最近看新聞，提到美國聯邦政府向國民提倡使用1美元硬幣，若計劃成功，就可減少印製使用木材，又不能循環再造的1元紙幣，既環保又節省成本。
根據聯邦儲備局在1995年的估計，因耐用性及可循環再造性，使用1元硬幣會比紙幣每年節省成本5億美元。雖然現時大約有10億美元的1元硬幣在市面流通，但多次推動使用1元硬幣的運動都不成功。
美國鑄幣局去年中將四個城市Austin (Texas)、Charlotte (North Carolina)、Grand Rapids (Michigan) 及Portland (Oregon) 列為試點，與銀行及商戶合作，加強1元硬幣的流通。
香港亦曾將10元港幣由紙幣轉為硬幣，但最後亦敵不過民間要求，在2002年重新發行10元紙幣。
為何1美元，10港元的硬幣不受歡迎？
原因很簡單，因為以1美元/10港元這市值為單位可購買/換取的貨物與服務，在日常生活出現的頻率非常高。使用率高，方便程度就要提高，凡要市民在同一交易上交替使用紙幣和硬幣，就是不方便。
香港已有20元紙幣作緩衝，要攜帶多個10元硬幣在身的機會不多。
美國雖然有2元紙幣，但流通量非常低。你可想像取消1元紙幣後，大家的荷包會何等腫脹！
但我還是贊成改用1元硬幣，不計可省回多少成本，單只是割少些樹木已還得神落。
其實，歐洲、英國及加拿大等國家已取消低面值紙幣多年，市民亦已習慣。他們之所以成功，原因很簡單，就是政府在推出硬幣時，同時間取消發行及回收紙幣。沒有選擇，就只有順從。
但美國人權大過天，大過自然，習慣性重於常理，連取締多餘的1仙硬幣(Penny)也不成功，要取消1元紙幣更是天方夜譚。
不過，我最想念的，仍是......
八達通！
我還未見過1元硬幣和2元紙幣
回覆刪除[版主回覆01/08/2009 07:37:00]兩蚊係咁樣嘅：
我印象中兩樣都見過，不過好耐之前。1元硬幣多數喺有地鐵售票機同郵票機嘅地方見到。
八達通係偉大嘅發明，但相信好難可以喺花旗流通
回覆刪除[版主回覆01/08/2009 07:39:00]美國一定唔會啦，一來美國落後過香港，啲人接受新事物能力又低，治安又無香港咁好，有八達通啲人實報告成日俾人偷！
好多時我買嘢俾錢用1元硬幣, 個cashier都問我有冇紙幣.
回覆刪除[版主回覆01/08/2009 07:40:00]好多時啲cashier因為個收銀盆無咁多格，驚自己唔記得會混亂short錢，所以唔肯收囉！
我之前係個客度收左張2蚊紙幣, 因我未見過, 收果時仲問老細張紙幣係咪真添~haha
回覆刪除跟住我用左兩張1蚊紙幣同佢換, 我keep到而家咯!!
[版主回覆01/09/2009 05:26:00]有幾間舖頭試過唔收2蚊紙幣，俾人報導出嚟呀，好瘀！
2蚊紙真係好少，留番當紀念都好。
其實都無所謂,最緊要可節目無謂開支,硬幣係重少少,無乜問題啫
回覆刪除[版主回覆01/09/2009 05:28:00]我喺香港時用10蚊銀都無乜所謂，最唔鍾意係啲大銀唔乾淨！
Oh, I miss 八達通 too! It's so convenient! I actually don't mind to carry $1 coin, if that's for environmental reasons! I think Americans whine too much! But to be honest, I don't carry much cash ... usually just credit/debit card!
回覆刪除[版主回覆01/09/2009 05:34:00]美國成日強調個人人權，但一啲都唔重視community right, society right，最慘係大部份美國人知識水平低，對所謂「人權」嘅概念一知半解，攪到個社會極度分化，唔和諧，無乜人有犧牲小我嘅精神。
我依家已經慣咗比CARD唔要Receipt, 又唔洗煩又方便....有d似八達通feel~
回覆刪除[版主回覆01/09/2009 05:39:00]美國成日要留單據，等睇下會唔會return，攪到成屋都係單！
我都未見過1元硬幣和2元紙幣 但我見過5毫硬幣~
回覆刪除[版主回覆01/09/2009 05:39:00]5毫我未見過呀！
呢個5毫硬幣都幾大個架, 大個香港既十蚊!!
回覆刪除[版主回覆01/12/2009 07:44:00]多謝你張相呀！個銀都幾舊喎！