28/6/2008
短週末
今個週末比較短，因為老公星期日中午要向意大利出發！
雖然只是工幹，但我實在替他很興奮，因為他要去的城市，是Modena。
Modena有什麼大不了？哈哈！如果你(或你老公)是車迷，就一定知道Modena is the Capital of Engines！法拉利、林保堅尼、瑪莎拉蒂都在此城設車廠，法拉利的總壇亦在此。
老公是超級車迷，奶奶說他兩三歲懂說話的頭幾個字就是“car” and “motorcycle”，現在基本上任何車種、任何牌子、任何年代的車他都認得出。
他愛車如命，隔星期洗車，自己打蠟，換偈油，近年更喜歡到賽車場練車，亦被我感染而成為一級方程式賽車的忠實觀眾。(不要笑，我在香港時會獨自半夜起床收看現場直播的賽事。)
所以雖然要工作，我希望他能抽時間拜訪各個總壇。因為他這個工作項目的機構正是擁有法拉利的快意(Fiat)，他正希望快意的同事可以幫幫忙。
就是因為難得到意大利，我特准他逗留多一兩天，讓他到羅馬做個遊客。雖然這樣等於我們沒有國慶日的假期，我要獨守在家，但我真希望他可以盡興。
好像我比他更興奮！
訂閱：
發佈留言 (Atom)
賢妻
回覆刪除[版主回覆06/29/2008 23:04:00]佢都係個賢夫。
你噤善解人意, 你老公十定好錫你。
回覆刪除[版主回覆06/29/2008 23:07:00]其實無乜特別，我只係覺得「己所不欲，勿施於人」。
如果我有咁嘅機會，我都想我老公戥我高興，開開心心等我盡興。
你咁深明大義, 你老公一定好感激你啦!!!
回覆刪除國慶年年都有得過, 但去意大利唔係時時有機會去架嘛!!
[版主回覆06/29/2008 23:14:00]都係個句將心比己。我知道如果我返香港返耐左，或者我自己去第二個州探朋友/親戚，佢一定都會俾我開開心心去。我唔覺點解老婆就要向老公提高D要求，調翻轉就唔得。
而且都唔係特別關國慶事，就算生日呀，周年紀念呀，我都無乜所謂。要慶祝日日都得，我唔係好計較D日子。
Wow! Italy, I wish I can travel to Italy for business trip!
回覆刪除[版主回覆06/29/2008 23:15:00]I think he will be very hectic during the work days, I just hope he will be able to relax and enjoy the trip in the extra free days.
好多男人都鍾意車 我老公都係, 以前佢成日同細佬去睇車展, 我淨係鐘意揸車 "睇" .. 麻麻 la
回覆刪除[版主回覆06/30/2008 05:54:00]我老公一個人都會去睇車展架，仲同一架車影幾十張相，自己覺得好滿足咁架。
如果我老公要工幹, 我諗我會跟埋去, 佢番工時我去玩. 哈哈! 不過我同妳一樣都唔計較日子, 我寧願佢日日對我好, 好過淨係啲節日先對我特別好.
回覆刪除[版主回覆06/30/2008 06:01:00]我老公成日工幹，我唔跟得咁多次，今次得一個星期，我要買機票覺得唔抵。
有時跟左佢成十點先放工，佢內疚之餘我係酒店等又無謂，我唔想阻住佢做嘢，或者要佢成日好忙仲掛住要打電話俾我say sorry。
我都係咁話，特別日子，甚至禮物我都唔係好計較。
你好體貼呀
回覆刪除我老公都係車迷，去親車展就行到唔捨得走
[版主回覆07/01/2008 09:43:00]佢一個人去同一個車展可以去兩三次架。我當然唔理佢咁多啦！
你真係個好老婆, 抵你老公咁錫你!
回覆刪除[版主回覆07/05/2008 12:23:00]多謝！我會話佢知架嘞！