媽咪話，雖然佢自己無特別鍾意Hello Kitty，但係因為我係「香港狗」，所以一定要有啲香港特質。媽咪今日喺Target見到有Hello Kitty雨褸同狗狗頸帶，就二話不說即刻買俾我喎！
呢件雨褸簡直係為我哋哥基而設呀！平時啲狗狗衫唔係太短就係太窄，通常唔啱我哋呢啲又長又厚肉嘅特別品種！媽咪話鍾意佢夠長連個毛毛pat pat都遮到，頂帽個樣好似細咗少少，但係如果用嚟擋雨最好唔係咁易搖甩其實啱啱好，頂帽可以除低，仲有Hello Kitty個招牌蝴蝶結！
另外媽咪勁讚著雨褸嘅方法，胸口同肚肚都係用魔術貼，肥瘦都用到，最欣賞係褸腳有兩個可調教大少嘅圈圈，箍實對腳，咁就點走點跑件雨褸都唔會飛起或者左右移位，咁我就一定唔會俾雨淋濕喇！
睇吓件雨褸底層，全部都係Hello Kitty嚟架！全件上上下下底底面面都做得非常高質素，十幾蚊美金勁抵。
媽咪兩年前帶我返屋企後，都係用同一條黃色頸帶，今日見到有粉紅色HelloKitty頸帶就買咗一套俾我喇，我帶咗好乖坐定定俾媽咪影張相先！
試咗一輪，媽咪話頸帶有啲闊，要去換細碼喎。
我係香港狗，我一定要有Hello Kitty架！嘻嘻！
我最近都搵緊雨褸比我家北京仔。
回覆刪除淘寶啲款大同小異,好多都係箍腳我又係驚唔岩,,Blaze你依件好正呀!
[Heidicn回覆04/23/2013 12:30:47]錯左,,唔係箍腳先得
[版主回覆04/18/2013 10:25:37]如果箍腳有得教闊教窄咁應該無問題。
哈哈, 你真係香港狗嗎? 唔好亂認喎, 中國人只有認外國人, 外國讀書, 外國長大, 無人認香港架.
回覆刪除[Spicy回覆04/23/2013 16:25:06]咁叻仔! 你一定係媽嘛傾數廣告話的一個好對象!
[版主回覆04/18/2013 10:27:28]我識聽廣東話呀，你試吓同我講「食飯飯」吖，我會即刻彈起走去廚房等你架！
As a 港女, I like！
回覆刪除第一幅相好好笑呀，BLAZE 好似講緊，"媽咪你影夠未呀?"
[版主回覆04/18/2013 10:29:38]同親佢著衫佢都硬哂咁架，好緊張唔知幾時至郁得！
第一張個樣好唔順超, 第二張又變咗天真爛漫既小紅帽
回覆刪除[版主回覆04/18/2013 10:30:32]佢其實好乖，我點攪佢佢都ok架。
粉紅色好襯BLAZE, 著咗件雨褸, 十分嬌俏呢
回覆刪除[版主回覆04/18/2013 10:32:45]我琴日同老公講電話話佢知買咗Hello Kitty粉紅色雨褸俾Blaze, 佢打哂冷震話「粉紅色」？我估佢一定唔會幫Blaze著，因為怕自己同隻粉紅狗仔一齊！
件雨褸 size 真係 perfect，有冇男仔款式？
回覆刪除[版主回覆04/18/2013 22:03:41]我淨係見到Hello Kitty咋, 其實仲有啲衫仔同狗床狗玩具都係Hello Kitty, 但無見到其他卡通人物.....
好靚好靚呀..仲要咁抵,冬冬好吾抵得囉
回覆刪除[版主回覆04/19/2013 10:08:54]如果肚都包住，就真係好難行喇。
我都係諗住好大下先著件雨褸，同加埋肚兜。平時如果只係細雨或者草太濕就只係著肚兜。
我無洗過個肚兜呀，因為我哋地下好乾淨。不過我都覺得防水力差過之前啊。
[烏冬回覆04/19/2013 08:54:20]我初初真係想叫你幫我買架,可惜冬爸見到肚位置無布,如果肥冬又要再著肚兜, 一定勁吾鐘意,所以即打消左念頭了! 係呀! 個肚兜記住吾可以用熱水呀! 冬媽我好大頭蝦早幾日用熱水洗左,洗甩左佢d防水層攪到要再買過呀
[版主回覆04/19/2013 01:32:43]如果冬冬想要, 我睇吓仲有無幫你買吖.
Does Blaze like her new outfit?
回覆刪除[版主回覆04/19/2013 10:10:56]佢唔係特別鍾意著衫架，不過佢好乖唔會反抗又唔會擺脫，如果我唔除底佢佢就會一路著住架喇。
lol, little "pink" riding hood... too cute!
