又係我做主腳呀！媽咪連放四日假超正，除咗可以日日見到佢之外，仲連續三日帶我去唔同嘅公園散步，又有好多冰冰咬，如果媽咪日日都放假就好喇(媽咪都係咁諗)！
你唔好以為媽咪淨係鍾意買衫買鞋，因為我得寵，媽咪都好鍾意買哥基嘢架，以下呢啲係過去幾個月買落嘅。
呢隻杯係媽咪暫時最鍾意嘅哥基杯，因為啲哥基劃得夠靚夠得意，又乜嘢毛色都有齊。
呢幾隻哥基瓷磚杯墊係姐姐(媽咪大繼女)喺Etsy.com搵到聖誕節買嚟送俾媽咪架，連姐姐都知道我幾得寵，嘻嘻！
呢件t-shirt隻哥基好勁好chok呀，著住件飛機師的風衣！不過貨到咗媽咪先知件t-shirt其實係男裝，俾媽咪太大件，俾爸爸又太細件(而且爸爸一定唔肯著)，所以遲啲可能都係捐出去幫吓其他哥基。
媽咪，你不停買不停買，究竟有無我份架？
緊係有啦！
媽咪見我平時坐車身震震好驚驚，估我可能係太矮睇唔到外面風景唔知自己去邊度所以好緊張。上網搵咗一輪，終於買咗呢張最大碼booster seat俾我。
張凳凳墊高咗，個軟墊有兩邊(一邊厚毛一邊普通布冷暖都得)，有條帶帶可以扣住我唔會周圍跳或者跌倒，凳兩邊亦有個位扣住車車安全帶，等我示範坐低睇吓得唔得先！最大碼都係僅僅夠坐，不過個凳邊啱啱抬住個頭頭都算舒服。
跟住就要放喺車車度試吓夠唔夠高喇！張凳底有仿麂皮包住，就算車開緊都好穩陣唔會郁嚟郁去架。
關門最後測試，啱啱好！瞓低唔駛企起身都望到外面呀！啱哂我咁懶同超細膽嘅狗狗，以後有得望風景，去邊都唔驚喇，多謝媽咪！
最後送張沖完涼毛滑滑肉照一張，姐姐幫我綁咗隻花花好嬌俏呀！
好多哥基產品呀! 張booster seat 超好用喎! 如果我有車都會買張啫
回覆刪除[版主回覆07/08/2013 01:57:37]係呀，佢坐高咗就無再身震震喇，而且張凳啱啱好夠佢佳箍得夠緊，應該俾到安全感佢。
鐵鑵呀!!!! *流口水中* 我响香港時都响瑪莎買咗一盒英女皇登基六十週年紀念版shortbread, 盒面係cute版歌基(what else
回覆刪除[Lili Marleen回覆07/09/2013 00:08:16]我估我有婆仔基因, 所以鍾意儲鐵罐. 不過我宜家都忍手咗好多lu. 其實我諗你d鐵罐點都用得著既, 用嚟裝餅同茶葉囉. 但tea towel咁靚真係唔捨得用呀
[版主回覆07/08/2013 01:59:56]你最鍾意啲鐵鑵？點解呀？其實我買埋啲嘢全部都無用，都係得個擺字，都係要控制吓自己至得！
all the stuffs are gorgeous
回覆刪除[版主回覆07/08/2013 02:00:42]我最鍾意隻杯，不過最實用當然係張凳啦。
Blaze looks so comfy in the booster seat !!
回覆刪除隻杯我都見過~~
btw, yahoo still fixing the problem
[咖啡奶茶精回覆07/08/2013 13:59:47]激c ! 趕客
[版主回覆07/08/2013 02:01:25]Yahoo嘅問題已經好耐，我估佢哋唔會改架喇。
Blaze, your mommy really loves you and so thoughtful... that booster seat is really awesome! and look at all those beautiful corgi items! You need to let daddy, mommy takes more great pictures for you (so that we can see your pretty face too) :-p
回覆刪除[版主回覆07/09/2013 23:39:49]Daddy除咗鍾意同佢玩拋波波之外, 平時好少理佢架, 影相更加少. 好在今個長週末都帶咗佢去唔同公園行吓, 要做出過吓街街.
個booster seat好正呀，可以托住個頭睇風景!!
回覆刪除好鍾意第一隻杯，有好多唔同既表情同動作, 又似又可愛~
[版主回覆07/09/2013 23:37:19]係呀, 我都好鍾意隻杯, 啲哥基好得意, 不過隻杯size唔夠大, 所以我都無用, 只係擺.
買埋買埋真係好多CORGI野丫~~~~
回覆刪除[版主回覆07/09/2013 23:35:54]係呀, 要控制吓, 不過呢度有個機構定時會拍賣哥基用品籌錢幫啲有需要嘅哥基, 我諗住遲啲都捐一批出去.
英女皇的 corgi 在奧運上完電視後，都非常出名呀。
回覆刪除[版主回覆07/09/2013 23:34:28]好可惜其中一隻主角已經死咗喇.
Ceci
回覆刪除-你儲埋儲埋, 都幾多關於哥基嘢, 我鐘意隻英國杯, 又實用, 顏色配撘又幾好. 有D粉紅, 啱我. 嘻嘻.
-blaze 鐘意坐車嗎?
[版主回覆07/10/2013 09:53:37]Blaze唔鍾意坐車架，佢基本上非常細膽，大聲少少都會驚，坐車又身震哂，依家有呢張凳佢無咁驚喇。
我自己淨係用Starbucks嘅大杯，所以所有哥基杯都唔夠大，得個睇字。
全部野都好靚呀
回覆刪除[版主回覆07/10/2013 22:24:43]多謝, 最好用係張凳.
Blaze does not have car sickness, i suppose. My chow chow throws up in cars.
回覆刪除[版主回覆07/10/2013 22:24:14]佢無暈車浪架, 以前比賽要穿州過省坐好耐車架.
不過佢好細膽又唔係太鍾意去街, 所以坐車會驚個身會震, 依家有得望住出面有嘢分散注意力好好多喇.
Blaze 好羡慕你個 car seat，我連窗口都睇唔到，只可以瞓地下 (car mat)！
回覆刪除[版主回覆07/10/2013 22:22:11]咁你快啲叫媽咪買翻個啦!! 睇到風景好正架!
不過你有大尾尾多數都會走出嚟架喇.
個booster seat 好啱Blaze喎, 咁依家坐車都特別開心啦
回覆刪除[版主回覆07/16/2013 22:50:57]係呀, 見到佢依家坐車唔緊張我放心好多.
個booster seat好掂呀!!! 如果我呀女都肯坐就好了, 同佢坐車一係攬住佢一齊坐前坐, 如果得佢一個在後面, 佢會驚到匿落座位下面! 老公日日都要用車, 成日都話無時間攞出去吸, 所以唔可以比佢坐地下架.
回覆刪除[版主回覆08/06/2013 22:02:38]點解唔肯坐呀? 坐住可能唔驚喎. 可以扣住佢等佢唔可以跳出嚟架.
我Blaze本來都好驚坐車, 個身震哂架, 不過有自己個位後就唔驚喇. 一來圍住哂個身體等佢唔哂自己平衡, 二來望到出面街個心定好多架. 如果佢坐車驚, 真係可以諗諗喎.
你好呀！想請問第一隻杯係邊度買架？超級可愛！^^
回覆刪除歡迎光臨及留言。
刪除抱歉，隻杯買咗超過一年，我已經唔記得喺邊度買，淨係記得係網上買。