細佬一家剛跟父母及外母舅仔去新加坡旅行，今早看到他上載的照片。
我好想同大家分享我老豆有幾型。
他70幾歲了，身型從沒大改變，退休後有出現小肚腩，但應該比我的肚腩還小！
滿頭黑髮，他從不染髮亦不脫髮，最近幾年多了些銀髮，就是因為他的頭髮，你是看不出他已過70的。
原來他的衣著亦很年輕，Polo T短卡其涼鞋加背囊，三四十歲的打扮啊！但又不覺不合襯。
可能年輕時在大陸曾當過體育老師有關，我的老豆是個心境體格都比實際年齡年輕的老人家，現在是我們各仔女的Facebook朋友仔！我細佬也遺傳了他的體育細胞，樣樣佳能，中小學時都拿不少獎牌。
你看，有多少個爺爺會泳衣look跟孫仔去游水，他還真的落池認真教大侄仔游水呢，細佬說侄仔已學識游幾步！
因為老豆一直早出晚歸工作又從沒休日假期(農曆新年有幾天)，我們由出世到大學畢業跟他相處的時間都很少很少，小時候他甚至記不到我們的年齡及班級，到他退休後我們又已出身搬走了，但我一直視老豆是我的真正偶像。他默默的幹辛苦的工作養大我們，從來(是從來)沒有任何怨言投訴或不滿，性格有點傻傻的可愛(亦因為這樣常常被媽媽鬧)！
如果我到70時也有他的狀態，那多幸運！
祝老豆繼續無憂快樂，身體健康，長命百歲！
世伯對腳同年輕人一啲分別都無。
回覆刪除有遺傳的，CECI你都會咁健康咁FIT！
[版主回覆08/12/2013 22:00:36]佢身型真係幾令人羨慕架!
我體質似我媽媽, 血型都係同佢一樣.... 唉!
祝世伯日曰開開心心，身體健康！
回覆刪除[版主回覆08/12/2013 22:01:09]多謝你, 佢性格比較樂觀, 開心都唔難.
如果知道自己係子女心目中形象良好, 一定係好幸福既事 祝身體健康.
回覆刪除[版主回覆08/12/2013 22:02:11]多謝你. 佢知唔知道我就唔知喇.....我哋啲舊派人呢啲嘢好少講出口.
70幾歲, 真係睇唔出! 我阿爸今年六十幾歲, 都係一條白頭髮都無, 成日俾d唔熟佢既人問佢响邊度染髮染得咁自然. 世伯辛勞大半世, 宜家可享兒孫福, 苦盡甘來啊!
回覆刪除[版主回覆08/12/2013 22:05:22]我細佬就慘喇, 可能隔代遺傳, 三十幾就甩頭髮, 佢第二時一定易老過我老豆.
佢依家生活都幾ok架, 落街飲吓茶, 去公園睇吓人捉棋, 睇吓報紙電視又一日.
Uncle looks very young and energetic
回覆刪除[版主回覆08/12/2013 22:05:58]係呀, 佢性格都好樂天, 我覺得咁樣會更容易stay young.
同我老豆一樣70幾都好後生,無咩白髮, 真係男人比較易KEEP
回覆刪除[版主回覆08/12/2013 22:07:23]可能真係, 我媽媽就似自己年紀多啲(都係70幾), 有白頭髮, 行路都似老人, 相反我老豆到依家都仲幾敏捷吓.
最緊要身體健康, 開開心心~!!見到呢篇有少少HOMESICK~~
回覆刪除[:+:+:涼粉子:+:+:回覆08/13/2013 18:24:44]有呀有呀, 先排FACEBOOK, 呢排WHATSAPP...科技發達真好...距離好似拉近左好多....不過如果有隨意門更好~!!!
[版主回覆08/12/2013 22:08:01]想家就打電話同屋企人傾吓計啦! 我下個月都返香港喇!
真係睇唔出喎~
回覆刪除即係做運動真係可以令個人看得年輕啊~~~
[版主回覆08/13/2013 08:16:26]我老豆做建築行業，工作都要好多體力勞工，平時又成日行路，腳骨力好過後生仔，我覺得個人活躍真係好好多架。
Your mom is pretty skinny for someone bearing many kids.
回覆刪除[版主回覆08/13/2013 23:43:08]佢未生細路時只得78磅, 所以生完5個即使肥2-30磅都唔會變肥婆. 不過聽細佬講最近我父母好似食少咗想減磅健康啲.
哇，世佰似50幾咋喎！你睇佢對手臂有線條架喎，堅呀！
回覆刪除[版主回覆08/14/2013 01:20:43]50幾? 咁就後生咗啲, 不過你話佢細十年都應該有人信, 而且佢行路姿態唔似老人家架.
佢做建築幾十年, 有線條都好正常.
He looks great for a 70 years old!! Proud of him!
回覆刪除[版主回覆08/14/2013 02:58:56]係呀, 佢係我嘅好榜樣, 我都希望70幾時可以有佢咁fit!
好後生呀
回覆刪除[版主回覆08/14/2013 08:55:27]多謝。
嘩...你爸爸真係好後生
回覆刪除[版主回覆08/14/2013 23:16:47]多謝.
Ceci:
回覆刪除~我相信相由心生, 你Daddy一定心境, 都抱住樂觀心. 他樣子, 真是比較真實年齡後生.
~你同Daddy關係, 都唔錯渦!!
[版主回覆08/15/2013 21:54:05]我老豆係比較樂天, 諗嘢唔會好複雜嘅人又易話為. 所以大部份人同佢都好易相處.
我同佢關係ok啦, 其實我想更好啲, 不過我阿媽太計較心胸又窄, 如果我哋再同老豆親啲, 我驚佢日子好難過.
真的很型, 樣子型, 性格也型, 要向他敬禮!
回覆刪除[版主回覆08/15/2013 23:18:16]係呀, 我真係當佢係偶像架!
細伯真係好型呀！一D都吾似70，同埋佢既打扮，真係時髦過吾少後生呀！
回覆刪除[版主回覆08/16/2013 07:57:20]係呀, 但睇落又唔係唔襯喎，都OK架.
型呀
回覆刪除[版主回覆08/16/2013 23:24:19]多謝.
看到你爸爸仍健壯, 真替你高興...我爸爸後生時做華籍英兵, 沒想到年老便身體差...現在我都想陪他出去走走, 可惜他都沒精神了...父母身邊健康, 是我們做兒女最著緊的...
回覆刪除[版主回覆08/18/2013 10:22:20]我有時覺得心境對長遠健康都好重要，我爸爸係一個無乜煩惱，食得好瞓得好嘅人，可能咁樣都有幫助。
你爸爸就算遠地方去唔到，可能落樓下行吓公園吸吓戶外空氣都唔錯架，我估佢見到你已經好高興。