回覆刪除I think Blaze knows more Cantonese than Cole... :-p
[版主回覆04/19/2013 21:43:51]佢識幾樣啦, 食飯, 瞓覺, 波波, 餅餅之類...
wa~ 好Hello kitty 呀!!
回覆刪除我欣賞佢既腳位置有圈圈箍實對腳，而且頂帽都好啱呀!!
Blaze打側瞓係度個張好似俾人點左穴咁~ 哈哈!!
[版主回覆04/19/2013 21:42:59]媽咪叫佢stay嘛, 要stay好就唔郁得架喇. 不過佢以前係比賽狗, 已經慣哂俾人包身摸佢, 攪佢, 睇佢啲牙之類, 佢一啲都唔抗拒架.
wow so lovely and sweet
回覆刪除[nor c回覆04/23/2013 20:41:38]U are welcome
[版主回覆04/22/2013 22:14:10]多謝你成為Blaze嘅粉絲!! 哈哈.
Glaze真係靚晒喎...件衫設計得好好
回覆刪除[版主回覆04/28/2013 09:00:30]不過暫時未試過落大雨, 未著過著出街。
Ceci
回覆刪除-估唔到hello kitty 出埋狗狗時裝, 但真係難得咁啱身, ....哈! 我見到咁pinky 嘅Blaze 都忍唔住笑...cute
[版主回覆05/02/2013 22:09:40]佢平時咁cool嘅樣係唔太襯pink架, 我老公已經話咗佢一定唔會同Blaze著呢件雨褸架, 要等到媽咪出動同好大雨先有機會喇.
我勁想買, 見到我住東岸朋友買左, 但洛杉磯呢邊冇呀 @@
回覆刪除[袁門莫氏呀四回覆05/02/2013 22:15:56]我有兩隻poodle呀~~~ :)
[版主回覆05/02/2013 22:07:54]你有狗狗嗎? 唔知點解我喺Target網站都見唔到, 如果我去Target shop再見到幫你買好唔好?
你好，我見你之前寫過你有比乳酪Blaze食，請問係咪人食嗰啲？乜唔係唔好比狗仔食甜野架咩？請問乳酪對狗仔有咩好處？其實我都有聽人講過俾乳酪佢地食，但我唔知對佢地有咩好......我個女都係哥基，8個月大，但佢腸胃唔太好，好易"all"，唔知佢食唔食得呢？另外我聽人講哥基因腰長，最好俾啲關節丸佢地食，唔知你有無俾啲咩保健品Blaze食呢？你有無邊啲牌子同邊啲補充品可以推介下呀？最好係液體，因為我個囡唔肯食藥丸。市面上實在太多牌子，我都唔知買邊隻好......唔好意思咁多問題，因為我見你對哥基好熟悉咁，而且又照顧得Blaze咁好，咁靚女，所以想請教下你
回覆刪除[版主回覆05/10/2013 03:38:29]係人都食得嘅乳酪, 我買低脂, 糖粉唔高, 而且只有每餐一茶匙, 好少.
乳酪入面嘅乳酸菌可以幫助腸胃打細菌, 而且乳酪鈣質高, 都可以幫狗仔啲骨同毛質好啲.
我有俾Blaze食兩種補充品, 每日一粒fish oil(人食嗰啲)加落佢啲狗糧度一齊食, 魚油丸有海鮮腥味, Blaze會食唔當係藥. 加上溝埋乳酪, 好多時我估佢食咗都唔知.
另外晚餐我會加一匙Missing Link "Hip and Joint" for dogs. (你google呢個名就會搵到), 係粉末, 都係溝埋狗糧一齊食.
如果你狗仔腸胃唔好, 睇吓買唔買到罐頭南瓜溶(無加糖嘅), 美國超市就會有, 通常放喺整餅同蛋糕附近, 南瓜對狗仔腸胃都好好, 尤其係肚痾 同埋做完手術後恢復. 如果無罐頭, 咁定期買新解南瓜蒸熟俾狗仔食都得. 而且如果狗仔肚痾, 盡量唔好俾人食嘅嘢俾狗仔食.
Blaze每日兩餐:
早餐: 1/3杯狗糧, 1粒魚油丸, 1匙乳酪, 1匙南瓜溶.... 全部溝埋一齊
晚餐: 1/3杯狗糧, 1小匙Missing Link粉末, 1匙乳酪, 1匙南瓜溶, 再加水浸過狗糧(因為Blaze唔鍾意飲水, 所以我晚餐會加水), 全部溝埋一齊
Blaze兩年幾未誕過肚痾, 我都唔太俾人食嘢佢食.... 多數都係生果同veggies.
如果你嘅狗一路都痾, 可能係對某啲食物有allergy, 要考慮轉狗糧.
好得意呀
回覆刪除[版主回覆05/31/2013 22:04:32]不過買咗咁耐到依家都未著過.
Blaze 笑的樣子很開心 !
回覆刪除