媽咪今日去香港，爺爺嫲嫲去冰島坐遊輪，仲有平時會幫手照顧我嘅另一個太太咁啱又同一時間去以色列旅行，無人照顧我俾飯我食帶我去廁所點算呀？
Daddy媽咪知道我好唔鍾意去狗酒店，好耐之前去過一次好驚成身震哂，所以盡量都唔想再俾我去。諗咗一輪，Daddy決定帶埋我返工！
可以成行，純粹因為Daddy今次個project喺華盛頓，夠近可以揸車去(大約一程揸5個鐘)，如果係遠啲一定要搭機就唔可以帶埋我喇。為咗我，Daddy先要改訂可以俾狗狗住嘅酒店，然後帶埋我啲床仔家當早一個下午就出發喇！
雖然我都唔係太鍾意坐車車，但係比去狗酒店真係好好多！
你睇，酒店見到我仲升級套房俾我呀，梗係知我係VIP喇。
.JPG)
.JPG)
日頭Daddy返工，我就自己喺房度瞓覺豬同周圍八吓咁啦，Daddy幾衰，仲報告俾媽咪聽話我跳梳化，二五仔！
.JPG)
呢個trip，下兩個星期都仲要再去架，辛苦Daddy喇！
歐美俾竉物嘅設施比亞洲完善, 香港連餐廳都不得入門(除了導盲犬)
回覆刪除美國好多餐廳都唔得架。
刪除阿BLAZE個樣好滿足咁呀。
回覆刪除好彩唔使去狗酒店，我以前PIGGY去完接佢返出嚟佢真係大大滴眼淚流出嚟架。
Ceci 玩得開心啲， 多啲POST香港韓國相啦 = )
Hi anglea,
刪除我仲係睇唔到你個blog!
可唔可以add我
simlam1117@gmail.com
真係唔想俾Blaze去狗酒店，雖然Daddy好辛苦。
刪除Bravo to your husband!
回覆刪除I assume it gets old for your husband to be traveling weekly.
我老公本身係無乜所謂架，有時放假幾個星期唔駛走佢唔聚財架。
刪除Blaze都有得出trip, 厲害! :)
回覆刪除我出門都唔捨得俾兔地去寄宿, 寧願貴d都要揾pet sitter上門照顧佢哋.
如果我揾到信得過嘅dog sitter我都唔會帶佢架，不過唔想用陌生人咋。
刪除跟埋Daddy去，當渡假，正
回覆刪除其實佢寧願留喺屋企。
刪除Blaze 好掛住你呀~
回覆刪除一定係跟daddy出trip太開心，所以先一時忘形跳梳化啦~ 哈哈!!
其實應該係知道媽咪不在，所以放肆。
刪除仲要去兩次出差，Blaze話你下次度好期至好去玩得唔得？
回覆刪除係呀，尤其佢唔鍾意坐長途車，不過比起狗酒店仲好啲。
刪除外國對寵物真係好!!!HK有排都未跟得上!
回覆刪除香港太密集，唔可以比較。
刪除可以帶埋去返工咁好，清潔姐姐入來打掃房間咁Blaze有無做監工呀？
回覆刪除Blaze喺房我哋就唔駛人打掃，唔係佢會好驚架。
刪除Ceci:
回覆刪除~你玩得開心啲, 盡情啲!!
~好彩, 工幹係可以渣車去, Blaze 都跟到!!
~美國啲酒店, 真係顧及很多級面, 如果係歐洲, 可能會難揾啲酒店接受寵物入住
呢間酒店專登搵俾佢架，Daddy平時唔住嗰度架。
刪除Blaze 果樣好開心! 佢間屋都upgrade埋真好
回覆刪除因為佢，幾個星期都upgrade to suite呀。
刪除