加州老闆下午又來電，說為我進行了特別表現檢討，下週一開始，再加薪17.5%。
自今年五月開始上班以來，三次薪酬調整已比原有起薪點升了67%，說來有點誇張，我想是因為我的起薪點很低吧！
我特別感激我負責兩個辦公室的所有工程師，因為在一個年度的行政部門表現問卷中，我兩個辦公室的回應率最高，而且他們的評分評語超出全公司水平很多，把美國的整體評分拉高了很多，我想這是剛加完薪又加薪的最主要原因。我們每年都有全球表現比較，去年在五個地區中排第三，領導對此十分著緊，希望今年排名有進步吧。
我的工作表現是否比其他分部高很多，我相信絕對不是，其他分部的全職同事一直很努力；只是我的上手是個兼職，一天返四小時，又要顧及兩個分部，相對於我現在每週一至五出現八小時差很遠，同事們有問題有困難可即時得到解答，自然覺得分別很大。
很感激所有人，又要請家人吃飯了，更要想辦法多謝同事們呢！
更新：正！剛收到老闆通知，所有行政部負責人每人收50美金慶祝聖誕節！
Congrats, girl! No matter what, they appreciate what you've done for them. That's great! What a great news!
回覆刪除[版主回覆12/19/2010 11:22:00]多謝哂，我都覺得好彩。 上手雖然好好人，但其實半退休狀態，所以工作上無咁緊張，亦唔會催人交嘢做嘢。我個人相反，我expect啲人最多一兩日一定要有回應，唔係就日日追，所以無論採購找數都一定快手準時唔會漏，其實咁只係工作基本要求，唔知點解咁都當表演好，可能美國人做嘢實在太悠閒喇。
嘩﹐恭喜晒喎﹗ 揾份好工真係唔易﹐如今你呢份D同事咁好﹐老細重正﹐凳你開心呀﹗
回覆刪除[版主回覆12/19/2010 11:17:00]多謝哂！我雖然唔覺得心有愧，但都覺得好似好彩得滯。 啲同事對我真係幾好，可能我同佢哋啲工作無任何直接關係啦，就算佢哋幾大壓力都唔會瀉到我度。老闆對我都唔錯，佢知道我對於無得轉做全職唔滿意，所以係咁加我錢希望當補償無福利啦。
恭喜晒, 一來到就見到有人工加~
回覆刪除[版主回覆12/21/2010 04:05:00]多謝！
恭喜哂呀~~~~ 67%的確唔係個小數目呀~~~~ 係HK，6.7%啦~~~ 哈哈哈!
回覆刪除[版主回覆12/21/2010 04:07:00]我開始時人工低嘛，加咗咁多都同以前份糧仲差一捷。
你公司真好, 會為員工作出特別調整...要食飯慶祝啦...
回覆刪除[版主回覆12/21/2010 04:09:00]食咗幾餐喇，星期五去食龍蝦，星期六去咗食壽司。
真係恭喜哂 !! 打工仔最開心就係加人工 , 加油 !!
回覆刪除係度我祝你聖誕節快樂呀 !!
[版主回覆12/21/2010 11:45:00]係呀，暫時聖誕都好快樂，今日無啦啦又多50蚊，我諗住買gift card送俾人，唔想乜都自己袋哂。 你同男主人同阿仔都聖誕快樂呀，今個週末香港會凍，著多件衫！
恭喜恭喜 一年加薪三次，十分難得，比心機繼續努力呀
回覆刪除[版主回覆12/21/2010 11:47:00]我好俾心機架，好彩係啲同事老闆都知我俾心機，其實咁唔易架，因為好多人平時好俾心機都無人知，所以我好好彩。
congratrulations!!!!!!!!!!!!!!!!!!! again!
回覆刪除so many happy things happened around you!
[版主回覆12/23/2010 05:27:00]係呀，最開心就係加人工但唔駛唔升職或者做多啲嘢，的老闆都有叫我做多啲，但係都係濕碎嘢，工作量基本上無乜影響。