繼上回，朋友的狀況仍是差不多。
我想了三兩天，決定下星期先回香港兩星期，到港後再看看朋友每天的情況，以及是否可以探望。畢竟，香港飛澳洲單程約十小時，由我美國這裡飛澳洲卻是單程三十小時，在香港等的彈性會大好多。
其實也不一定會見到她，這兩天她的狀態不好，一天沒有什麼清醒的時間，而且其中一個姐姐也在2月帶同5個姨甥去探望她，她未必有精神精力應付太多訪客。另外，我知道有一些病人是不希望見到其他人的，我已告訴她我明白也接受她可能有時也有這種想法，到我到達香港時也不要感到壓力，起碼在香港的日子，我可自由地隨處去，剪頭髮吃東西，時間許可的話見見其他朋友。
壞事通常都是接二連三的。昨晚收到我姐姐訊息，原來弟弟的外母在最近也因肺癌病逝，會在我到港的第二日出殯。他的外母我見過好多次，2011年底發現癌症時也是經我朋友找主診醫生的，可惜也是不能做手術切除的種類，用了幾年標靶藥到最後也只能延續一段日子。
(題外話一：Lala，因為這突然之旅，我不會在3/4月再回香港了，可能年底才會再去，抱歉錯過與你及契女相見。)
(題外話二：回香港的機票價格歷史性地低，我出發前約十天買機票來回不用900美元！我移民7年以來每年回港未試過低過$1100，去年五月底淡季回港的票價更高達兩倍$1800，減油價影響真的這麼大嗎？美國內陸的機票價也沒什麼回落啊。)
你朋友有你支持，一定感受到你的愛。
回覆刪除佢係一個好好嘅女仔，我哋成班一齊識嘅朋友都關心佢，如果唔係都唔會夾錢送個朋友去見佢，順便轉達我哋嘅支持。
刪除我都覺得機票平咗，我Book 5月中返香港，機票都唔駛US$900
回覆刪除但好似淨係去香港先咁平，美國本土機票無減。
刪除無論最後去得成澳洲與否，妳也盡了力，而妳朋友亦知道妳的心意。
回覆刪除祝旅途順利，一切安好!
p.s. 張機票真係好抵!
係呀，可能最後都見唔到，但我要知道我盡咗自己本份。
刪除雖然機票平，但我太遲買要坐中間位，一定好難捱。
我"厚多士"，其實妳都知&會24小時前上網check in，我試過好多次都係一夠24個鐘即刻check in，通常都改到好多嘅位! Good luck!! :)
刪除多謝提醒，我依家諗緊加錢去premier economy。
刪除Ceci:
回覆刪除~好多嘢, 都是講緣份, 今次返得香港, 又見唔到Cd.
~你講得岩, 有啲病咗嘅病人, 係唔想見人, 很多東西, 都是睇情況. 其實, 朋友知你有心, 而且, 你哋之前係咁熟絡. 其實, 好多嘢已經唔洗講,都感受到!!
係呀，我係好想見吓CD呀，契女嘛，唔可以太遲先見，返到美國時再睇吓乜情況。
刪除其實有唔少病人，都唔想見太多人，而且佢依家好弱好唔舒服要多休息。
亦有可能你朋友不想增添你的麻煩, 婉拒你的探訪, 見一見面, 將來不會遺憾
回覆刪除佢當然會咁諗，所以我想去香港先，等佢知道我已經做好準備澳洲。
刪除就我自己嚟講，到最後見唔見到佢，都唔係太重要，最主要係佢想唔想見。
Safe travel!
回覆刪除We can only imagine what she is going through to face her own mortality.
要坐中間位..... not looking forward to that!
刪除佢仲咁後生，而且平時係開朗積極嘅人，我覺得更難想像佢依家嘅心情。
CECI對朋友好真心。唔去澳洲都未必係唔好，可能令你更傷心。
回覆刪除我哋一於年尾見！
如果做得我朋友，我基本上對佢哋同對我自己家人一視同仁。
刪除我估我係替佢傷心多過自己傷心，因為佢原本真係有一片美好將來等緊佢.......
有時她自已辛苦,心想見多的朋友但又唔想朋友為她難過,唯有隨緣吧,如搭國泰是48小時內on line check in及自巳選坐位的,最尾72號兩邊也是兩坐位的冇中間位,看圖自己選位.祝好
回覆刪除多謝提醒，我年年飛，我老公個個星期飛，乜機種點揀位其實都已經好熟。
刪除oh, 原來妳們是常飛一群,那請問知不知bristish airway in USA的executive club有好多優惠,幾日前己email給LaLa參巧,她說會join,詳細請問下佢,去年我回港(11月中)CPA價定是US$825.00好平,我只join了asia miles club.因不是常出門,
刪除哈哈！我永遠都係坐中間位！窗口位一定老婆坐，都慣左！
回覆刪除無窗口，老婆就一定坐路邊位！我又係要坐中間！
你錫老婆嘛，如果我同我老公一齊飛長途，無一行兩個位嘅，即使同一行都一定分開坐，我一定坐窗，佢一定坐路口，有時仲會分開行。其他人可能會覺得奇怪，但我哋一啲都唔覺有問題。
刪除