七年前來美前，我在港做了激光矯視，將二三百度的近視消滅，好爽！
雖然仍有點散光，但這七年我看東西沒問題，所以亦沒有再驗眼。
近來常拿著ipad看韓劇，一看五六小時，在廳看時我偶爾會放上大電視看，但深夜在睡房看時，都是在黑暗中近距離看著ipad，我都有些擔心近視再臨，趁老公要配老花眼鏡時順便驗眼。
原來我的視力仍然很好，當年矯視後是標準20/20，過了七年都只是50/50，連一百度都不到，視光師也說好理想，可喜可賀。
不過路經眼鏡店，又有購物狂的我，當然不會因為一句視力良好就走人，見到一排Tiffany & Co.眼鏡眶覺得好靚，就左試右試。
我樣子比實際年紀年輕，前幾年你說我像二字頭都會有人信。以前有近視時日常會帶隱形眼鏡，但當工作上要扮正經成熟一點，如開董事局會議時，我會帶眼鏡，因為帶了眼鏡的我好像一個老師/會計師，嚴肅好多。
沒帶眼鏡七年後，心癢癢想配一對當裝飾品，偶爾在公司帶嚇下現在的同事(其實他們已經好怕我)！
揀了一輪，選了這對，最主要是眶形最配合我臉型，眶邊的閃閃鎖匙雖然有點誇張，但我不常帶沒所謂。(我相信當中起碼一百蚊是包裝與品牌錢)！
都說是購物狂，在等拿眼鏡時又再周圍看，又看中這對帶起來有點懷舊味的。太陽眼鏡不用配鏡片，我沒有即場在舖頭買，因為知道網上買應該便宜好多。回家上網訂了，平100美金還免稅免郵費，好開心！
戴o黎睇吓係咪真係似教師、會計師
回覆刪除你都唔係第一日睇呢個blog啦，明知故問。 : )
刪除可以係鏡片度打格仔，哈哈
刪除好靚呀!!!!!!!!!!!!!!!!!!! 攪到我都想買 :)
回覆刪除你有細路，如果無帶開就唔太適合喇，費事俾個BB抓到。
刪除留返D彈藥去Seoul掃貨好喎
回覆刪除我都諗住今次唔喺香港買，去到首爾睇吓買到乜先。
刪除你有冇睇lotte個廣告? haha
刪除http://kpopn.com/2014/05/19/224007/
之前睇咗喇。
刪除潮流興， 無近視可以戴平光鏡， 感覺完全唔同。
回覆刪除我依家呢對唔係平光，都係要配鏡片我配咗啲散光同嗰50度咁大把。
刪除激光矯視簡直係我夢想成真嘅事，以前配眼鏡，揀到個框幾靚都好，一配咗塊厚厚嘅鏡片上去，就幾靚都變唔靚。
回覆刪除戴咗眼鏡返工未呀？有冇嚇親同事？
做lasik一定要揀大城市高volume嘅地方做，因為呢啲手作仔手術practice makes perfect，所以我喺香港做咗先移民。
刪除我其實原本近視都唔深，不過帶唔慣眼鏡所以決定做lasik。
I am practically blind without glasses/contacts.
回覆刪除太深近視做lasik risk大啲，不過好多有medical background嘅人，包括視光師，都唔肯做。
刪除我約十年前喺美國做的，真係好好！我貪靚，之前我 650 度近視，如果唔帶得CONTACT我唔肯帶眼鏡，無PK 算好彩。
回覆刪除我係太遲先開始近視，成三十歲先開始帶眼鏡，好唔慣，所以度數一定我就去做lasik。
刪除