11/4/2009
做了應做的事
來了亞特蘭大幾天，首兩天都是困在酒店，因為老公每日工作至晚上十時多。
昨晚終於可以出外用膳。
多得Southern Gal指引，我倆到了離市中心不遠的Buford Highway，選擇了Canton House(富麗華酒家)食晚飯。
我們點了：
- 支竹牛腩煲
- 蝦乾肉鬆四季豆
- 椒鹽排骨
真是色香味俱全！一邊吃，嘴角禁不住向上提，很感動啊！
這酒樓值得推薦，份量大，價錢合理，最重要食物做得出色。我們差不多九時離開，還有很多人客剛到達，好像愈夜愈旺。
今天做了另一樣非常重要的事。
剪頭髮！
住在美國的亞洲人都知道，因為髮質有別西方人，在這裡很難找到有質素的髮型師剪亞洲人頭髮(可能西岸易一點)。
自從去年九月回港剪電過頭髮之後，我一直沒有到髮廊(之前去過的不太滿意)，只是自己稍為修剪額前的髮絲。
來到亞特蘭大第一天，即上網搜尋懂修剪亞洲人頭髮的髮型師，找到Lux Studio，電話預約，今早終於完成了這個重要項目！
雖然髮型師是西方人，但手工好，價錢又合理，老公跟我都很滿意呢！
完成上述兩項重要任務，即使不作任何遊覽，我已經很滿足了！
說起來，真是亞洲人在美國(鄉下地方)的悲歌啊！
訂閱：
發佈留言 (Atom)
我要睇相！睇相！！睇相！！！ 嘻嘻！ 我諗我都幾好彩，有個剪得我滿意嘅西人髪型師朋友。我對上嗰次剪已經係七個月前嘅事。禽日我叔仔同佢老婆嚟咗，我洗完風乾咗個頭，佢哋以為我啱啱剪完頭髪，仲讚剪得好。可能我平時成日夾住啲頭髪，一放咗落嚟就唔同哂。
回覆刪除[版主回覆04/11/2009 06:10:00]哈哈，你都知我唔會喺blog出我個樣啦！
我覺得佢剪得好，因為我頭髮長又鬈，而且全頭都係layer，其實我都知好難剪。但係剪完個頭好輕，啲鬈又維持到好自然，而且佢吹乾鬈頭髮好叻(唔係咁多人懂直接吹乾鬈髮)，連我老公一見到都話整得好。收45蚊咋(我俾咗10蚊貼士)，真係抵。
hahaa... so glad that you enjoy the meal! I'll have to try Canton House next time! Oh ya, I never have hair cut unless I'm back to HK or find an Asian hair stylist, as I had a very bad experience one time when I was in Tallahassee!!! How long are u staying in Atlanta?
回覆刪除They have really great Vietnamese, Thai cusine there too... actually they have almost food from any places in the world on Buford Highway... Bulgarian, Ethiopian etc.! Enjoy your time in Atlanta!
[版主回覆04/14/2009 01:21:00]我星期日晚返咗屋企喇，本來想留多一個星期，但最後check到老公要返嚟做陪審員，所以趕番嚟囉！
真係要試Canton House，大約4800號左右，喺對面街，好大間架。我星期日再去飲茶，佢哋開哂全層，真係好大，有香港茶樓feel，都好多嘢食，我食得好開心！
如果你真係搵唔到hairstylist，都可以去我去完嗰間lux studio(404-881-1007)，我搵咗Laura，雖然佢剪得好快，但係效果OK，而且佢好down to earth。
我都係自己剪咋，而家訓醒成執草咁，哈哈。
回覆刪除[版主回覆04/14/2009 01:24:00]如果遇到中個人/亞洲人，可以問吓佢哋喺邊度剪頭髮，呢邊啲亞洲人都好友善，一定會答你架。
係啦，呢到d髪型師，都唔知何解，點都剪唔到想要，以前係香港真係求其入一間，話要剪layer，都唔會太離譜。呢到可以剪到"一住住"0家....驚嚇 !
回覆刪除[版主回覆04/14/2009 01:32:00]佢哋唔識剪，主要係因為亞洲人同西方人髮心形狀唔一樣，頭髮粗度又唔同，如果落剪角度錯咗，啲頭髮就會飛起哂，所以layers特別難剪。
其實喺香港時我都好奄尖，唔會亂去試髮型師，我剪開個髮型師我跟咗佢十幾年，佢搬到邊我照跟，來回兩三個鐘都完成唔係問題。依家就慘喇。
唔係個個州都咁慘嘅 , 加州我覺得最適合華人喇 , 乜都有又多選擇 !
回覆刪除[版主回覆04/14/2009 01:39:00]我諗全美50個州，得加州同埋紐約係例外。但係就係因為係例外，生活指數高其他地方好多。加州買間普通屋，起碼係我哋3-4倍，所以玩吓手一年飛番香港兩次剪頭髮仲抵呀！
haha, I totally understand how you feel!!! When I went to go, I used to live in a very small town. And even now, I don't like to have hair cut in the states
回覆刪除[版主回覆04/14/2009 01:42:00]華盛頓應該有足夠亞洲人呀！？你試吓再搵吓，華盛頓一定有OK嘅亞洲人髮型師，問日本人就最好。如果剪得好，我真係唔介意俾多啲錢，百幾都無所謂，一年都係兩三次啫。
你點嘅幾樣餸, 係香港隨處食到, 但我諗係個邊, 煮得好味真係好難搵...搵到好開心哩!!
回覆刪除滿意嘅髪型~~俾D相睇吓好喎!!唔係第日係街撞到,可能得你認得我,我唔認得我你喎!!
[版主回覆04/14/2009 01:47:00]我呢邊好鄉下，牛腩、支竹、蝦乾等都無，啲中國外賣店只會賣西人唐餐。
唔駛擔心啦Ta姐，我返香港一定搵你飲茶飲水，實有機會見嘅。
Oh trust me, I have tried Japanese, Korean, Taiwanese and Chinese.....
回覆刪除[版主回覆04/14/2009 01:53:00]原來係咁，唯有返多啲香港啦！我下次返香港都會拉番直啲頭髮，雖然common啲，但易打理好多。
喺美國揾個啱心水嘅髮型師真係唔容易，我上次喺香港返黎之後都未剪過頭髮，淨係去髮型屋做過兩次焗油咋
回覆刪除[版主回覆04/14/2009 05:18:00]New York應該OK喎，不過可能要去Manhattan先得，有時大得滯又係好難搵。我今次剪完希望可以捱到下次返香港啦！
CA到目前都搵唔到好合心水髮型師, 以前喺lrvine住都係幫櫬日本人, 華人髮型師無個掂手法重係好舊, 如果唔係非剪不可真係番hk先剪 ..
回覆刪除[版主回覆04/14/2009 11:11:00]我仲諗住加州一定容易搵到髮型師添？我之前喺呢度都有去一個香港人嘅髮型師，但係個年紀大嘅女人，而且幾十年都係住喺美國，我估佢都係剪開年紀大嘅師奶，好老套，所以去咗兩次我都無再去。
好呀~
回覆刪除[版主回覆04/15/2009 06:02:00]到時見！