眨眼二月又完了。
今年冬天特別凍，市面也遲了出春夏新裝，對於不喜歡買冬季服飾的人來說有點無癮。
也可能真穿不完，買也買厭了，過去兩個月沒買什麼衣服。
我有好多大褸，但就欠一件灰色的，趁季尾大減價在White House Black Market買了這件，都幾暖。
又因為今年太凍，時常零度以下，早晚從停車場行去辦公室的路程都像走入冰箱一樣，我的耳朵一凍就會頭痛，季初先在Target隨意買了一頂冷帽，後來在ModCloth看到這一頂女性化得來又幾型，用家評語一流就買了，我平時帶帽不特別好看，難得這款效果不錯，好滿意！
之後是兩件上班用春裝，件裇衫看似好普通，實物靚好多。
然後是夏裝，藍色花花裙上身質地舒服剪裁又好，但裙下身沒有裡有點透視，要穿底裙或膚色內褲。
另兩件Ann Taylor上班服，都是簡簡單單。
最後當然又敗了一件沒什麼機會穿的長裙(不買無聊裙好像不是我，哈哈)！這件裙不平宜，但我之前試過想等另一條心儀的長裙減價不成功好後悔，今次不等了。你看上襟的細緻就知條裙好靚，實物亦沒令我失望而且合身，唯一可惜是Petite size也太長要修短約半呎，修了之後裙腳的花紋就不見了。
其實少買點都好，看看之前的購物網誌有不少買落的都沒穿過，好浪費。
if you shop, it is because you have idle money. Many people have very little idle money after mortgage, insurance, food etc.
回覆刪除90年代已經大學畢業，出嚟做嘢都廿年喇又無細路，如果到依家都無個閑錢就大件事喇。
刪除所以我冬天主攻鞋 :P 不過近年買衫策略都改變咗, 情願貴精不貴多.
回覆刪除我連鞋都無買，買完對50/50之後未買過任何鞋，可算奇蹟，今天太凍真係shopping都唔想呀！
刪除呢邊都好多人帶冷帽(咁凍，都好合理)! 但我成日覺得自己帶完會有helmet head,又唔想帶fur嘅，所以淨係帶褸頂帽/ear muffs
回覆刪除我都有ear muffs，但唔鍾意帶，總係覺得聽覺會減低。我帶冷帽都係半個鐘左右，而且呢頂ok, 髮型無變。
刪除Ceci,
回覆刪除-很識買衫. 也很捨得. 你啲衫著返工嗎?
-我有時都幾慳, 好多時等特價先會買. 但到特價已經冇咩size. Haha...
除咗裙之外，大部份我都會著返工。
刪除早買早著嘛，如果唔係好貴或者唔會成日著嘅，我有時都唔會等減價。
我買褸鍾意有埋帽的，唔係咁鍾意帶冷帽，我最怕凍親耳仔，件褸有帽，可以遮到耳仔，比較暖
回覆刪除我想貼耳啲，所以帶帽。
刪除我除咗頂帽時啲頭髮變晒形，所以好少戴帽。
回覆刪除條長裙真係好細緻，要剪咗裙腳啲花紋真係好可惜。
希望春天快到，可以收埋啲厚厚嘅冬衣喇！
係啦，petite size都咁長，要五呎十先至唔駛剪，根本無可能。
刪除我都想快啲暖，凍到無哂癮。
Love the dress!
回覆刪除I am pretty short (5 ft 4). I feel maxi dress makes me look even shorter.
I found something funny about you. Based on your blogs, you seem like a pretty practical person. However, you aren't as practical on the shopping arena :)
我都係5呎4，好在算瘦手腳比例又正常，maxi dress我都唔會成日著，買咗幾條暫時都好似未著過！ : )
刪除我係一個兩極好極端嘅人，情緒上好理性，但喺某啲行為上好唔理性。我當平衡吓囉，無咁機械人嘛。
好笑呀CECI， 講得好啱我哋做咗咁耐嘢連買衫閒錢都無就弊了。不過我諗好多外國人都係咁。
回覆刪除你啲TASTE好好，值得投資落啲衫度呀～
我閒錢又唔算多，一定唔夠你呢個富婆！
刪除最近買衫都無之前咁癲喇，著唔哂浪費呀。
條長裙好靚呀！係邊間買?
回覆刪除Anthropologies
刪除