各位哥哥姐姐，好耐無見，別來無恙，大家有無掛住我呀？
我好好呀，日日都係食同瞓咁啦。都係爸爸媽咪超級懶，唔同我影相，所以大家少啲見到我囉，不過我又唔係好鍾意上鏡，都唔怪得哂佢哋。
前排媽咪話買咗對特製Blaze波鞋，我仲以為要我著鞋，原來係媽咪嘅鞋加咗我個名，嘩，當堂覺得自己變做明星有自己品牌呀！
媽咪話對鞋嘅紅色比電腦畫面更鮮艷，實物粉紅色嗰度無咁覺眼，應該喺個鞋邊或者鞋背再加多啲粉紅色喎(我狗哋唔明佢講緊乜)，另一遺憾係我個名牌嘅顏色同鞋花花嘅色太似，所以唔夠明顯喎。
我就安慰媽咪：都好靚吖，點都係獨一無二Blaze波鞋嘛，等我笑笑口同佢排排坐影張相先啦！
今日國慶，爸爸媽咪放假帶我去遊車河仲去咗另一個公園散步，我仲食咗幾條薯條添呀！不過每年今晚都有好多人放煙花boom boom聲，今晚有排驚驚！
真厲害，有自己的品牌！
回覆刪除[版主回覆07/06/2013 03:15:14]係呀，不過其實隻隻貓狗都得架，去Nike網站訂就得喇。
Blaze做返自己品牌代言人，威呀！我哋８月１日國慶又係四圍都放煙花，記憶中除咗第一年兔地有ｄ annoyed之外，之後都無咩點．今年要睇下Shannie驚唔驚先（佢最憎媽媽吸塵）
回覆刪除[版主回覆07/06/2013 03:14:28]狗狗係好怕煙花架, 我Blaze都會震哂搵地方呢埋。每年都有新聞話啲狗驚得滯周圍跑會走失咗，唔好彩俾車撞親或者搵唔翻就好慘。
Blaze反而唔怕吸塵機，佢通常都係傻瓜瓜望住我吸，真係吸到佢身邊佢先會走開。
Ceci:
回覆刪除~依對鞋, 你就係着黎同班Blaze 散步??
~我哋上星期國慶, 啲煙花都係boom boom 聲.
~去遊船河, 好好節目呀!! 而且, Blaze 又可以跑多啲, 行多啲
[版主回覆07/06/2013 09:03:46]係呀，因為我平時唔著波鞋架！可能返香港都會著吓，因為著普通平底鞋行得多腳板會痛。
最近落大多雨，Blaze都唔行得好耐.
有一對獨一無二波鞋真係好開心呀! 著住去跑步都開心D啫
回覆刪除[版主回覆07/08/2013 01:34:26]係呀，呢排成日落雨好多濕泥所以對鞋仲未開光，遲啲好天可以著去同Blaze散步。
BLAZE個樣好SWEET呀~!!!
回覆刪除[版主回覆07/09/2013 23:30:20]佢平時個樣好cool架, 係熱嗰陣先會笑笑口.
signature 的波鞋，好奢侈呢
回覆刪除[版主回覆07/09/2013 23:32:55]貴平時嘅同款波鞋40蚊美金, 但係每部份嘅布同顏色都可以自己揀, 又可以加名, 唔算好貴喇.
出對啱BIaze著就好喇，不過—買要買兩對
回覆刪除[版主回覆07/10/2013 09:57:18]我估Nike都淨唔到咁細對鞋呀！
終於收到， 對鞋好靚呀， BLAZE睇黎好開心同對鞋排排坐影相。
回覆刪除[版主回覆07/12/2013 07:57:14]除咗佢個名唔易見到有少少失望之外，其實對鞋真係幾靚架。
對鞋確係好靚, 雖然睇唔清楚Blaze個名, 但見到佢都好開心呢
回覆刪除[版主回覆07/16/2013 22:51:36]係呀, 見到都幾開心, 真係搵日要著吓開光先.