還有約一星期，北京奧運就會展開。
各國傳媒大部份已抵達北京，完成登記工作，準備向國民作出報導。
由於本屆奧運在中國舉行，令四年一度的運動競賽增添了強烈的「政治性」。因此，被派往採訪的記者，除了一般的體育記者外，還有大量的政治記者。
最近幾天看新聞，不論是本地小型電視台，還是全國性網絡電視台，都在報導記者們在北京上網，不能進入一些網站，投訴已承諾的訊息流通自由被剝奪！blah… blah… blah…
再留意他們投訴不能進入的網站：法論功、八九民運、鎮壓西藏、西藏獨立、國際特赦組織……
看完報導，真不知是好嬲還是好笑！
首先，如果是專業記者，不論是入行初哥，還是資深傳媒人，如果不知道上述網站，一向在中國國土被禁這「常識」的話，好打有限！
若已認識這「常識」，而居然一心以為北京會為一個奧運會，為海外傳媒，為國際形象，而作出本質上的改變，這亦證明這些海外傳媒實在太天真/無知！
我最初聽到這些報導，以為只是鄉下蚊型電視台在製造新聞，無知傳無知。但當我發現連NBC News都報導這些「常識」非新聞後，就不禁慨嘆現代傳媒為做新聞而做新聞實在太無聊。
幸好，昨晚終於有一電視台在報導這非新聞時，同時訪問了一名採訪中國新聞的洋記者，指出這些指控屬大驚小怪，不值一提。起碼，採訪的記者都有意識這是無聊新聞。
以為北京會為一個奧運會 ， 為海外傳媒 ， 為國際形象 ， 而作出本質上的改變 ， 這亦證明這些海外傳媒實在太天真 / 無知！
回覆刪除事實上不單是海外傳媒，很多人也是超無知和天真！！
[版主回覆08/03/2008 01:21:00]真的嗎？是否我要求太高，抑或太脫節？
普通人無知我都無辦法，但我對所謂「傳媒工作者」嘅要求係高D，如果無常識，唔該佢地行埋一邊唔好教壞細佬！
今次奧運真係有好多人想睇中國點死架!! 中國人一定要爭氣呀!!!
回覆刪除[版主回覆08/03/2008 01:26:00]講真，我又無乜特別要中國一定辦得好的感覺喎。其實都係一場show，你又唔想俾人睇死，人地又無論你做乜都一早已經睇死你..... 搵黎攪。
希望D運動員無受騷擾啦！拿拿林完成佢唔駛再煩。
我不嬲都覺得大陸政府做嘢就係 " 有客到咩 ~ 咁打掃吓啦咪失禮人 " , 前年去上海見到公路有路牌寫住 " 文明禮讓 " 我明白政府真係好想做到 , 但中國要真係做到我諗有排 , 我哋嘅早國要做嘅事實在太多 ..
回覆刪除[版主回覆08/04/2008 01:52:00]其實我覺得佢地7年幾前投做奧運太過樂觀，經濟上當然做得到，國際排名亦夠強，但係佢地低估左文化上的差異，唔係十年八載可以拉近。
國際形象唔係錢買得到。即使今屆奧運一切順利，空氣質素理想，無塞車，無禁上網......etc etc，西方國家仍會雞蛋裡挑骨頭，不為什麼，只為因為中國係主辦國。
可能7年前大陸以為依家已經進步好多。我唸如果大陸已經改變左，開放左，攪掂哂外國人D心結(六四、西藏)先投奧運做，咁就會真正錦上添花。否則，攪多幾多次都只係勞民傷財。
其實我覺得佢地係專登去呢D websites到睇下中國係咪真係照佢地承諾unblock晒呢D甘sensitive既websites,佢地其實係有心想report呢D中國既privacy issues唶~
回覆刪除[版主回覆08/08/2008 03:15:00]但係中國無承諾過會unblock D網站喎，中國係有話可以自己上網，但係中國不嬲都係依照自己法律block果D網站，對於中國黎講，D網站犯法架。
如果其他國家都因為奧運，就放寬自己嘅國法俾外國人，咁雙重標準仲得人驚。
呢的傳媒咪就係小題大做囉
回覆刪除[版主回覆08/08/2008 03:15:00]我係覺得佢地無聊，由無料到。