老公的嫲嫲今年九十三歲了，一個人獨居在佛羅里達州，平時就只有住在附近的姑姐會定時探望她，而老爺奶奶就會一年探望她三幾次。
嫲嫲性格很獨立也很堅強，年輕時一直有工作，兩個丈夫都比她先離世，她仍是一樣沒太大牢騷，不太想麻煩別人的樣子，老實說，我很佩服她。
嫲嫲有三個孫，全都是男孩子，老公是長孫，差不多十歲才有其他孫兒出世，所以一直是嫲嫲的寵兒。奶奶說過老公小時候，嫲嫲寵他寵到一邊推鞦韆、一邊餵飯，要被奶奶制止免他被寵壞。簡單來就，嫲嫲很愛錫他。
我時常告訴他，嫲嫲年紀大，不能周圍去或坐飛機了，我們應該多去探望她，尤其她這麼愛鍚你，要趁她仍健康沒病痛時多見面。
終於在兩年前去了一次，還怕她太興奮不敢提早通知她，到步前幾小時才告訴她，她見到老公高興得不得了，我們帶她出去吃飯與到公園走走，她已非常感動又怪自己阻了我們出外遊逛的時間。雖然只是短短兩三天，足以至今她仍每個星期都跟老爺奶奶重提她多高興。
被我牢騷久了，終於趁今個星期老公放假再去探嫲嫲，星期四出發。
因為上落機在Orlando，老公肯陪我去環球片場去看看新建成的Harry Potter 部份，我雖然不是Harry Potter 的狂熱份子，但也看完全套書籍及已上映的電影。希望到時天氣晴朗又不太熱吧！
你呢個孫媳婦真係乖巧，嫲嫲見到你地出現一定好高興
回覆刪除[版主回覆08/26/2010 04:44:00]我又唔覺我特別孝順，我反而覺得係我老公唔孝順咋。
好多人都係咁，身在福中不知福，我自細就無哂四個祖父母，未試過感覺到有祖父母愛錫。我老公被屋企人寵慣，嫲嫲到依家都每年一定親自寫聖誕卡生日卡買禮物倖我老公架！如果係我一定超級感動同珍惜呀。去探吓佢真係最低限度，連呢樣都唔做我真係有啲接受唔到囉。
嫲嫲好厲害呀, 咁大年紀都獨居! 你地都好孝順
回覆刪除[版主回覆08/26/2010 04:50:00]嫲嫲好獨立，獨立到有啲硬頸添，如果有嘢要麻煩到人佢會好唔like架，又唔想同啲仔女住，一定要自己住。
我覺得我哋好唔孝順喇，佢九十幾我哋都唔探佢密啲，我屋企香港咁遠父母年輕咁多又唔係特別錫我，我都盡可能年年返去一次啦，何況嫲嫲好錫佢呢！
93yrs.咁大年紀都可以獨居好利害啊﹗
回覆刪除[版主回覆08/26/2010 04:53:00]佢真係幾勁，我哋簡單到勸佢唔好用浴缸，用屋企個企缸出入安全啲，佢點都唔肯，話自己慣咗要用浴缸！有時真係會俾佢激親。
大多嫲嫲都好多孫兒 , 我有時諗點解會咁錫呢 , 只係阿仔個仔啫 …
回覆刪除男主人話我冷血架 !! 痴線架佢 !! 我只係未感受到 , 我諗如果我有個女孫 , 肯定縱到佢壞哂 !!
好好 enjoy holiday!! 羨慕 ing….
[版主回覆08/26/2010 05:05:00]孫一定錫嘅，連我亞媽咁唔錫自己啲仔女都好錫兩個孫。錫孫易好多，唔駛自己出錢養，玩一陣就好以還番俾亞爸亞媽。
:) you have many good positive impact on your husband :) Have a nice and safe trip to Florida!
回覆刪除[版主回覆09/01/2010 09:31:00]佢對我都有正面影響(令我更有耐性，EQ更高算唔算呀！ )
Have a wonderful time!!! I think guys simply don't express much about their feelings and they don't know just a simple hug/chat on phone/visit means more to their parents/grandparents (cos Brian's the same way sometimes).
回覆刪除[版主回覆09/01/2010 09:34:00]我覺得我老公係得來"太"易，覺得所有長輩錫佢係理所當然，所以唔識感恩。我諗佢識得我耐，知道唔係個個人都有長輩屋企人錫，佢至開始覺得自己幸福。
真係一個好有心的孫新抱, Have a good time!
回覆刪除[版主回覆09/01/2010 09:35:00]我唔算，如果係好應該再見佢多啲。