今年也不例外，最攪笑我開門給送花員時，帶引他進來的保安員自以為是我的生日，在門口大聲唱出Happy Birthday To You！我唯有點尷尬地制止了他！
今年的花超大紮好重，但不及去年的漂亮，不過也不能怪他們，有時候網上訂花就有會遇到這個情況，但起碼今年的Starbucks卡卻是為行政人員節特製的，誠意可加！
除了行政人員節，去年初某日我請了幾小假，因為要我去宣誓成美國人，下午回到辦公室時，一看到我的位置就忍不住大聲哈哈笑了出來！估不到他們午餐時去Costco買了支大碼美國旗送給我為我打氣，我覺得比每年收到花更感動。
在美國打工，同事間除了辦公時間會偶爾閒聊外，基本上在公事外不會有任何聯繫，亦不會成為朋友相約外出，這跟香港的文化很不同，實在令人失望。但我這一班工程師同事其實對我已經很好，因為在我公司其他辦公室的行政人員都從來沒有這種待遇，所以我好感恩。
haha !!
回覆刪除I am NO.1！！ hello，CECI 我是新来嘅BLOG 友仔呀！（唔知你睇得惯简体字唔呢？） 呢呢几日我都不断起度煲翻你以前啲blog，感觉好似学左唔少野！
[版主回覆04/29/2013 23:00:36]多謝到訪留言. 簡體仔我睇得到, 無問題.
可能我寫blog成日好似"說教"咁..... 都唔係人人頂得順....
無錯, 咁又四月, 但都重未唸到那裡去遊玩
回覆刪除[Farming Cherrie回覆04/29/2013 23:03:55]HAHA...我只係睇到你個HEADING 有感而發
不過, 在香港唔係間間公司都會同同事"聯宜", 都好睇個同事本身。
[版主回覆04/29/2013 22:58:52]多謝到訪, 但係你個留言同我篇blog完全無關係喎....
That's nice for them to do so! I guess your colleagues are not those types who like to hang out after work?! Have u organized something to get everyone together? Maybe they just need someone to organize it :-p
回覆刪除[版主回覆04/29/2013 22:57:57]我呢個office係唔可能發生架, 因為全部都係男人, 個個有老婆仔女, 其實結咗婚嘅美國人都唔會想同同事做朋友, 怕配偶煩嘛. 就算你話叫埋佢老婆一齊, 佢哋都唔會願意, 又要同老婆解釋點解個女同事約你, 放工就快啲返屋企幫手湊仔之類..... 而且佢哋全部人都無放工後去飲杯嘢之類嘅習慣, 你約佢哋仲麻煩到佢哋呀.
文化唔同, 如果佢哋係海外移民嚟美國, 大家都係離鄉背井無乜朋友, 可能會唔同啲, 但係本土美國人基本上結婚有仔女後就唔會再去認識新朋友. 我全office啲人都係咁架.
好同意呀， 呢度啲同事關係同香港真係好唔同。 初初會覺得唔慣，依家諗落好處仲多。佢哋放工叫我去飲嘢我都唔知點推呀。
回覆刪除你啲同事都對你好好。 最好就係咁嘞。。。佢哋又尊重你， 但又唔會太黐身。
[版主回覆04/30/2013 05:34:13]我就好唔慣, 我喺香港好多朋友架, 大部份都係由同事變成朋友, 後生時更會一齊去旅行, 好開心架.... 平時又會放工一齊去shopping或者食飯(男同事都一齊架, 有啲帶埋老婆仔女, 真係一個大家庭咁架)..... 依家無可能喇!
我都算好彩, 同team的同事都算傾得埋, 可以放工放假約埋食飯睇波睇戲. 不過就當然唔似得响香港咁可以即興, 好多時要夾一大餐, 起碼一個星期前plan定至得
回覆刪除[版主回覆05/01/2013 22:38:13]唔同國家文化唔同嘛.... 美國可能只好有大城市(NYC)先容易約到同事出街, 因為大城市多數啲人都係來自其他州, 可能個個都單身唔駛趕住返屋企想識朋友無咁悶, 二來個城市要有公共交通工具, 如果唔係飲完俾警察捉醉駕就大件事. 其他小鎮個個都係趕住返屋企架.
Happy Administrative Assistant Day!
回覆刪除You can organize a happy hour, but the truth is most people like to go home as soon as they get off of work.
[版主回覆05/01/2013 22:34:48]我office好多同事都唔飲酒架, 而且捉DUI捉得緊, 基本上好少人會Happy Hours, 個個放工都返屋企.
咁，可能我適合外國生活，因為我放工從不同佢地去玩XDDDD
回覆刪除[版主回覆05/01/2013 22:58:07]咁當然要睇同事啦, 唔係個個office啲人都夾嘛, 不過通常玩開, 同一個office會好多人都係咁, 我有幾個office啲同事都會揸車, 有時到放工就會即慶去深井, 九龍城或者西貢之類食飯, 啲女仔又會約埋行街買嘢. 通常玩得開嘅都係無乜所謂, 唔會麻麻煩煩嘅人.
Ceci
回覆刪除-雖我覺好多同事都係好friendly, 但我都覺依邊工作上嘅同事, 係唔會成為朋友約出街. 真係打工就打工, 唔會把私人時間放任何打工的人和事上, 最多聖誕or 公司聨歡會, 先會出去食下飯or飲嘢!
-但我覺你班同事算好溫馨, 我咁多年, 都見唔到有人慶祝行政人員節. 哈
[版主回覆05/02/2013 02:10:27]其實我咁好彩, 都係主要靠一兩個特別有心嘅工程師, 佢哋建立咗呢個傳統, 其他工程師有人安排哂淨係簽個名俾錢, 我估佢哋都唔太介意.
成日都覺得對住公司的同事時間比家人長， 所以有好同事真係好好。
回覆刪除[版主回覆05/03/2013 02:47:24]我啲同事都ok la, 全部都係麻甩佬.
同事間可以相處融洽已經好好, 關係唔太密切都好架, 會無咁多是非同不必要嘅麻煩呀
回覆刪除[版主回覆05/04/2013 09:50:09]得我一個女人，無乜可能有是非啦！
美國的admin professionals day=香港的secretaries' day. 香港有心思的老闆都會買份小禮物, 請秘書食下飯, 你班同事對你真好! 我公司人事部近兩年都有包場請全公司的秘書去食個lunch, 一人派盒小小的朱古力, 都算係咁啦.
回覆刪除[版主回覆05/08/2013 04:51:13]以前係叫秘書節架, 不過淨係秘書範圍太細, 而且依家好少公司會有全職秘書(頂多三兩個)..... 我估多數係有美國背景嘅公司先會咁做