遠方的你：
多年不見，你好嗎？
當年經過萬重障礙，我們才能走在一起。對於從小到大未被人寵幸過、縱容過的我，被你的愛包圍，像上了癮一樣，卻沒有好好珍惜。
工作令我身心疲累，怨氣沖天，你逐漸成為我的出氣袋。直至一天，自覺被迫到牆角的我，把你揮之則去。到後悔之時，你已真的離我而去。
分開後一年，你在壯年三十歲中風昏迷幾星期，醫生已叫家人作最壞打算。我沒資格打擾，只能透過朋友打聽你的狀況。有時候我會想，如果之前沒有這樣傷害你，你會病發嗎？
常人都說，對著倒瀉的牛奶哭也沒有用，或相勸珍惜目前的，不再重蹈覆轍就好了。我只知道，我贖多少的罪，也無法抵償我曾這樣傷害一個人、這樣傷害你的內疚感。
夜闌人靜時，我常會想，如果突然患病獲賜一臨終遺願，我是多希望與你再見一次面，親口向你說聲「對不起」，及祝福你一切安好。希望你知道，我不是那個無視他人感覺、任意莽為的人了。
我知道你不需要我的道歉，更可能感激我的自私任性，才能遇到現在的太太。最近在朋友的FB照片見到你一家四口，我知道你的生活應該是如意的。
你不愛我，亦不恨我，對我可說是不感任何興趣。所以，我唯一能做到的，就是不魯莽地打擾你。
你，
仍是我一生中最愛我的人。
傷害了你，
我畢生內疚。
沒跟你相守，
是我終身遺憾。
你的前妻上
人生總會遇到不同的事, 有時會錯過了些什麼, 但我相信你定會明的, 將來會是美好的...錯過了的人人, 他們會有自己的生活...回憶就留在心裡吧...
回覆刪除[版主回覆11/08/2009 10:38:00]我明白，其實我一直都明白，所以咁多年都無打擾佢。
好多回憶都無lu，當年所有相片或是紀念品都掉哂喇。
好啦!!大家都有個美好家庭，擁有美麗難忘嘅回憶，已是無憾啦!!Yvonne
回覆刪除[版主回覆11/08/2009 10:36:00]我都有過好多好男朋友/伴侶..... 但真係無一個有佢咁愛我(連我依家老公都不及)....... 而且佢中風好大年事，做咗幾次手術，要成年之後先可以再返工，開腦條大疤痕依家都清晰可見。而且佢年輕中風，再中嘅成數會高過其他人。
我覺得最傷心嘅係，有心又好無心又好，傷害一個自己應該愛嘅人。正如如果一個媽媽傷害咗自己嘅兒女，又有後遺症，即使幾無心都好，都會係終身遺憾內疚。
既然都過去咗而且佢有一位照顧佢嘅太太﹐你亦無謂再自責喇。好似你咁講﹐如果唔係你離開佢﹐佢亦無機會遇見而家嘅太太﹐有個家。緣份嘅野唔到我哋控制嘅﹐唔係你嘅點都唔係你嘅。 衰D諗﹐可能當年你無離開佢嘅話﹐咁佢咪一直要做你嘅出氣袋﹐咁咪好慘﹖﹗ (講下笑﹐唔好嬲呀下﹗ )
回覆刪除[版主回覆11/08/2009 10:29:00]唔嬲，一定唔嬲，因為我真係唔啱，我以前有啲似「野蠻女友」！佢真係好好架，又就得我，但佢自己本身都好叻仔，又好好人，文武全才架！
其實我哋有一段短時間有復合，嗰時我已經無再發脾氣喇，不過佢已經識咗另一個女仔(即係後來佢太太)，到最後都唔work。
I admire you even more after reading this... 你不愛我 ， 亦不恨我 ， 對我可說是不感任何興趣 。 所以 ， 我唯一能做到的 ， 就是不魯莽地打擾你 。Y ou're very mature and selfless... not many people can do so... "He" is definitely a great guy from what you've described, I hope he's going to be healthy... Sometimes it's just bad timing... but we also learn from the past, and now we appreciate what we have in our life, and not take it for granted.
回覆刪除Sometimes... we miss those who treated us the best, even though that may not suit us the best. I think "He" knows how you feel... and definitely know you're not a selfless person with no emotion...
I hope you're feeling better now, especially after your trip!
[版主回覆11/17/2009 03:15:00]"不打擾他"真係要一啲定力，因為我成日都會諗起佢。不過知道如果真係搵佢都係為咗滿足自己私心，咁就唔好啦。已經傷害過佢，唔想再為佢添麻煩。我最想，都係同佢講句對唔住。
佢真係一個大好人，人品好、有才能而又勤力。分開咗，係我自己lost。