繼續我的個人遊重溫。(以下除了個人照都是網上圖片)
_________________________________________________________________________________
2004年某天起床上班，腳離床踏地即踩到一腳水！大件事！原來廁所水箱頂控制停水的裝置壞了，水一直由頂的周邊靜靜浸出，全屋除了厨房都浸滿2-3吋。業主決定更換地板，要我撤離五天！
正惆悵如何安身，突然想到來個五天遊，回公司跟老板說一聲就跑上旅行社。因為心情欠佳，不想花任何心思，決定到曼谷來個豪華遊。所指豪華，即是選間好酒店，然後足不出戶，食、住、玩、Spa全在酒店進行。
我選了Mandarin Oriental Bangkok及Banyan Tree Bangkok。
前者曾多年獲選全球最佳酒店，不是因為它的酒店設施(其實房間裝修有點舊)，而是它一絲不苟的一流服務。
登記入房不在大堂，你踏出車，報上姓名，前檯員工就會拿著房匙與你直接上房間，確實你對房間滿意才即時在房間登記。
除了一般的迎賓生果及果汁，更送上駐場經理的邀請卡，請住客當日黃昏到Author's Lounge參加歡迎宴，有飲有食之餘，更介紹各部門主管及可與其他住客閑聊。
另一特別之處，是神秘管房服務。曼谷文華東方有一奇技，就是無論住客何時離開房間，一天離開幾多次，離開多久，回房後都會發現房間被執拾過，用過的毛巾被更換，床再舖過，一切物品擺放好。曾有傳言指以前的管房部會在你入房後把一根牙籤斜放在門邊，如牙籤倒下即代表住客離房，可入內進行整理。
我沒有看見牙籤，但神秘服務是真的！每次回房都像第一次入房一樣整齊，即使只是吃一頓早餐，但又不曾在我在房間時按過一次門鈴，連在走廊也不曾看過管房部員工或手推車的影子！他們應該是有專人廿四小時盯著客用升降機的。
即使沒入住酒店，我都誠意推薦它的亞洲著名法國餐廳Le Normandie，由於是fine dining，要尊重場合，所以即使我一個人也沒有帶書本解悶。其實三個小時並不難過。就是因為我是很少有的獨行俠，餐廳的法籍經理很善解人意地付出不成比例的時間與我交談，由於三度菜製作需時，更在中檔時間拿出幾種精緻小點讓我免費試食，離開前又專誠回辦公室拿了一本有關全球高級法國菜的書籍給我留念。說真的，即使沒有被特別照顧，我也覺得花點錢來一次真正fine dining非常值得！(依稀記得這一餐頭盆到甜品大概1,200港幣，我不喝酒而且差不多是十年前所以不便宜，但不要忘記這裡真是大班級的高級法國菜。)
在泳池游泳，員工一見你步入泳池門口範圍就會雙手捧著毛巾跟著你去選擇座位，放好毛巾後再拿一杯冰水給你。跟以下圖片一模一樣。
還有我一生人吃過最好的牛角包、一級的按摩、真正一級的服務。最難得的是他們不會在你身邊太殷勤的樣子，而是遠遠靜靜地在一旁，見你抬起頭向外望，就會笑著迎向你前來！
其實比起香港或其他大城市地方，入住曼谷文華東方的收費並不太貴，但服務真的超班！(信我，我住過香港文華的套房及半島有私人管家服侍的套房，服務也不及曼谷文華！)
在曼谷文華東方，你會覺得自己是一個「大班」。
至於Banyan Tree Bangkok，跟其他Banyan Tree的渡假酒店不一樣，雖然每間房都是套房，但位於市中心，住客又多，服務級數跟曼谷文華差很遠(雖然也可接受)。
我選擇它的原因是希望試它著名的Spa，及天台沒遮沒掩的餐廳Vertigo(如果你有畏高可能會害怕)。兩處地方都很值得一去，尤其是Vertigo，慶幸我去的時間沒有下雨，因為下雨不開。一級的曼谷日落、一級的曼谷夜景，食物質素我已忘記了，但坐在那裡吃一餐晚飯實在印象難忘！
那個旅程，我除了更換酒店外，就沒有離開過兩間酒店，整個旅程可能比遊日本貴，但物超所值。
2004年之後，我只跟一班朋友到過曼谷一次，沒有機會再入住文華東方了。但我知道它會記住每一個住客的紀錄及喜好，務求令每一個住客賓至如歸！
我一定要再入住曼谷文華東方！
我未住過咁高級嘅酒店呀，亦有担心開咗個頭，會返唔到轉頭，每次旅行都想豪住，真係唔中彩票都唔掂，hehe.
