終於有答案！
過去三星期，生活節奏被打亂了，因為老公天天在家，令我慣常的生活日程，如每天做運動、看電視、閱讀等都不能如常進行。
上一個芝加哥/意大利項目完成後，老公回家等待/尋找下一個項目。
尋找新項目的過程甚刺激，看見公司內聯網列出不同的項目，人揀你，你揀人。Boston、LA、Minneapolis、甚至Oklahoma的小鎮。對我來說，當然越大的城市、越多亞洲人/亞洲美食的城市越好，因為我通常都有機會跟隨小住一會，而如果可以乘機見到一些我認識的blog友就更開心！(我原本以為有機會見見糟糠及挑皮太太的，唯有等下一次！)
謎底終於在昨晚揭曉：西雅圖！
老公很高興，因為他之前也有項目在西雅圖，他很喜歡那城市。雖然雨季將臨，但冬天也將近，西雅圖一定比Boston及Minneapolis和暖。
而我更高興，一來我一向較喜歡西岸較開放的文化，而且亞裔人口亦較多，在downtown我亦可以隨意在日間外出。更令我高興的是，我有機會到溫哥華探望姐姐，當然更包括天天食中國菜！
點心，我來也！
你丈夫的工作很好呀，可以挑工作地點。
回覆刪除那你到西雅圖待多長時間？是relocation嗎？
[版主回覆08/19/2008 02:52:00]其實也不是隨意挑選，只不過每個project都只係幾個月至一年，做完就要去第二個，所以自自然然就會周圍走。因為咁，我哋當然唔會relocate，因為就算搬咗幾個月之後佢又會去第二個城。
我希望可以去一個月，最少兩個星期啦，當渡假，因為我唔駛返工嘛！
又係西雅圖呀??? 我的租客+好朋友又係去咗 西雅圖工作啦, 你下次記得選MN,都係一個清靜的好地方..
回覆刪除[版主回覆08/19/2008 02:56:00]我都好想去MN架，想見你同糟糠嘛。不過當然唔到我控制啦，我只係陪返工。
西雅圖好吖, 多唐人嘢食呀! 雖然有啲可惜今次見唔到妳, 但係重有大把機會啦! 妳喺西雅圖食多啲, 玩得開心啲啦!
回覆刪除[版主回覆08/19/2008 02:58:00]多謝哂！我原本好想去探你架，唸住會見到你囡囡嘛！
my brother is studying in seattle, seems that he's enjoying a lot!
回覆刪除[版主回覆08/19/2008 02:59:00]i also think i will like Seattle, except for the gloomy weather in the winter!
Seattle啲點心已經等你食佢哋喇, 你今次去Seattle係搬埋過去住嗎??
回覆刪除[版主回覆08/19/2008 03:01:00]唔係搬呀，只係去住同玩一陣，我老公就當然要返工啦！
我更期待係去溫哥華嘅中菜！
我好年前去過東西岸一些地方,最喜歡Las Vegas...雖然我未去過Seattle, 但你咁開心, 一定好啱你,祝新地方新生活更愉快!!記得寫多D我知吓Seattle係點..
回覆刪除[版主回覆08/19/2008 03:05:00]我唔係搬屋呀，只係我老公成日要周圍公幹，我跟住去玩咋！不過每幾個月就跟佢去玩一次都幾好架，起碼唔駛成日屈住喺鄉下咁悶嘛。
哈哈~ 未出發到西雅圖, 已諗緊當地既點心?
回覆刪除睇來你呢排要加把勁做運動~~ hehe
下次可以去加洲bay area嗎??
[版主回覆08/19/2008 03:35:00]肥我又唔驚喎，日日一個人喺酒店，我實會去做gym。
如果去Bay Area，實探哂你哋成班人！
西雅圖唔係好多唐人居住，你最好將美食嘅期望放喺溫哥華
回覆刪除[版主回覆08/19/2008 10:21:00]你有所不知，基本上任何地方都好過我現居地！我哋住嘅酒店好近西雅圖唐人街，我已經好興奮！
Seattle好呀...我去過都覺得好正...去果到長住都唔錯...你老公點解成日都要周圍去做野既?
回覆刪除[版主回覆08/22/2008 03:14:00]佢份工係咁架，佢公司係全國都有projects，啲staff周圍走去啲project到返工，幾個月至一年之後做完又去第二度。上次如果唔係芝加哥個計劃延期，我咃依家唙夏威夷喇！
你老公出去接job左, 你會跟佢去嗎?! 我老公都將會自己接job/project做, 要去其他european countries, 不過我唔跟, 所以自己要好獨立的了!
回覆刪除[版主回覆08/22/2008 03:18:00]啲projects唔係佢自己接，係佢公司接，佢只係個員工被派去開工，當然佢哋長時間有成千上萬個projects做緊，所以佢都有啲自己揀自己想做嘅project.
我等緊你黎LA架
回覆刪除[版主回覆08/26/2008 05:45:00]總有一日，我哋會見到面嘅！