幾星期前的一個星期五，老公來接我放工途中，一個十六七歲新牌小朋友從橫街出來時不留神撞倒我的Mini，幸好車速不高，大家沒受傷之餘我的愛驅亦只是車頭受損。
那小朋友又真是倒楣，其實他有在Stop Sign停下的，在等候出大街時，大街上一輛想入橫街的車慢下來，車主還揮手示意他先出來，但那個好心做壞事的車主卻沒有留意在大街的對行線是否安全，欠缺經驗的小朋友見到有人揮手示意出車，想也不想就抽頭出來，看到我老公時已太遲。等警察時他媽媽來到還罵他，老公說他也猛可憐的。
今個星期車子在維修中，在租車公司選了一輛Corolla代步，這是我第一次駕駛其他車輛，我想說的是，習慣了Mini，我覺得Corolla車身很龐大，實在難以想像駕駛更大的車啊！因為出租車是直接送到汽車維修部的，老公沒辦法慢慢挑戰，車到步時還嫌人家的車太髒，一回家就來過大清洗，有沒有見過有人去洗出租車？
另外，剛看完了The Girl with a Dragon Tattoo三集連環的第一集(每集都是獨立故事)。很久沒有書評了，因為上班後實在提不起勁閱讀，但沒精神食糧又覺空虛，故不敢挑選嚴肅題材，最近選了這小說系列一試自己的狀態。
有興趣看英人書，但又怕生字太深不易明白的讀者不妨一試，因為這瑞典作者的小說特點不是賣弄文彩，而是靠人物設計及精彩情節，是近年比較好的大路偵探小說。但注意小說屬成年題材，小朋友未必太適合。我昨晚已買了第二集，希望不會廢寢忘餐吧，但前晚為了完成第一集深夜兩點半才睡覺！
上星期氣溫仍在廿多三十度，這星期突然寒流，週末晚還會跌到接近零度。唉！漫長的冬天不是太早來呀！
最緊要係個人冇事。希望以後個年輕人會再小心啲啦！ 妳老公真係有潔癖，但係上次睇 Cole 一家去你哋屋企嘅相，你哋喺室入又有著鞋喎，佢係唔係會成日洗地毯架？ 我聽講The Girl with a Dragon Tattoo作者個同居女友好唔高興佢家人喺佢死後就賣咗本書嘅版權畀電影商喎，到時套戲上演時妳會唔會去睇呢？
回覆刪除[版主回覆10/03/2010 01:59:00]我哋喺屋企會著鞋架，其實多數係亞洲人屋企先會除鞋。但係唔知點解地毯都幾乾淨喎，可能少行室外街卦。 我覺得唔怪得作者屋企人，話就話驚右翼份子傷害女友所以唔同佢結婚，但佢係有知識嘅人，明知瑞典法律唔保障同居伴侶，咁多年都唔立遺囑，而個女友又唔投訴，要怪就只可以怪自己死咗嘅男朋友，唔可以怪佢屋企人。 美國套片多數跟唔足原著，因為題材太成人，我諗我到時睇吓佢哋係唔係大改劇情先算。
我啱啱囉車牌時過咗好多先停STOP Sign, 比警察叔叔睇倒! 佢好nice咁叫我要小心啲 唔好咁"抿"先停!
回覆刪除[版主回覆10/03/2010 02:05:00]我又無乜咁嘅問題喎，可能我細膽啦，揸車都好穩陣。
而家天氣真的反常呢...唔知今年冬天會唔會好凍呢...
回覆刪除[版主回覆10/03/2010 02:06:00]我都希望今年冬天唔好咁凍，因為舊年凍咗好耐。
Oh goodness, glad that you guys are okay! Poor kid, I hope he won't get "punished" too much by the incident! Ya, after driving Mini, any other cars may feel much bigger! I'm so used to driving Brian's truck and Toyota Rav 4, both are higher and when I switched to someone's cars, I am not used to sitting so low. Hahahaa, I think that 出租 company should pay you back for cleaning up the house! Are you ready for your trip?! So excited for you (even though I'm not the one who's going! hahaha but I tend to feel happy for any blogmates/friends going back to home!)
回覆刪除[版主回覆10/03/2010 02:08:00]個細路屋企有錢，所以我估都唔會好大問題。 我乜都未準則呀！仲有成兩個星期，又日日要返工，我估可能到要上機心情先會興奮！
至緊要人無事 ..只係心痛座駕花咗囉 我唔係一個喜歡看書的人,但我都睇咗1&2集電影,好鍾意故事佈局!
回覆刪除[版主回覆10/04/2010 08:45:00]我反而一開口就問：「唔係你架車嘛？」幾驚係佢架車撞！好在係我嗰架咋！ 咁你一定係睇瑞典版喇，我都有興趣睇瑞典版，起碼無咁多限制。
你老公真係奇人，連出租車都要洗得乾淨至肯用
回覆刪除[版主回覆10/06/2010 08:33:00]架車真係唔算乾淨，要揸個幾星期，就當平時洗車咁囉。