姐姐們都問我，前幾日咁大雪，我有無出去玩雪雪呀？
唉，我緊係想啦，不過今次好唔好彩，又落雪又落冰，而且中間無停過，到第二朝準備出門口去便便時，唔好話玩雪啦，連行都行唔到呀，媽咪踏第一步已經差跣親，更加唔敢俾我出街。
之後媽咪喺後園剷呀剷，終於剷到見到草草俾我便便，我見到周圍都係白雪雪都好興奮架，後園啲雪無咁高，我可以自己走上去八卦吓。
你哋都睇到啦，我係有周圍行，但一時啲冰踏得穿，一時踏唔穿要喺冰面上行，我唔識用力，一路行一路跌，就好似人差錯腳咁，愈行仲愈驚，都唔敢走得遠。媽咪仲驚，因為咁樣我會好易扭親，所以我落翻草地後媽咪都唔再俾我走上去喇。
其實我同其他哥基一樣，雖然狗他矮矮，但都好鍾意玩雪架，你睇吓其他狗狗玩得幾開心！
成個沉左落去好笨呀, hahaha
回覆刪除哥基矮吖嘛，幾吋雪都好高架喇。
刪除hahaaaa 可以玩雪真係好呀！真係小心吾好扭親
回覆刪除我都希望淨係雪，下星期三預告又有雪落呀。
刪除真係行到跌跌撞撞咁好「牙煙」~ >"<
回覆刪除不過用腳仔FEEL下D雪都好爽啦!!!
試過今次咁牙煙都唔會俾佢行冰喇。
刪除有冰危險唔好玩呀，扭親點算？
回覆刪除係呀，狗仔扭親好大件事。
刪除Blaze, 唔止你驚行結冰地，姨姨都好驚架.
回覆刪除媽咪都好驚，全日無行出屋。
刪除FEEL到你又驚又爽～～～
回覆刪除係呀，佢係驚驚地架，所以行一陣就唔敢再行喇。
刪除真係好多雪呀， 連你四隻腳仔都沉咗落去。
回覆刪除嗰次淨係得雪可以玩一陣。
刪除BLAZE 好享受喎， 姐姐覺得你好可愛呀。
回覆刪除多謝！媽咪都覺得我可愛！
刪除其實我覺得最尾張相相好有動感，有D似狐狸追捕獵物feel!
回覆刪除以前有朋友當狗狗人咁養，扭親就搽正骨水，好攪笑 XD
有啲人用嘅藥係可以俾狗仔用架，如benadryl, 某啲止痛上痾藥都得。
刪除Blaze, you are so brave, my dog-Jade only sty in bed and squeezed into my quilt these few cold days, no movement, even want me to feed her on her meal time on my bed. She is a typical lazybone. (mummy of two)
回覆刪除你隻狗狗可能係短先種怕凍?? Blaze唔怕凍架，所以鍾意玩雪。
刪除Ceci:
回覆刪除~你個邊, 可能少, 一次過, 落咁多雪!! 所以, 一落大雪之後, 真係周圍都會好滑
~狗仔, 扭親都好長手尾. 而家咁多雪, Blaze 唔好出太多街行!!
~你自己都小心, Take care!
係呀，狗仔扭親好煩。不過啲雪呢幾日都溶哂喇。
刪除雪上飛
回覆刪除狗仔雪上要行都一定要咁。
刪除