昨晚突然發現自己做了兩件極低能白癡之事。
事件一
兩個月前回香港時，得悉弟婦剛再度有孕，我們很開心之餘，都極度希望這一胎是女孩子，因為暫時爸媽的兩個孫都是男孩子。
再等了兩個多，相信弟弟應該知道小孩性別，就電郵一問，簡單回覆：a boy too!
唉！我還十分期待買Juicy Couture的嬰兒服呢！
低能之處是，我幾年以來一直在這裡稱呼弟弟的兒子為姨甥，昨晚想一想有點不對勁，他其實是姪仔嘛！真的極白癡！
可能英文都是統一稱為nephew，我就攪亂了。
幸好我只在這裡這樣稱呼他，平時我是叫他的名字的。
事件二
這兩星期老公放假在家。事源經過一年每週飛來飛去的日子，他的哩程戶口還欠三程機才可維持1K的身份，於是我就叫他自己在這兩星期間自費飛一轉去佛羅里達州探探嫲嫲一晚。
週六晚我幫他看看哪幾天的機票價錢較便宜，原來在聖誕前飛比在聖誕後飛便宜二百多美金，當然選今週。除了星期一，其他的日子都差不多，於是我就幫他選了星期二出發，星期三回來。
昨晚洗碗之際，我突然大叫一聲，嚇了老公一跳！
週二晚，是我跟他的結婚週年紀念呢！
真低能，有幾天可以選擇，我就是選了結婚週年紀念那一天。
過去兩個紀念日他都不在家，難得今年他提早放假，我卻極白癡的將我們分開，真沮喪。
他這個大男人，當然也是聽到我怪叫後才知道發生什麼事，還怪我為什麼是選星期二呢！（扮勁，又不見他在買機票時提我！他連我的生日也記錯呢！）
人老真的愈來愈呆，再老一點真的要在心口掛上姓名電話地址免走失！
你已經係半個鬼婆 , 呢 D 稱呼真係會唔記得架 !!
回覆刪除算啦 !! 你地日日都開心 , 根本無需在意那一日啦 !!
第日補數都一樣啦 !!
[版主回覆12/22/2010 04:37:00]我其實都好傳統架，不過我唔婆媽啫，最攪笑係咁耐都無人發現，可能你哋心地好，唔話我。
日日都咁開心？講吓笑好，不過我個人無乜所謂啫，算佢好彩，佢有好幾次連我出生日期都記錯，仲要影響攪手續，又記錯我未結婚個英文全名，真係俾佢激死。
係喎﹐你係姑媽﹐咁你細佬個仔應該係姪唔係姨生喎。 喂﹐呀姑媽﹐到呀姪BB出世時﹐記住唔好嗌錯喇﹗ 你老公會唔會以為你特登同佢book週年紀念嗰日飛去Florida﹐係有surprise比佢架﹖以為你會喺嗰度突然出現嗰隻呀﹖
回覆刪除[版主回覆12/22/2010 04:41:00]又真係同咁多人講過，都無人糾正我喎。細佬應該四五月出世喇，下年返去可以探佢。喂，生女靠你喇，個個都係仔，買嘢買到悶哂。
我俾自己嘅結婚週年禮物，就係自己有覺好瞓，因為佢唔係屋企瞓我就一定瞓得好啲！
我有時都會攪錯啲稱呼，尤其係老公嗰邊啲親戚，唔知係咪鄉下唔同，有啲稱呼都有小小分別，有時會混淆架 唔好沮喪啦！你咪當小別勝新婚囉！其實佢可唔可以改機票，遲一日至去探嫲嫲呀
回覆刪除[版主回覆12/22/2010 04:43:00]唔沮喪啦，我其實都無乜所謂，不過幾年都唔一齊又真係攪笑啲。佢今日飛咗啦，不過琴晚同我去Ruth Chris食飯，算佢啦。