各位哥哥姐姐，又好耐無見，有無掛住我呢？唔好淨係八卦媽咪啲陳年情史啦！
我叻叻，上個月跟住媽咪返工呀！
(媽咪註：美國有一個年度「帶狗狗返工日」“(Take Your Dog to Work Day，網站在此)”，今年定咗6月22日，我向公司同辦公室業主申請參與。)
22號星期五朝早，媽咪比平時早起身啊！我平時都係等媽咪換完衫俾一小塊小食我同我講拜拜，跟住我就瞓覺，點知佢今朝左搬右搬行來行去，攪攪吓仲抱我上車，車程又比去公園遠好多，嚇死我呀。
落車去到一個陌生地方，幾驚媽咪唔要我！不過好快就去到一個充滿媽咪氣味嘅工作間，放低個籠籠同水兜，媽咪就帶我周圍去同好多叔叔打招呼，好多人摸我呀，正！我仲表演聽指令做high five叔叔讚我勁呀！
原來呢度就係媽咪每日走咗去唔理我嘅地方。因為啱啱放暑假，媽咪話好多同事放假，今日得我同另一隻狗狗返工咋。
另一隻狗狗係American Husky，都好乖乖呢！你睇佢？開會開到好眼瞓，原來人同狗係一樣架！
媽咪返工原來好鬼認真架，我成日想佢摸吓我佢都唔騷我嘅，咁我唯有自己瞓吓覺啦！
好快又三個鐘，媽咪話驚我唔適應太緊張，話第一次返工淨係返上晝好喇，食午飯時就帶我返屋企喇。其實我咁乖咁醒目人見人愛，返成日都無問題啦，仲可以成日見到媽咪，好過一條狗狗留喺屋企咁悶嘛！
(媽咪註：你就想喇，帶你返工半日幾多功夫呀，攞鬼死咁多嘢，又驚你喺陌生地方唔慣帶你去多幾次廁所，又俾多幾次小食你，麻鬼煩，一年一次頂哂籠喇！)
hahaha, that's really cool! Seems like Blaze really enjoys going to your office!
回覆刪除oh... btw, we will be going back on Aug 10, but we're not sure about our schedule, because we have to rush back for my Aug 13 work! What's ur schedule look like that weekend?
[版主回覆07/24/2012 23:38:04]知道就話我知啦!!
[Southerngal回覆07/23/2012 06:32:17]Cole loves Blaze, I showed him Blaze's pictures and he giggled! :-)
Hm, I'm not sure yet, because my professor hasn't told me if I can take my make-up exam on Thursday, if we're not in a hurry, we can definitely stop by/stay over night in North C. Hope I'll know more this week.
[版主回覆07/22/2012 02:21:47]Blaze去陌生地方會緊張，但係有好多人摸佢佢就會開心！
我嗰個weekend無plan呀？你今次會喺北卡過夜嗎？
梗有掛住你啦
回覆刪除[版主回覆07/22/2012 02:22:50]Blaze太鐘意人類喇，所以佢唔會串架，邊個摸佢佢就乖乖唔郁架喇。
可以同佢地返工真係超開心呀, 但真係一年一次就夠啦因為我實分心啫, 開會訓著左真係超攪笑呀
回覆刪除[版主回覆07/22/2012 02:23:57]係呀，會分心架，佢成日望住你你唔理佢好似好衰咁。
另外隻狗都好乖架，都係唔吠唔會跳人，好gentle.
又幾得意喎, 可以帶狗狗返工...半日都好啦!!
回覆刪除[版主回覆07/22/2012 02:24:48]真係半日好喇，之前又要申請，嗰日又要帶好多嘢，幾麻煩！
因為你教得佢好囉,我地太就我地隻寶貝,都冇計啦..........
回覆刪除[版主回覆07/24/2012 10:15:36]佢之前個主人教得佢好。
Blaze咁乖 帶返工一定無問題啦 佢實好開心啫
回覆刪除Kuma嚟玩咗三個星期 早兩日返咗媽媽度 已經有啲掛住佢喇
[版主回覆07/24/2012 10:18:46]係呀，嗰日返工嗰兩隻狗都乖架，我有另一個同事就係知道自己隻狗唔受控制會吠同周圍走，所以無帶返工。
好心你就認真考慮養隻狗啦！如果厭狗多功夫，貓都好可愛架。
wa!!真係好!!
回覆刪除如果香港都可以就好啦!!
[版主回覆07/24/2012 10:19:33]香港太多人怕狗，而且俾狗狗去廁所嘅地方唔多，一定唔得啦！
oh ic.......
回覆刪除