今年我在香港沒什麼購物慾，可能是款式看不上吧，衫只買了三幾件。
在香港生活時，我很多便服都來自Armani Exchange，來美後因為住的鄉下地方沒有這舖頭，所以多年沒光顧，這次偶然看看時，買了件前冷衫後面是百摺薄紗的上衣，因是全黑色沒有影相。噢，原來又是黑，今次果然集中黑白灰。
另外兩件T恤來自Bauhaus，我好少著T恤，會買的都因為是圖案設計吸引，這兩件都符合心水。現在看得上眼的T恤也不便宜，這兩件每件都差不多上千。
除以上這幾件，我今次在Uniqlo買了好多墊底背心，單買背心都用成千銀。我發覺在香港買的，無論質地剪綵都比美國好，以前會在無印良品買，現在多數在Uniqlo。
總計以上與首爾的血拼成果，其實跟往年都差不多，不算失血過多也可接受，但世事永遠在掌握之外。
我在留港最後一晚，死在TWIST。用了三年的Miu Miu銀包開始殘舊要換個新的。我一向不特別好名牌袋，但就很喜歡Miu Miu的巢皮紋Matelasse 的設計及質地，之前的銀包亦是這系列。今次銀包買了比較耐用的漆面皮。但又是在等售貨拿新貨時，自己去看店內Matelasse系列的手袋，看到這個少人用的深藍色(實物藍得好靚)，配金拉鍊又夠型，終於非常不理性地帶回家。這兩件比我其他所有買的東西合起來還要貴！還有我應該很少會用這個袋，可能十年都用不到幾次，家裡幾個名牌手袋都是長年在衣櫃放著，真的有點發神經。
財散人安樂！
我鍾意miu miu,都係因為鍾意佢D皺皺皮紋+羊仔皮，但我懶，無錫住嚟用，本來嘅dirty pink已經變成dirty pig，所以我覺得妳呢隻色好，夠特別之餘又耐用D。
回覆刪除好奇下，妳唔用手袋但拎咁大個銀包，係習慣定係真係裝好多嘢架?
呢個系列雖然夠特別，但缺點係好易殘，皮太軟啲扭紋皮面又易花，都好難錫住用。所以今次較常用嘅銀包我無再買同系列，漆皮應該耐用啲。
刪除我用大銀包因為美國生活要帶好多卡。提款卡/信用卡基本，又有車牌、醫療保險、牙科保險、醫療信用卡，跟住又Target，Costco之類嘅會員拆扣卡次類，用細銀包會攪到好漲，我至憎銀包又漲又肥，所以會用長形銀包多啲位放卡。
另外我平時食lunch或去超市會用另外一個LV類似card holder嘅細銀包，所以大銀包出場次數不高。
你唔用都要得閒攞出嚟“樣“吓佢，啲皮收埋擺得耐好易發霉架。
回覆刪除咁我又唔擔心，我有個怪習慣，屋企長年唔開窗，只用冷暖氣，所以濕度保持得好平均，walk-in closet永遠唔會潮濕。
刪除手袋同銀包，雖然只用得一個，但見到啱總會不自覺買左，我都係放衣櫃多。
回覆刪除住香港用嘅機會多好多，住海外又唔係大城市嘅就真係好少用。
刪除I love the purse.
回覆刪除I use the same purse every day until it wears down. Too lazy to match purse with outfits, etc.
我平時返公個袋都唔轉架，通常用一年，而且唔會用名牌袋。
刪除我都係長銀包fans ! 你揀隻色好靚!
回覆刪除我以前買過個dirty pink handbag, when miu miu 30% off, 後來嫌重, 我個friend幫我eBay賣左以二二個italian,
冇乜蝕錢 ! 勁開心!
不過我只會去Miu Miu買安心d !
我以前個銀包就係粉紅色。
刪除呢個手袋我又唔覺好重喎，不過我另一個miu miu細個啲好似仲重。
我鍾意無印良品的底底，不過愈賣愈貴。
回覆刪除好似同Uniqlo差不多？都係一百蚊一件度，我覺得近年無良啲背心質地好似差咗。
刪除我都係Uniqlo買咗D背心，佢吔D質地真係幾好又舒服，
回覆刪除我係美國買的底底背心，洗二，三次就起毛粒，真係唔掂。
美國又唔平，都係十幾蚊美金一年，最唔好係唔耐著。
刪除嚟咗美國真係無哂買靚衫襯得靚靚先出街嘅欲， CECI你仍能KEEP住真好。
回覆刪除我成日懷疑因為我係第四個女，屋企又窮，由細到大都唔乜新衫著，所以大個咗變成買衫狂。
刪除我最大！又係窮，那些年都係過年先有新衫褲！兩年一套！短左的長褲，我會自己改短佢，夏天著！哈哈，短絨褲，冬天都著得！
刪除到今天，都對衣著要求都好低！我所有衫褲鞋，都係老婆幫我賣！連打波的衫褲都係！
我只會買羽毛球鞋和打波著的厚棉襪，因為老婆唔識買！