回覆刪除唯一試過住langham london嘅club room, 係老公嘅公司比錢，食物同服務都好好，唯獨我哋個樣生得較後生之餘，衣著亦太似乞丐--->因為我一個人要拎哂兩個人兩星期嘅行李去見從非洲去倫敦放假嘅老公，拎唔到太多/重嘅行李，所以盡量帶D著完就掉嘅衫，結果嘛，咪比其中一個club lounge 剛換更嘅經理懷疑我哋白撞，食咗幾日早餐之後，仲派個下屬嚟問我哋住邊間房，當然，佢對其他"乎合要求"嘅住客係友善好多啦。^^"
今年會成行嗎？:)
其實就算返香港我住金鐘Marriot時，如果唔係同我老外老公一齊，都試過食早餐時有club lounge嘅人問我房號。不過嗰朝超多人，佢好似每檯都問，驚有人白撞食免費早餐。
刪除其實曼谷文華唔貴，到今時今日都唔駛300蚊美金一晚，當然喺曼谷有好多選擇又平又靚，但真係一世人做一次大班的話，去曼谷文華係最平最抵嘅。我嗰次每間酒店住兩晚，一日三餐，去哂兩個Spa，我估洗咗萬幾蚊港幣，去泰國洗咁多錢可能好多人會話我傻，但講真萬幾蚊做幾日大班，每餐飯，每次Spa都係一級質素，其實唔貴。可能其他人選擇日日洗幾百蚊做Spa，同我去5日先做2次嘅價錢差不多，但我一向貴精不貴多嘛。
今年去邊未知呀.... 我諗緊英國，但又想去日本/韓國。
I love love love the picture from Vertigo.
回覆刪除I can't wait until I can travel at the drop of a hat. Most of my vacation days are used to take care of sick kids.
How many vacation days do you get a year?
Vertigo真係值得一去，不過都幾得人驚架，因為好高，又有啲大風，啲杯碟刀叉都好重架，但係如果我再去曼谷我都會再去多次，Banyan Tree我就唔會再住喇。
刪除我一年有15日假，3日由public holiday變成幾時都用得嘅floating holiday，另有病假。
Ceci:
回覆刪除~好彩, 你個業主受理, 仲可以保証五日, 整理好!! 你以前個業主, 算幾好!!
~突然間, 去旅行, 我後生時, 也曾想過, 但身邊太多事要顧及, 我工作頭五年,都沒有去過旅行. 連美國or 加拿大內陸地方都未去過!! 突然間撤離, 都要有勇氣及經濟能力才能做到.
~文華東方, 幾時都好細心. 真係細心到估唔到. 怪不得, 好多香港人, 去泰國都曾住個文華東方啦!!
~好羨慕你, 你身型好好呀!!
我又無諗過佢會唔受理喎，呢啲係業主責任。其實仲有好多人問我業主有無退翻5日租金俾我，又或者俾錢我出去住5日。
刪除我從來都唔會為咗份工作而鎖死自己，當然如果係project base嘅有個限期嘅，我唔會不負責任走咗去啦，但係做routine工作嘅，如果份工好難放假，我一定唔會做得耐。不過呢份工我唔駛點預時間都可以突然放假，因為我得一個直屬老細，就係CEO，我自己department啲日常小事我啲下屬攪得掂。
間酒店好靚呀! 一定物超所值
回覆刪除係呀，即使我話"豪"，其實真係唔算好貴，起碼比香港酒店平好多，去日本如果地點方便，呢個價錢可能住間蚊型房。
刪除哈哈哈Ceci點只一次豪！
回覆刪除真係眼界大開呀！我一定無機會住。
你唔係無機會住，你係富婆一萬幾千大把，你係唔捨得啫。我同你對錢嘅concept非常唔一樣，你係儲咗嘅錢係錢，我就洗咗嘅錢先係錢！
刪除我只時享用過曼谷文華東方酒店下午茶也認同是好地方。
回覆刪除我一日食完三餐已經太飽，無試過下午茶，不過就算行吓坐吓飲杯茶，曼谷文華都係好選擇。
刪除這是一個專業食客blog主最近寫Mandarin Oriental Bangkok的網誌：
回覆刪除http://gourmetkc.blogspot.com/2015/05/blog-post_31.html