係要小心唔好跣倒呀！我哋平時唔係成日落雪，所以都好少經驗行雪地，我就極小心，踏每一步都確保地唔滑先會再踏另一步！
睇嚟你都無得work from home，聽朝(星期三)一定被困啦，又少一日喇！
We have been working from home since last friday (except yesterday). But it's less productive and it's hard to supervise.
回覆刪除[版主回覆02/11/2010 07:35:00]原來都仲可以work from home，不過DC今日真係人都癲，你千祈唔好出街呀。我諗起碼仲要成個星期都未攪得掂呀。
" 前陣子慶致勃勃第一次煲蕃薯湯水 ， 但然掃興的老公在哀求聲中也只肯嚐一口 ， 最後自己花幾天吃掉一煲 ， 極無癮 ！ " <- exactly the same here!!!!! just make me very depressed to cook him other stuff. and my latest article share the same feeling with you, i.e. 過時過節係會特別懷念家鄉小食。
回覆刪除[版主回覆02/11/2010 15:48:00]我無係咁好心機，簡簡單單整糖水就OK，蒸糕咁複雜一定唔會試！
頭三樣我麻麻, 第四樣我都鍾意, 但未食過 周記 , 搵日去試吓先
回覆刪除咁快D返嚟啦
[版主回覆02/11/2010 15:47:00]Ta姐，周記喺福榮街，好近地鐵站架，如果你鍾意食油渣麵，快啲去試吓！我平時多數叫油渣魚肉麵，加埋冬菜炸菜蔥花一流呀！
下次返嚟一齊去啦！