在回港前把這篇也寫完吧，不然回來時已二月尾才寫感恩節有點那過。
我去年整年也沒有買很多鞋，主要因為實在太多，不只舊鞋，很多新買的也未著過。
但年尾時突然遇到好幾對靴都是心水，而且感恩節或之後減價後價錢可接受，所以一口氣買了四對。
未談Stuart Weitzman時，先寫兩對淺色靴。
我之前從未試過在Anthropologie買鞋，因為最小的碼也過大，但這次見到這對特別的短靴，居然有歐洲碼35及36號，立即買了對36號！原價US$180我覺得貴，但減價後$100買得過。實物來時我覺得有點闊，想換貨但發現已全部沽清，唯有穿厚襪吧。這對靴設計好像為鞋身穿了件冷衫，夠特別又舒服，我通常配到腳眼位的窄身褲。
第二對是近年非常少買的有踭鞋，我腳瓜幼買長靴不容易，在一些petite fashion blog發現了這對Nordstrom自設牌子BP的長靴，減價時我想買的啡色已斷碼，就改買灰色。多年沒穿有踭鞋的感覺有些奇怪，覺得自己高了許多，不過對靴好舒服，穿一整天都不會累。
之後是兩對Stuart Weitzman，在我的網誌瀏覽統計內，那篇Stuart Weitzman 50/50長靴的網誌一直高居前五名，證明SW真的很有吸引力。
50/50鐵價不議，今年還加價到超過US$600！但真的非常漂亮又舒適，我相信將來穿舊了也會再買。
我在季初時看中這對灰黑雙色的短靴Wingit，非常非常喜歡這麼有型的設計，但灰色的部份不是絨面皮(suede)而是flannel，叫價超過US$500我覺得太貴。終於等到感恩節75折即買，配bootcut的牛仔褲真的好型。
一口氣買了三對，本來以為買夠，但年尾八八卦去Stuart Weitzman網站看看，終於被我找到咖啡色的長靴，而且還是牛仔靴，瘦腳派非常難買到牛仔靴！原價US$735比50/50還誇張，即使多喜歡多難得我也不會買，但季尾居然半價$368！在SW不用$400買到未斷碼的長靴可算奇蹟啊！
這對Stuart Weitzman Yeeha 牛仔靴，沒有一般牛仔靴的老土花款設計，與50/50一樣都是過膝款，靴身闊一點，但皮比50/50更軟，所以穿起來會有少許打摺的感覺。送上試穿照及Blaze的photo bomb。
Stuart Weitzman的皮靴雖然不便宜，但舒適度亦與價錢成正比，較其他皮靴舒服得多，而且某些款式季尾會減價，在香港要時常走路的朋友們可考慮考慮啊。
Stuart Weitzman對靴$368有交易，唔買簡直對唔住自己，可惜我返工嘅日子通常行好多遍地鹽路，而且又著得好粗，真係唔捨得買太貴嘅靚靴。^^"
回覆刪除哈哈! 想知係咪妳親身示範新鞋相，睇下有無Blaze喺旁邊就知。
係呀，美國買Stuart Weitzman真係抵好多，依家呢對唔駛3000港紙！香港mark up太勁。行鹽路就唔好著靚鞋喇，不過可以買嚟春天秋天著都仲著到好耐架，你都諗諗。
刪除Blaze係跟尾狗一名，我行去邊企去邊佢都喺隔離架。
我鍾意第一對 :)
回覆刪除十二月响Milan買咗兩對猄皮長boot, 一對charcoal, 另一對burgundy, 買鞋真係好開心架, hehehe..... :P
我都好鍾意第一對，因為個設計好特別，如果換細一個碼更perfect。
刪除我依家無猄皮boots喇，好似我一向都無乜買猄皮鞋。
Those boots look great! I especially like the last pair.
回覆刪除I used to be able to wear jeans to work, I could justify splurging on long boots.
我四對都好鍾意，所以先一次過買哂四對，而且四對都著過，一啲都唔浪費。
刪除著裙我都會著boots架。
Ceci:
回覆刪除~很喜歡你啲fashion sense. 我最喜歡你對灰黑雙色的短靴. 但你捨得買, 其實我都想買, 但我好唔捨得!!
~你依啲鞋和早排買啲衫, 係返工着多嗎??
其實嚟咗美國之後好多貴價衫鞋我都唔會買喇，不過靴我係會捨得嘅，一對好靴可以著好多年。
刪除我大部份衫褲鞋襪都會著返工，除咗裙之外。
舒適度與價錢成正比， 我101 % 贊同啦！
回覆刪除係呀，我第一對Stuart Weitzman係喺香港買香港著，又尖頭又幼踭，都可以著足一日周圍行無問題，依家腳骨力唔好著唔到喇。
刪除好靚不過太貴喇！
回覆刪除我宜家一季著一對鞋咋。
你喺NYC要行好多路，要著舒服鞋。
刪除