我與老公都怕排隊怕人多，一向沒有在感恩節或Black Friday外出購物的習慣，其實現在也沒有必要外出，因為大部份折扣網購同樣有效，星期四及星期五我就在家買了不少。
但這篇先講感恩節前就買下的，免得下一篇太長。
先介紹這條將會在公司聖誕派對穿的裙，來自Anthropologie，是Byron Lars的設計，Byron Lars擅長將不同質料混合在一條裙上，這條上半身是印花紗布(再縫上另一種印花的墊底背心)，下身前半是釘了珠片的厚身彈性尼龍布，後半是綿質印花布。今年春天看到這條裙時我已經好喜歡，但美金$250有點貴，終於最近等到75折，貨到後試身還可以(雖然跟模特兒還差很遠)。今星期四居然由$250減到$180再75折，我當然再買一件然後退回上一件。
今年預測的下雪量會比平均多，我有一對雪靴但鞋身硬不太舒適，看到英國牌子Joules的雨靴有我好喜歡的花花設計(另一品牌Hunter多是淨色，靴身又闊不合瘦腳派)，加一對為雨靴特製的fleece毛毛襪好可愛。
穿上牛仔褲剛剛好，我已在一個氣溫零下的下雨日穿過一次，夠暖！另一張相是Blaze的photobomb！
最後兩條花花裙來自ASOS，現在我好少在ASOS買衫，因為款式太年輕。藍色那條應該可以上班穿，另一條是近年我很喜歡但也很難買的maxi dress，真希望夏天快點到。
CECI你著得好靚呀～～
回覆刪除阿BLAZE幅PHOTOBOMB笑死我喇，表情一流。
吓，同模特兒差好遠喎！我估模特兒起碼5呎10高先著到條裙咁樣。
刪除Blaze係超級跟尾狗，只要我喺屋企一企定任何位置，佢就會走嚟我腳前面望住我想我摸佢，張photobomb係佢daddy叫佢個名，佢轉身應daddy嗰吓影低嘅。
Blaze好搶鏡呀，好鬼鍾意佢！
回覆刪除最尾兩條裙超靚、又飄逸，比著我冬天都可能忍唔住想著！
我喺屋企影相的話佢一定photobomb架。
刪除藍色嗰條裙著起好靚，長度又適中，不過我有好多條類似嘅藍色花花裙，但其他顏色唔易買又或者唔易著..... 其實我都想買啲其他顏色。
The pattern of the dress looks very similar to the pattern on the boots.
回覆刪除Love the blue dress! Is it petite-sized?
其實我好多衣著都好相似，因為我來來去去都係花花。
刪除條裙我唔係好記得係咪petite，不過ASOS啲size好細，我買2號都係啱啱好，平時買開其他牌子嘅0號就一定唔得，要跟ASOS size chart。
Ceci:
刪除~買野都有分前and 後. 你係依個月, 都應買咗唔少!! 哈哈
~條裙好岩身呀!! 難得有減格, 快啲着多幾次!! 更加抵!!
我呢個月真係大破財呀！唔係淨係買衫褲鞋，仲有趁減價買埋其他嘢眨眼就幾千美金喇！
刪除條裙雖然差額減成半，不過我都俾咗廿幾蚊郵費，Anthropologie啲運費超呃錢。