剛過去的冬天實在太漫長了，由去年10月底直至上一個星期，足足5個月都是寒冷氣溫，冬季衣服穿了差不多半年，真的悶到發瘋！
由首爾香港回來後，我都沒有買過冬季衣服，春夏裝又遲遲未開始，所以過去一兩個月算好節制！
Loft跟Ann Taylor上個月都突然多了個Cyber Spring，有一天全場半價免郵費，但我看來看去都只是選了件外套及有eyelet pattern設計的恤衫。
J Crew前陣子也有7折，買了兩件T恤加條軟軟像絲質的印花褲。
另在趁Boden減價買了這件麻質的上衣，我喜歡60年代的懷舊圖案設計。
然後當然是裙，不買裙就不是我。
先是兩條來自Mod Cloth，藍色的斯文款，是留待要穿得較莊重或成熟的場合時而買的(其實都是藉口，這類裙我也有不少)！白色像水彩畫的那條，長度及膝，但我這年紀這樣穿有點過份了，我會當把它tunic穿，下身配白色四個骨褲應該好看。
上星期Talbots春裝減價7折，我一直看中了下面這條花花裙，印花漂亮下身又有袋，但減價第一天上午我穿的2P碼就賣斷了，猶豫了很短的時間決定買4P，來貨後發現應該改得到就留下來了。唉，早知會斷碼就不等減價了，改衫錢加起來也差不多！
最後當然是我這一兩年的大熱maxi dress。季初在Anthropologie買了這件，因為顏色較低調也有明顯上下身的設計，成為我穿得最多的一條maxi dress。
另外兩條來自Mod Cloth，淺色那條因為顏色花紋與裁剪都較明顯，我刻意把它改短一點到腳眼上幾吋。另一條不太特別但價錢平可當街坊裝。
買了這麼多maxi dress，我建立了一些自己的喜好與心得。首先我不買淨色，我發覺淨色的，都像沙灘裝蓋在泳衣上太隨意的感覺。另外maxi dress因長度關係，有些裙是介乎便服與晚裝之間，我想要的感覺是dressy but not formal，所以選擇時也依照這個原則。印花當然可以，但花紋太大或誇張的我多數只考慮裙身深色的，至於碎花或印花低調的，就任何顏色都可以。畢竟，穿maxi dress容易給人「衫穿人多過人穿衫」的效果，即使像我身形較修長均勻的，也要小心選購。我亦大部份時候會外加一件短外套「讓整件事自然一點」。這一兩年買的所有maxi dress我都穿過，實用性比我買的其他裙高好多，亦得到好多陌生人讚賞啊！
I have never bought a maxi dress because i feel that it will wipe everywhere i go -- floor, bathroom ...
回覆刪除I can imagine you will find a fancy dress for yourself when your daughters will get married!? :)
我所有maxi dress都會改短，而且係短到腳眼位以上，因為我著平底鞋亦唔鍾意啲裙拖地，我覺得要上樓梯方面先得。可能我腰位唔太低，就算改短都仲有maxi dress效果。
刪除如果啲囡結婚，我估我會揀啲低調嘅衫/裙，一來佢哋先係主角，二來佢哋有自己親生媽媽，老公前妻至係嫁囡主人翁，我一定唔會喺呢啲場合令佢覺得我要爭風頭。
Anthopologie 條裙好靚，妳身型偏瘦，一定着得好睇，比着我，肚腩大過胸，着唔到呢D修腰位嘅款! ^^"
回覆刪除妳話要改成tunic條裙，我覺得同ted baker 嘅款色好似，都係好eye catching, 好好睇呀！
我鍾意Anthropologie條裙夠低調，唔係吊帶著乜bra都得，即使唔著外套都夠自然，所以一諗唔到著乜就著嗰條裙，非常實用。
刪除條白裙實物都幾靚架，尤其係高領位我鍾意，又唔太貴，不過夾位大咗少少我攞咗去改緊。
Have you bought any maxi skirts?
回覆刪除I am tempted to get some maxi dresses but thought they might be a little too casual for work.
maxi skirt 我好似只有一條純白色嘅，我近幾年都無著skirt喇，總係覺得著裙方便因為一件過。
刪除如果你外配係短西裝形外套，應該唔會太casual，不過當然要睇你工作種類啦，我公司牛仔褲都得，我著裙已經too formal喇。
我依然係好忙, 不過見你講春裝都忍唔住要搭下嘴 :P
回覆刪除其實三月都重係寒寒地時我已經忍唔住換咗季, 再見到長boot同大褸我會嘔架喇! 呢季我瘋狂地買粉色系, 又突然大愛mint colour (其實我好少著綠色), 上兩個星期响Milan時我直情買到癲咗 :P
兩個星期前我哋仲係攝氏10度以下，太凍換唔到季呀，我最多只係前一排已經收起所有靴。
刪除我今年無乜點買，太多衫都著唔哂好浪費。我對粉色麻麻地，我比較鍾意鮮色。
每次睇你介紹時裝，都覺得你很有品味，十分羨慕呢。
回覆刪除乜身形都可以有品味架，我都只不過係買得多上網睇得多，漸漸知道自己喜好同適合著乜衫。
刪除Ceci:
回覆刪除~你個邊, 這一個冬季, 好像好長!! 我都記得, 我當年係多倫多, 要咩住件大褸半年!! 好明白你感受!! 而家終於着到春裝, 實有說不出嘅快樂!!!
~Loft and Jcrew, 我近排幫襯多咗!! 條印花褲, 我都有考慮過!! 哈哈~~
~今次, 你買多咗裙!!
Loft同Ann Taylor今年我無乜睇中，半價都買唔到啲乜。條印花褲我今日返工著咗喇。
刪除夏天著裙最方便。